Chapter 2 : Act of Service

Taming the Casanova Billionaire

Ang unang sinag ng araw ay banayad na dumampi sa mukha ni Alex mula sa bintana ng silid. Napayakap siya sa malambot na unan, ngunit ang kakaibang lamig sa paligid ay nagpapaalala sa kanya na hindi ito ang sariling kabina niya. Nang tuluyan nang magising ang kanyang diwa, napatingin siya sa paligid.

Napansin niya ang eleganteng dekorasyon ng silid. Puno ng mga malalambot na kurtina, mamahaling muwebles, at ang malawak na tanawin ng dagat mula sa bintana. Ngunit isang bagay ang nagpatigil sa kanya. Sa kanyang tabi ay may lalaking mahimbing pang natutulog at walang saplot, nakabalot lamang ng kumot at nakadapa itong natutulog.

Napabalikwas siya ng upo, ang kanyang puso’y tila nagtatatalon sa kaba. “Ano’ng nangyari kagabi?” bulong niya sa sarili, ngunit hindi niya matandaan ang mga detalye. Napapikit na lamang siya at sinubukang alalahanin ang mga pangyayari kagabi, at nang maalala nito'y napatapik siya sa magkabilang pisngi niya dulot ng kahihiyan, " Iiiihhhh...Alex naman eh, bakit mo naman isinuko kaagad ang bataan," painis nitong ibinulong sa kanyang sarili.

Sa paggalaw niya, gumalaw din ang lalaki. Dahan-dahan na iminulat nito ang kanyang mga mata, ang itsura nito’y tila wala ni katiting na kaba o pagkataranta. Sa halip, ngumiti pa ito ng pilyo.

“Hello good morning, Aphrodite,” bati nito, ang boses ay mababa ngunit may halong kasiyahan.

Napakunot ang noo ni Alex, hindi makapaniwala sa narinig. “Hindi Aphrodite ang pangalan ko,” sagot niya nang matalim. “At… at tungkol sa nangyari kagabi, hindi ko sinasadya…”

Nag-inat ang lalaki, iniunat ang mga braso at bahagyang sinandal ang ulo sa headboard ng kama. “Hindi mo nagustuhan? Hindi 'yan ang impresyon ko kagabi,” aniya, ang ngiti sa kanyang mga labi ay lalong nakakaasar.

“Tumigil ka nga sa mga biro mo!” bulyaw ni Alex, nanginginig ang boses sa halo-halong emosyon ng galit, hiya, at kaba. “Kung iniisip mo na ginusto ko ‘yon, nagkakamali ka! Lutang ako at—” Tumigil siya, hindi masabi ang mga salitang kumikirot sa kanyang dibdib. “At mali ito.”

Tumawa nang mahina ang lalaki, tila walang intensyong manahimik. “Calm down, sweetheart. Hindi naman ako magtatawag ng press para ikwento ang nangyari kagabi.”

Napapikit si Alex sa sobrang inis. Ang lalaki, bagamat hindi niya alam ang pangalan, ay tila eksperto sa pagpapasiklab ng emosyon. Habang nagmamadali siyang damputin ang kanyang damit na nagkalat sa sahig, tumingin siya sa lalaki na tila wala pa ring pakialam.

“Pwede bang tumalikod ka habang nagbibihis ako?” tanong niya nang madiin, pilit na pinapakalma ang sarili habang isinusuot ang pangbabang damit uniform nito.

Ngunit ang lalaki ay ngumiti lamang. “Nakita ko na lahat kagabi,” sagot nito, ang tono ay punong-puno ng pang-aasar.

Halos nanlaki ang mga mata ni Alex. “Ikaw talagang....hmmp!” Pinulot niya ang unang bagay na mahawakan, isang unan, at inihagis ito sa lalaki. Tumama ito sa kanyang balikat, ngunit tila lalo lamang siyang naaliw.

“Relax,” sagot ng lalaki, tumayo ito at naglakad papunta sa bintana. Nagbukas ito ng kurtina, hinayaang pumasok ang liwanag ng araw. Habang nakatingin sa dagat, tila wala itong pakialam kung gaano kainis si Alex. Napatingin kaagad sa ibang direksiyon si Alex dahil wala man lang kahiya hiya ang lalaking ito at tumayo nang wala man lamang kasaplot-saplot.

Habang binibilisan ni Alex ang pagbihis, pilit na binubura ng dalaga sa kanyang isipan ang mga imahe ng nagdaang gabi. Hindi niya maikakailang gwapo ang lalaki—ang kanyang mga matang tila laging nanunukso, ang kanyang ngiting nagpapabilis ng tibok ng puso, at ang presensya nitong tila umaapaw sa kumpiyansa. Ngunit kasabay nito ay ang sakit ng pag-alala na nadala siya ng gabing iyon.

Nang matapos siyang magbihis, hinarap niya ang lalaki. “Alam mo, kailangan ko nang umalis. Huwag mo nang gawing malaking bagay ang nangyari kagabi. Nakakahiya na.”

Humarap ang lalaki, nakataas ang isang kilay na tila hindi naniniwala sa kanyang sinasabi. “Sigurado ka? Ang saya mo kagabi,” aniya, ngumingiti pa rin nang pilyo.

“Pwede ba? Tama na!” bulalas ni Alex, tumalikod at dali-daling lumabas ng silid. Ngunit habang naglalakad siya pababa sa hallway ng hotel, ang kanyang isip ay hindi mapakali. Pilit niyang inuunawa kung bakit siya nadala ng gabing iyon, kung bakit parang may kung anong koneksyon sa pagitan nila ng estrangherong iyon.

