Kabanata 68

Kinabukasan ay nagising si Hailey, ilang beses niya pang isinara ang kanyang mga mata at nagmulat para maaninag niya kung nasaan na lugar siya.

Napansin niya ang kamay na humahawak sa kanya at ng tingnan niya ito ay saka niya lang nakita ang kanyang asawa na natutulog sa gilid ng kanyang kama habang makahawak sa kanyang kamay.

Napangiti na naman siya ng isipin na marahil ay nagpuyat na naman ito sa kakabantay sa kanya. Maya maya pa ay nakita niyang gumalaw si Killian at unti unting iminulat ang kanyang mga mata.

"Good morning hubby," nakangiting bati ng dalaga.

"Kanina ka pa ba gising?" tanong naman ng binata.

"Hindi naman, kakagising ko lang din." mahinang sagot niya.

"Kamusta na ang pakiramdam mo? May masakit ba sayo? Nagugutom kaba? Anong gusto mong kainin?" sunod sunod na tanong nito.

"Isa isa lang naman, kumalma ka nga." natatawang sambit ni Hailey.

"Hindi mo ba alam na pinakaba mo ako? Hindi ko alam kung anong gag