Chapter 3

"Hoy Sebastian! Tigil-tigilan mo nga 'yang bestfriend ko. 'Pag kami hindi nakapag-submit ng plates bugbog ka sa akin!" pagtataray ni Dani sa kaibigan naming architecture student na kanina pa nangungulit sa akin.

Noong lumipat kami ni Dani dito sa University, siya ang unang naging close naming dalawa. Nababaitan kami dito kaya kinaibigan namin ni Daniella. Magti-third year kami ni Dani noong lumipat kami dito sa siyudad. Parehas kasi kaming dalawa mataas ang pangarap. Maganda naman 'yong paaralan namin sa isla kaso naisip naming mas maraming oportunidad dito sa city tsaka mas marami kaming mapagkakakitaan ni Dani dito. May pang-tustos kami sa aming pag-aaral.

Si Seb ang nagsilbing guide namin ni Dani noong bagong salta pa lang kami dito, kaya naging malapit kami sa kanya. Kahit mayaman ito, hindi ito kailaman nagyabang sa estado ng pamumuhay nila sa amin. Imagine, mag-ta-tatlong taon na rin pala ang pagkakaibigan namin. Good thing, parehas pa kaming tatlo na graduating this year.

"Daniella para kang lalaki kung makaasta ah. Maton ka ba? Hindi naman ikaw ang kinukulit ko ba't ka nakikialam d'yan?" Napipikong sagot nito kay Dani.

Palaging ganito ang eksena sa pagitan ni Seb at Dani. Minsan tinutukso ko nga na baka sila ang magkakatuluyan.

Kaming tatlo ang laging magkasama, kulang na lang mag-shift ng kurso 'tong si Seb kakabuntot sa amin ni Dani. Ako nga raw kasi ang girl best friend niya pero dahil package kami ni Dani kaya kaming tatlo ang laging magkakasama.

Hinayaan ko silang dalawang mag-away at magkulitan. Ang dami ko pang tatapusing plates. May kulang pa ako sa design ng bahay na project namin at kailangan tapusin ko pa ang plano mamaya sa autocad.

"Ano ba kasing ginagawa mo Saph? Kanina ka pa hindi namamansin ah?" Tanong ni Seb sa akin sabay silip sa plates na aking ginagawa.

"Para sa subject ni Sir Dumagan, CE515 Construction Methods, Plans and Estimates. Kailangan matapos ko na to para ma-i-submit ko na sa kanya. Bawal ang late do'n kaya minamadali ko nang tapusin 'to."

"Do you want me to help you? Bigay mo sa akin ang iba at ako na ang gagawa." offer nito sa akin. Lumingon ako sa kanya, tinaasan ko siya ng kilay habang nakangiti bago umiling. He's always like that, laging willing tumulong sa aming dalawa ni Dani.

Matalino si Seb, nangunguna rin siya sa klase nila. Minsan kung may mga tanong na nahihirapan akong sagutin nagpapatulong din ako sa kanya.

"Thank you Sebby! Wag na kaya ko na 'to, si Dani na lang tulungan mo."

"Wag na Sebastian, libre mo na lang kami ng meryenda ni Saph." Mabilis nitong sabat ng hindi nakatingin. "Bumili ka muna do'n sa canteen kanina pa hindi kumakain 'yan si Sapphira. Gusto yatang magpakabaliw d'yan sa plates niya." litanya nito at patuloy lang sa ginagawa niyang plates.

Oo nga pala. Tama si Dani, kanani pa walang laman ang tiyan ko. Napatigil ako saglit dahil nakaramdam ako ng gutom. Kanina pang alas-onse ang huling kain ko. Alas kwatro na at hindi ko man lang napansin ang oras sa sobrang dami ng trabaho. Kaya pala kumakalam ang sikmura ko.

"And why is that Sapphira Audrey? Anong balak mo bakit hindi ka pa kumakain?" seryosong tanong nito sa akin. At kapag tinatawag ako nito sa buong pangalan ko, alam kong hindi na maganda ang mood nito. He always reminds me and Dani na kumain ng wasto at dapat sa tamang oras.