Habang naglalakad siya pabalik sa kanyang sariling kabina sa cruise ship, naalala niya ang gabing iyon. Ang musika, ang alak, ang mga ilaw sa dance floor, at ang init ng mga yakap ng lalaking iyon. Bagamat gano'n ang nangyari, ramdam niya ang kakaibang koneksyon sa lalaki, ngunit ngayon, puno na lamang siya ng galit at hiya.

Pagdating niya sa kanyang kabina, hinubad niya ang sapatos at humiga sa kama, nakatitig sa kisame.

“Alex, kalimutan mo na ‘to,” bulong niya sa sarili. Ngunit sa kabila ng lahat, hindi niya maiwasang magtanong: Sino ba talaga ang lalaking iyon? At bakit parang hindi pa rin natatapos ang kwento nila?

Mabilisan itong napatakip ng unan sa kanyang mukha habang nagsisisigaw dahil sa pagkainis at pagiging easy to get nito na kailanman ay hindi niya lubos akalain na mangyayari pa talaga mismo sa cruise ship na kasalukuyan niyang pinapasukan.

Maya-maya pa ay inayos nito ang sarili at pumustura ng pag upo at tsaka sumandal ito sa kama habang yakap-yakap ang unan nito.

"Lord...alam kung kasalanan ang ginawa kung pagpapaubaya, pero Lord sana po maintindihan nyo rin na...tao lang din po ako, sinasaniban ng libog minsan ay! este, napapanghinaan ng loob po minsan," sagot nito at napahawak na lamang siya sa kanyang noo.

"What if...what if vinideo ako ng tarantadong 'yon, tapos ikakalat sa social media, jusko po! Baka mawalan ako ng trabaho, hindi ka naman nandito para makipag one night stand Alex!" aniya, at tila napa-paranoid na ito.

Napabalikwas ito sa kanyang kama at tumingin sa kanyang orasan, "Naku late na pala ako!" Kaagad itong tumayo at nagtungo sa bathroom ng walang pakundangan.

At dahil 30 minutes left bago mag 9 AM ay binilisan na nito ang kanyang pagkilos dahil siguradong pag-iinitan na naman siya ng bruha niyang manager sa Bar and Beverage section at doon siya unang na-assigned.

Dahil sa pagmamadali ay napatakbo na ito upang habulin ang kanyang oras, " Ayyy....nako naman," bulalas nito habang tumatakbo ng mabilisan at pagewang gewang pa.

*Bar and Beverage Section*

Hinihingal si Alex sa pagod dahil sa kakatakbo nito, nahabol nito ang eksaktong oras ngunit hindi nito inaasahan ang guest na makikita mismo sa section niya. Kausap ng manager niya ang lalaking sobrang pamilyar sa paningin niya, matangkad ito, mestiso dahil mukhang Fil-Am ang dating, mapupungay na mata, matangos na ilong at maskuladong pangangatawan habang naka suot ito ng puting polo at slacks na lubos na bumagay sa kanya at napakabango nitong tingnan.

Mukhang kinikilig pa ang bruhang manager nito habang kausap ang lalake ngunit nag-iba ang reaction ng manager nito nang ituro ng binata si Alex na noo'y palihim na nakatingin sa kanila. Nagulat si Alex at umiwas ng tingin ngunit wala na itong takas dahil mabilisan na umalingawngaw ang boses ng kanyang manager at tinatawag siya sa kanyang apelyido, " Miss Villamor! Come infront, Miss Villamor?!" sigaw nito in a nice way.

"Y-yes ma'am, I'm coming." sagot ni Alex at dahan-dahan na lumapit kung saan nag-uusap ang dalawa. Habang papalapit si Alex ay gayon din ang pilyong pagngiti na pinapakita ng binata.

"Miss Villamor, sinabi sa'kin ni Mr. Evans ang nangyari kagabi-"

"Po?????!!!!" Mariin na napasigaw ito, at bahagyang pinutol ang pagsasalita ng kanyang manager.

"W-wala pong n-nangyari...kagabi." Halos pabulong itong sumagot ngunit ang binata ay napatawa ng bahagya at sa malalim na boses ay napabulong din ito, " You're so defensive," pang-asar nito na lalo na naman kinainis ni Alex.

"Miss Villamor, hindi pa ako tapos magsalita. Sinabi sa'kin ni Mr. Evans na kagabi raw ay na appreciate niya ang act of service na ginawa mo-"

" Yeah, Act.Of.Service." diin ng binata habang hindi pa din nawawala ang mga pilyong ngiti nito.

" Kaya...nag-request siya na kung pwede daw ay ikaw muna ang mag-serve or magbigay ng mga iba pa niyang kailangan, don't worry double pay ka dito at malaking tip ito Miss Villamor, once in a lifetime kaya I-go mo na."

'Malaking tip. Act of service. Double pay.' Ito na lamang noon ang naglalaro sa isipan ni Alex, may bahagi sa kanya na parang gusto niya dahil nangangailangan siya ng malaking pera ngunit, paano niya pagsisilbihan ang lalaking naka one night stand niya ng gabing 'yon? At paano siya huhugot ng kapal ng mukha upang pakitunguhan ang binata gaya ng pakikitungo niya sa ibang VIP guests.

'Hindi na 'to nakakatuwa Lord.' Iyan na lamang noon ang bumubulong sa kanyang isipan.