Accidentally Pregnant With The CEO's Child

ALINA MONTEJO POV

"Congratulations, Miss Alina Montejo. You're officially eight weeks pregnant. Kapit na kapit ang embryo, at normal ang lahat ng vital signs mo."

Nakahinga ako nang maluwag habang pinapanood ang maliit na tuldok sa monitor ng ultrasound. Doon pa lang, naramdaman ko na ang kakaibang tibok sa puso ko. Sa wakas. Sa edad na bente-otso, pagkatapos ng ilang taon na puro trabaho, puyat, at pag-akyat sa corporate ladder, nakamit ko rin ang matagal ko nang pangarap—ang magkaroon ng sariling pamilya. Walang toxic na lalaki, walang sakit sa ulo na ex. Ako lang at ang magiging anak ko.

Independent woman yata 'to. Kaya ko 'to mag-isa.

Eksaktong dalawang linggo pagkatapos ng check-up na 'yun, nakatanggap ako ng sunod-sunod na tawag mula sa clinic. Noong una, hindi ko pinapansin dahil busy ako sa mga hinahabol na reports sa opisina. Pero nang mag-text na ang mismong Head Doctor na si Dr. Ramirez at sabihing highly confidential at urgent ang kailangan naming pag-usapan, kinabahan na ako.

Kaya heto ako ngayon, nakaupo sa tapat ng desk niya, habang pabalik-balik siyang naglalakad sa loob ng opisina niya. Pinagpapawisan siya kahit malakas ang aircon, at kanina pa pinagpapawisan ang mga kamay niya habang hawak ang isang makapal na folder.

"Alina..." pambungad ni Dr. Ramirez, ang boses niya ay nanginginig na parang ewan. "I... I don't even know how to say this. Identity checks were done, laboratory protocols were followed, but... we encountered a catastrophic technical mix-up in the cryopreservation lab."

Kumunot ang noo ko. Kinabahan ako para sa kalusugan ng baby ko. "Doc, ano'ng ibig ninyong sabihin? May problema ba sa bata? May genetic disease ba ang donor? Sabi niyo sa akin, galing sa isang healthy, anonymous master's graduate ang specimen—"

"Hindi 'yun ang nagamit," pagputol ni Dr. Ramirez. Halos mawalan siya ng kulay sa mukha. "Nailagay sa iyo ang specimen mula sa isang private, high-security storage tank. Isang specialized VIP deposit."

Bumagsak ang panga ko. "Ha? Paanong..."

Inilapag niya ang folder sa tapat ko at dahan-dahang binuksan ito. Lumitaw doon ang profile ng isang lalaki. Kahit sa litrato lang, kitang-kita ang seryoso, matatalas, at napakagwapong mukha nito. Pero hindi ang mukha niya ang nagpapatak sa luha ko, kundi ang pangalang nakasulat sa ilalim ng larawan.

Ezekiel Valencia.

Ang nag-iisang tagapagmana ng Valencia Medical at Tech Conglomerate. Ang pamilyang nagmamay-ari ng kalahati ng mga mamahaling ospital, laboratoryo, at pharmaceutical companies sa bansa. Isang bilyonaryong balita ko ay dumaan sa isang delikadong operasyon taon na ang nakararaan kaya nagtabi ng specimen, at kilala sa pagiging ruthless pagdating sa negosyo.

"Si... si Ezekiel Valencia ang tatay ng dinadala ko?" bulong ko, parang hihimatayin sa narinig.

"Yes, Alina. At malaking gulo ito," dire-tsong sabi ni Dr. Ramirez, habang nakatitig sa akin na parang ako ang pinakamalaking problema sa mundo.

"Walang pwedeng makaalam nito. Kapag nalaman ng pamilya Valencia na nagkaroon ng malpractice ang clinic namin gamit ang specimen ng nag-iisang tagapagmana nila, hindi lang lisensya ko ang mawawala. Isasara ang clinic na ito, at gigisayin tayo ng mga abogado nila sa korte. You know how powerful they are. Baka pati buhay mo, maging miserable."

Naramdaman ko ang lamig na gumapang sa buong katawan ko. Awtomatikong humawak ang kamay ko sa tiyan ko. "Anong... anong gusto mong gawin ko?"

Dinala ni Dr. Ramirez ang isang piraso ng papel sa harap ko, kasabay ng isang ballpen. Isang Non-Disclosure Agreement (NDA) at Termination Form.

"We need to correct the mistake, Alina. We will schedule an immediate termination of the pregnancy. Siyempre, hindi ka namin pababayaan. The clinic is willing to compensate you. Sampung milyong piso. Isang pirma mo lang dito, mapupunta ang pera sa account mo, at pwede nating ulitin ang IVF process gamit ang tamang donor pagkalipas ng ilang buwan."

Sampung milyon kapalit ng buhay ng anak ko?

Tumingin ako sa dokumento, tapos sa mukha ng doktor na halatang sariling interes lang ang iniisip. Naramdaman ko ang biglang pag-akyat ng galit sa dibdib ko. Hindi ko pinlano ang maging ganito kagulo ang lahat, pero ang saktan ang sarili kong anak para lang pagtakpan ang kasalanan nila? Hinding-hindi ko gagawin 'yyun Biktima rin ako rito, pero mas biktima ang batang walang kinalaman na nasa sinapupunan ko.

"Are you insane, Doc?" mariin kong sabi, sabay tulak pabalik sa folder. Tumayo ako, diretso ang tindig kahit nanginginig ang mga tuhod ko. "Hindi ko ipapalaglag ang anak ko. Hindi negosyo ang buhay ng bata."

"Alina, mag-isip ka nang mabuti!" humabol si Dr. Ramirez, tumayo na rin siya at pilit akong hinawakan sa braso pero pinalo ko ang kamay niya. "Hindi mo kilala ang mga Valencia! Kung malalaman ni Ezekiel Valencia na buntis ka sa anak niya nang walang pahintulot niya, kukunin nila ang bata sa iyo o kaya naman ay sisirain nila ang buhay mo! Wala kang laban sa kanila!"

"At wala rin kayong laban sa akin kung ipapubliko ko ang kapabayaan ng clinic niyo," banta ko, kahit ang totoo ay natatakot din ako sa pwedeng mangyari. "Huwag niyo akong susubukan, Dr. Ramirez. Ang perang 'yan? I*****k niyo sa baga ninyo."

Mabilis kong binuhat ang bag ko at naglakad palabas ng opisina niya nang hindi lumingon. Naririnig ko pa ang sigaw niya na tinatawag ang pangalan ko, pero diretso lang ako hanggang sa makalabas ng building.

Sumalubong sa akin ang mainit na hangin ng siyudad. Habang naglalakad ako sa gilid ng kalsada, napahawak ako nang mahigpit sa tiyan ko. Ramdam na ramdam ko ang takot, ang kaba, at ang bigat ng sitwasyon. Isang makapangyarihang pamilya ang nakabangga ko nang hindi ko sinasadya, at alam kong hindi nila ako tatantanan kapag nalaman nila ang katotohanan.

"Huwag kang mag-alala, baby," bulong ko sa sarili ko habang sumasakay ng taxi. "Gagawin ng Mommy ang lahat. Protektahan kita, kahit kanino pa... kahit kay Ezekiel Valencia pa."