Chapter 49: The Fall of the Royal

Hindi mapigilan ni Liah, ang sarili. Niyakap niya si Zek nang mahigpit hanggang sa lumuha na siya nang tuluyan. Bumuhos ang malakas na ulan. Mas lalo lumakas ang iyak ni Liah sa bisig ng prinsipe. Hindi niya alintana na unti-unti nang nawawalan ng bisa ang kaniyang salamangka na ginamit kay Annabelle. Niyakap siya ni Zek, kahit hinang-hina na ang prinsipe. Naging emosyonal si Liah nang mga oras na iyon. Hindi na niya mapigil ang pagod, pangamba at pag-aalinlagan sa mga bagay. Parang nawawalan na siya ng pag-asa. Sa kaniyang kahinaan mababakas ang unti-unting pag-usbong ng kasamaan. Unti-unti na rin napagtanto ni Liah ang kaniyang pagsubok. Haharapin niya lahat, wag lang mawala ang lalaking pinakamamahal niya.

Mas lalo pang lumakas ang ulan at ang ihip ng hangin, isa-isa na rin binabaklas ni Annabelle ang mga ugat sa kaniyang katawan. Tuluyan nang nawala ang salamangka na ginamit ni Liah. Sumilay naman ang ngiti sa labi ni Annabell