Kaming dalawa kasi nitong kaibigan ko makapag-noodles lang, okay na. Swak na sa amin 'yon, minsan kape nga lang at tinapay okay na, lalo na 'pag gipit kaming dalawa. Alam mo na, buhay estudyante na sariling sikap. Buti sana kung palaging marami ang raket naming dalawa ni Dani.

Lalo na ngayong marami na rin ang nagbebenta online. Yung mga suki na lang namin ang regular naming customers. Minsan hindi rin kami makakapag-sideline sa palengke kasi nga maraming plates na dapat tapusin ngayong graduating na kami.

Hay buhay, ang hirap maging mahirap. Kailangang doble sipag at tiyaga palagi dahil kung hindi tiyak nga-nga kaming dalawa ni Daniella.

"Uhm... Busog kasi ako kanina Seb" pagsisinungaling ko pero ang totoo malapit na kasing maubos ang perang itinabi ko for this week. Kailangan pa naming mag-home service sa bahay mi Mrs. Robles sa sabado. Buti nga at may nag-recommend sa amin ni Dani na maglinis ng bahay niya.

Good for two days na lang ang budget ko at kapag naubos to hindi ko alam kung saan na naman kami kukuha ni Dani ng pagkain namin. Nahihiya na din akong magsabi kay Sebby at tiyak mag-go-grocery na naman ito para sa amin.

Sana nga madagdagan pa ang magpapalinis ng bahay sa amin ni Dani. Wala rin kasi siyang aasahan mula sa mga magulang niya sa isla dahil sakto lang din ang kita ng Tatay niya para sa mga mas nakababatang kapatid niya. Mabuti nga at nakapasok kami sa scholarship dito sa university dahil kung wala goodbye engineering talaga, hindi namin afford mag-aral dito sa paaralang 'to.

"C'mon. Tumigil muna kayo riyan at kakain kayo ng matinong pagkain sa canteen, my treat." sabay ligpit nito sa mga gamit naming nakakalat sa lamesa.

"Ten minutes Seb, last na 'to tatapusin ko lang. Tulungan mo na lang si Dani sa kulang niya para dirrtso na din tayong uwi. Pagkatapos natin kumain uuwi rin kami agad, maglalako pa kami ng isda ni Dani sa palengke mamaya."

"What?No! Balikan niyo na lang 'yan. Magkano ba kasi ang kikitain niyo sa paglalako mamaya, papahiramin ko na lang kayong dalawa o di kaya samahan niyo na lang akong mag-grocery para sa inyo." Tama nga ang iniisip ko.

"Ano ka ba Seb napag-usapan na natin 'to ah? 'Wag ka nang mag-alala okay? Kami nang bahala ni Dani. Sige na tapusin ko na 'to para makakain na tayo." Nahihiya kong sab isa kanya.

"Bakit ba kasi ayaw niyong tanggapin ang tulong ko? Akala ko ba magkakaibigan tayo, ganoo'n kasi ang alam ko, pag magkakaibigan nagtutulungan..." parang batang reklamo nito. Minsan nararamdaman kong nagtatampo na ito sa amin ni Dani dahil hindi namin tinatanggap ang offer nito.

Mabait si Seb kaya ayaw naming abusuhin ni Dani ang kabaitan nito. May kaya ang pamilya niya, sa pagkakaalam namin may-ari sila ng malaking construction firm. Kaya architure ang pinakuhang kurso ng mga magulang niya dahil ito ang mag-ma-manage sa negosyo nila.

Sabi nito sa amin, 'pag walang pasok nagtratrabho ito sa kumpanya nila, part ng training niya. So technically, he's earning his own money according to him dahil pinapasahod daw siya ng Papa niya.

Ilang beses na itong nag-offer sa amin ni Dani na tulungan kami financially pero hindi namin tinatanggap. Nakakahiya lalo na 'pag malaman ng ibang tao. Baka isipin pa nilang kinaibigan lang namin si Seb para mahuthutan ito ng pera. Genuine ang friendship naming tatlo, kahit mahirap kami alam kong totoong kaibigan ang turing sa amin ni Sebastian.

