Kabanata 18.2

“Aasahan kita iha. Oh siya, ipagpatuloy mo na lang ang trabaho mo. Pasensya ka na kung nakaabala ako.”

“Wala po yun, Chairman.” Tumayo naman ako saka bahagyang yumuko bago siya umalis. Bumalik na ulit ako sa pagkakaupo ng tuluyan na nga siyang nakalabas. Birthday niya bukas kaya kailangan kong maghanda ng maibibigay sa kaniyang munting regalo.

Dumagdag pa sa isipin ko ang bagay na yun, nakakahiya namang pupunta ako ron ng wala man lang dala para sa kaniya. Mahilig sa sports ang Chairman at paniguradong lahat ng mga mamahaling gamit ay nasa kaniya na kaya ano bang magandang regalo sa isang katulad niya?

Nahilot ko na lang ang sintido ko, masakit na sa brain ang pag-iisip. Inalis ko na lang muna yun sa isipan ko, hindi naman siguro required na may dala kang regalo bago ka makapasok. Hanggang ngayon hindi ko pa rin alam kung paano ko ba mapapatunayan ang mga kasalanan ng mga pangalan na ibinigay sakin ni Sabrina.

Huwag muna sila sumingit sa mga plano ko dahil baka sila pa ang makasira