Kabanata 8.1

Kabanata 8

    BUHAT-BUHAT ni Ann ang anak na si Rence habang tinatanaw nila ang labas ng bakuran kung nakauwi na ba si Clayton. Panay kasi ang iyak ng bata at hinahanap ang ama nito kaya huminto sila sa may pintuan upang hintayin si Clayton. 

Alam kasi ni Rence ang oras ng uwi ni Clayton sa hindi malamang kadahilanan. Kaya kapag nahuhuli ng uwi si Clayton, iiyak o may tantrums na si Rence. Kakaisang taon pa lang ng anak nila pero nagugulat si Ann dahil parang matured ang anak sa mga inaakto nito. Must be the genes, ayon sa mother-in-law ni Ann. 

Mana raw si Rence kay Clayton na kinatuwa niya. Mula sa itsura hanggang sa ugali, kuha lahat sa ama nito. Sabagay, kay Clayton ba naman siya naglihi noong buntis siya sa anak nila. 

Nagising sa sandaling pagkatulala si Ann noong halos tumalon si Rence mula sa pagk