"Ang drama mo talaga Sebastian! Napaka-arte neto. Hindi ka bagay maging sugar daddy uy!" pang-aasar naman ulit ni Dani dito.

"Daniella tigil-tigilan mo ako ha, 'pag ako napikon sayo, si Sapphira lang ililibre ko mamaya."

"Wow Sebastian kung maka Daniella ka ah, at bakit papayag ba itong BFF ko na kakain na kayong dalawa lang? Asa ka tsong!"palabang sabi nito.

"Oh talaga lang ha? Paano 'pag pumayag si Saph na kaming dalawa lang, anong gagawin mo?" paghahamon nito kay Dani. Konti na lang mapipikon na si Daniella kaya nagsalita na ako.

"Kung kayong dalawa hindi titigil iiwan ko kayo rito" warning ko sa kanila, kaya tumahimik sila. Ano ba naman kasi ang mawawala kung tigilan nila ang pakikipag-bangayan sa isa't isa.

"Are you done?" tanong sa akin ni Seb ng makita niyang kinuha ko na ang takip ng rotring mechanical pen ko. Tumango lang ako sa kanya habang patuloy na nililigpit ang mga gamit ko. I saw him in my peripheral vision looking at me bago ito bumuntong hininga, kaya tumingin ako sa kanya.

"Yes? May problema ka Seb?" nag-aalalang tanong ko. Nakita kong namula ang mukha nito hanggang sa tenga niya.

Simula nang manalo akong Miss Intrams palagi kong nahuhuli si Seb na nakatitig sa akin at kapag tinatanong ko naman ito wala rin naman sinasabi. He's really acting weird. Ganyan na siya dati pero mas lumala lang ngayong nasa 5th year na kami.

"Nothing... Sige na bilisan niyo na."Iniwas nito ang tingin sa akin. "How about you Daniella tapos mo na ba ang sayo?" baling nito kay Dani. Alam kong kahit palagi niyang pinipikon si Dani, concern din naman ito sa kaibigan ko.

"Oo, ako pa ba Sebastian magpapahuli? Fighter ako Seb, fighter!" pagmamayabang pa nito, kaya umiling-iling na lang Seb sa kanya.

"Idadaan muna natin itong mga plates kay Engr. Dumagan para hindi na tayo magmamadali bukas sa subject niya, mabuti na yong advance para makita ni Sir ang effort natin." Nauna na akong tumayo para bitbitin ang mga gamit ko. Kinuha ni Seb ang bag ko at siya ang nagbitbit nito.

Ewan ko din ba rito kay Sebastian bakit gustong-gusto niyang bitbitin ang bag ko. Minsan nga kahit na shoulder bag pa ang dala ko kinukuha niya pa rin. He looks cute though, kahit pink pa yung bag ko hindi siya nahihiyang magdala nito.

Habang naglalakad kami papuntang canteen napansin kong ang daming estudyante ang nakatambay sa quadrangle.

Anong bang meron? Tsaka bakit ang iingay nila na para bang may inaabangang artistang bumisita dito sa paaralan. Halos kababaihan pa ang mga andito, kahit yung mga nasa iba department andito rin.

"Psst! Jenny!" tawag ni Dani sa isang Tourism student. Hindi nakatiis ang kaibigan ko at nang-usisa na talaga. "Anong meron at dito kayo ngayon tumatambay?"

"May poging bisita si President, isa raw sa mga sponsor ng university. Gosh girl 'pag nakita mo siya! He's so hot, super gorgeous and ahhhh! Super yumm---"

Hindi ko na pinatapos kong ano pa ang sasabihin niya hinila ko na si Daniella para makapunta na sa canteen. Kanina pa nakasimangot si Sebastian, baka nagugutom na rin ito.

Pogi lang pala akala mo naman kung anon a. Tataas ba ang grades nila kung mapansin sila ng poging sinasabi nila? Kababaihan nga naman.

"Iwan mo na nga 'yang si Daniella, Saph! Masyadong usisera eh. Anong oras na oh? Kanina may pasabi pang bilhan mo nang makakain si Saph at ---"

"Hoy Sebastian may dalaw ka ba? Ba't ba ang sungit-sungit mo nagtatanong lang ako ah! Last ka na Sebastian ha, 'pag ako talaga napikon sayong buang ko susuntukin na talaga kita." Mataray namang sabat ni Dani kay Seb.

