KABANATA 14

“Talaga bang ganiyan ka kumain?” tanong ni Hendrix habang pinapanood akong nilalantakan ang burger na inihatid dito sa kaniyang suite.

Day-off ko ngayong araw, at ani Hendrix ay nagpapunta siya ng stylist dito upang ayusan ako. Mula buhok, hanggang pananamit daw!

“Bakit ba?” Tumigil ako sa pagkain at binitawan sa plato ang burger at saka siya tinitigan nang nakataas ang dalawang kilay ko.

Umiling siya. “Grabe ka kasi kumain parang 'di normal. Mostly mga babaeng kilala ko hinay-hinay lang sila sa pagkain, ikaw salaula ka eh,” ani Hendrix.

Huminga ako nang malalim at saka siya nginitian nang peke. “Ano bang pakialam mo kung paano ako kumain, ha? At wala rin pala akong pakialam kung mahinhin sila kumain, hindi naman ako masiba kumain—”

Humalakhak siya. “Anong hindi masibang kumain, Solene. Nakakatatlong burger king size ka na.”

Inirapan ko siya at ipinagpatuloy ang kinakain ko. “Ang akala ko sasabihin mo sa 'kin nagiging mataba na 'ko,” sabi ko habang ngumunguya.

“Solene! Don't talk whi