Chapter 11: ‘RULES FOR HER’

"Berhin it's chow time!"

Napamulat ng mata si Belle sa malakas na boses ni Mark na talagang may kaakibat pang pagpalo sa couch na hinihigaan niya.

Ramdam niya ang bigat sa kaniyang paa dulot ng hindi pa niya nahuhubad ang sandal niyang bakya.

Hindi pa siya nakabangon humirit pa si Mark, "Hindi ba ang sabi ko, kakain muna?" Sumimangot siya, sumenyas naman ito sa kaniya na bumangon. "Kilos na, balik-higa ka na lang mamaya. Sarap nang niluto ko."

Nakangisi itong tumataas-baba ang kilay sa kaniya. Napabigla pa ang pagbaba niya ng paa kaya nagmukha itong nahulog mula sa arm panel ng couch at lumikha ng malakas na tunog sa tiles. Umalis na si Mark sa harapan niya para siguro asikasuhin pa ang hindi nito natapos sa hapag kainan.

Kinusot niya ang kaniyang mga mata at tumingin sa lamesa at dahil walang division ang sala at kusina, makikita niya nang buo ang sitwasyon nito.

Nakahain na nga sa bilog na lamesa ang mga pagkain at kasalukuyang hinahanda ni Mark ang plato na para sa kaniya. "Tu