"Alam niyo ako ang napipikon sa inyong dalawa! Kanina pa kayo nag-aaway ah. May pinaghuhugutan ba kayong dalawa? Baka 'yang awayang y'an saan mapunta ha..."nakatawa ko pang sabi

"Kung alam mo lang/If you only knew." sabay sabi nilang dalawa.

"Wow! At sabay pa talaga kayo ha?" panunkso ko.

"Eww! Kung yang masungit lang naman na yan, wag nalang uy."sabi ni Dani sabay irap kay Seb.

"Talaga lang ha, Daniella?"

"Talaga Sebastian!"

"Tara na nga baka gutom lang 'yan." Hinawakan ko silang dalawa sa magkabilang gilid ko, baka kung saan pa umabot 'yong patutsadahan nilang dalawa eh.

Wala silang magawa dahil hila-hila ko sila hanggang umabot kami sa canteen. Si Seb ang umorder nang pagkain. Pinakiusapan ko si Dani na tulungan si Seb habang ako naman ang nag-presintang maghanap na mauupuan namin.

Kakaupo ko palang nang may lumapit sa akin. Sila yung grupo ng tourism student na alam kong may gusto yung lider nila kay Seb. Hindi ko sila pinansin, pagod ako ngayon at wala ako sa mood makipag-sagutan.

And these ladies are freaking annoying. Habol ng habol kay Seb, halata namang hindi siya gusto ni Seb. Nagdala pa ito ng mga tropa niyang puno ng kolorete ang pagmumukha.

"Hi Sapphira!" Maarteng bati ni Glenda sa akin. Typical rich student, maarte, feeling nagmamay-ari ng school at higit sa lahat brat. I know her name kasi siya ang representative ng Department nila sa Miss Intrams.

"Hello." ganting bati ko rin sa kanya.

"Do you know where is Sebby?"

I'm confused kung ituturo ko ba si Seb na nakatingin ngayon sa akin at umiiling or hindi. Kung magsisinungaling naman ako baka lalong magalit itong grupo nila. Ayoko pa naman magka-problema sa huling year ko dito sa university.

I'm about to open my mouth para sabihin sanang hindi ko alam kung saan si Seb ng mapansin kong nagsisikuhan ang mga babaeng kasama niya at kinakalabit siya ng mga ito. Hindi ko makikita kung sino ang tinitignan nila dahil nakatalikod ako, ayaw ko namang lumingon dahil kausap ko pa si Glenda.

"Oh my gosh he's so handsome! Why is he here?" nanlaki pa ang mga mata ni Glenda. Inipit pa nito ang buhok sa kanyang tenga at halatang nagpapa-cute ito sa kung sinumang lalaking tinitignan nila ngayon. Ang bilis naman yata magbago ng isip niya. Kanina lang si Seb ang kanyang hinahanap, ngayon nakakita lang ng gwapo nag-iba kaagad ang ihip ng hangin?

Well, bahala siya, buhay niya 'yan tsaka mabuti na rin 'yan para hindi na niya guluhin ang kaibigan ko.

Nakita kung sumesenyas si Dani na lumipat ako ng mesa. Dahil wala na rin naman sa akin ang atensyon ni Glenda, sininop ko na ang mga gamit namin para sana dalhin sa mesang tinuturo nila nang may biglang nagsalita sa likod ko.

"Hi Soulmate! Where are you going?" I froze when I heard the familiar voice talking behind me. Isa lang ang lalaking kilala kong tumawag sa akin ng soulmate.

Dama kong ilang hakbang lang ang layo nito mula sa akin at medyo napalakas pa ang boses niya. Nakita kong nasa amin na ang atensyon ng mga estudyanteng nasa canteen ngayon.

Hala! Bakit kaya siya nandito?

Naramdaman kong lumakad ito palapit sa amin. Napahigpit ang hawak ko sa aking bag. Hindi ako lumingon dahil hindi naman pangalan ko ang binanggit niya. Baka isipin pa niyang napaka-assuming ko.

