Chapter 38

"Hala si Cara na ba yan?"

"Ha?! Saan? Patingin. Ay oo si Cara nga! Bakit parang pumayat siya?"

"Pumayat ba? Ay oo! Pumayat nga tsaka mukhang maputla."

Oo naging maputla ng ako dahil hindi naman ako pinapayagang lumabas ng bahay. Kung lalabas man ako, sa bakuran lang din at pinapapasok din agad. Halos hindi na nga ako maarawan doon.

"Baka buntis?"

Ako buntis? Bakit naman ako mabubuntis e wala nga akong asawa. Kahit boyfriend nga wala din. Itong si Knoxx hindi ko naman alam kung ano talaga ang estado namin. Oo tinatawag niya akong baby pero baka dahil lang sa magkaibigan kami.

Pero may tawagan bang ganun sa magkakaibigan? Matanong ko nga siya mamaya.

"Ay oo baka nga! Tingnan mo nga ang tiyan kung malaki na ba?"

"Ah kaya siguro ang ingay ng mga pusa kagabi."

"Oo pati yung mga manok ni Berting."

Ano naman ang kinalaman ng mga hayop sa akin?

"Ang sabi nasa abroad? Bakit umuwi?"

"Baka pinauwi?"

"Huy tumahimik kayo kasama niya pala si--"

Patay malisya akong hindi naririnig ang usapan ng mga