"Sapphira..." his soothing voice filled my ears. Natigilan ako. Pakiramdam ko napako ang mga paa ko sa sahig na hindi ko ito magalaw.

My name looks so sexy sa paraan ng pagkabigkas niya rito. Kung dati nahihiya ako sa pangalan ko, ngayon parang gustong-gusto ko na ito. I remained standing and didn't move a bit, hindi ko magawang lumingon kasi pakiramdam ko 'pag ginawa ko yun magkaka-dikit kami. Ramdam kong sobrang lapit niya sa akin.

"Saph, let's go." Si Sebby.

I was about to move my feet para salubungin si Seb na matalim ang tinging ipinukol sa lalaking nasa likod ko ng maramdaman kong may kamay na humawak sa braso ko.

"Get your hands off her" may halong pagbabantang boses na sabi ni Sebastian sa lalaki dahilan para lalong makuha ang atensyon ng mga estudyante.

"Seb please lower your voice." sabi ko nang makalapit ito sa amin. Marahan akong hinila nito sa lalaking may hawak sa akin at itinabi ako sa kanya.

"Who are you and why are you holding Saph?" matapang na tanong si Seb sa kanya.

He didn't look bothered. His face remains impassive, ni hindi man lang nito pinansin ang tanong ni Seb sa kanya.

"Saph, do you know him?" nakakunot ang noong tanong ni Seb sa akin. His black eyes seemed darker now. Nakita kung gumagalaw ang panga nito. Ito ang unang pagkakataong nakita kong mag-react ng ganito si Seb.

"Hoy Sebastian! Napaka-OA mo! Nakilala namin siya ni Saph sa isla dati, 'di ba Kuya?" Hindi ako nakasagot dahil sunod-sunod ng nagsalita si Daniella.

Nakita kung kumunot ang noo nito pagtawag ni Dani sa kanya ng 'Kuya'. He doesn't look old kaya siguro hindi ito sanay tinatawag na kuya.

Agad naman itong tumango kay Dani at ngumiti pa. But I saw him smirked when he look back at Seb who's now holding my shoulder. Pulling me closer to him like he owns me.

"I'm Vin Valderama." pagpapakilala nito sa sarili. He even extended his hand para makipagkamay pero tiningnan lang ito ni Seb mabuti na lang at mabilis si Daniella at siya ang nakipagkamay dito. Hindi ko rin kasi maabot ang kamay niya kasi mahigpit ang pagkaka-akbay sa akin ni Seb.

"Uhmm by the way I'm here to invite you guys to have dinner with me later that's if you're free?"

"No, we're not." diretsong sagot ni Seb sa kanya. Hindi na kami nakasagot ni Dani dahil iba na ang mood ni Seb.

Nagtagisan silang dalawa ng tingin. Marahan kong siniko si Seb para tumigil ito. Napalingon ito sa akin kaya pinanlakihan ko na ito ng mata bilang babala.

"Uhmm pasensiya na po Sir, may gagawin pa kasi kami mamaya." maayos kong pagtanggi sa paanyaya niya.

Hindi talaga kami pwede ni Daniella dahil maglalako pa kami ng isda mamaya sa palengke. Sayang din ang kikitain namin kung sakaling paunlakan namin ang imbitasyon niya. Isa pa nakakahiya naman na ngayon pa lang ulit kami nagkita pero mag-di-dinner na agad.

He looked at me gently and smiled. Parang ang bait niya namang tingnan 'pag nakangiti. Mas lalong itong gumwapo ngayon.

He's wearing white dress shirt and slacks na mas nagpapa-aliwalas sa kanyang mukha. Napansin ko din mas lumaki ang katawan nito ngayon kumpara nung unang kita namin sa isla. At mas naging matikas ang tayo niya. He looks matured and more handsome than before.

"Okay. Next time then?" nakangiti nitong sabi na nakatingin lang sa akin. Hindi ko alam kung anong isasagot ko kaya tipid lang akong ngumiti sa kanya.

"Got to go. See you around, Soulmate." kumindat pa ito sa akin bago umalis.