Chapter 51

Ciara POV

Nagising ako na puro puti ang nakikita ko, huli ko ng napansin na nasa ospital ako. Hanggang sa maalala ko ang nangyari sa akin na nawalan ako ng malay. Inilibot ko ang paningin ko kabuuan ng kwarto at nakita ko ang kapatid ko na nakahiga sa mahabang upuan.

"K-kuya." mahinang tawag ko sa kanya.

Nakita ko naman na idinilat niya ang kanyang mga mata at tumingin sa akin. Ng makita niyang gising na ako ay mabilis siyang tumayo at lumapit sa akin.

"Kamusta ang pakiramdam mo? May masakit ba sayo? Nagugutom ka ba?" sunod sunod na tanong niya sa akin.

Agad naman akong umiling. "Anong nangyari? Bakit nandito ako? Ano ang sabi ng doctor?" tanong ko sa kanya na hindi pinapansin ang mga sinabi niya.

Nakita ko naman ang pag aalinlangan sa kanyang mukha. "Ang mabuti pa magpahinga ka na muna Ciara, kung may gusto kang kainin sabihin mo sa akin at ipapabili ko."

Nagtaka naman ako sa kanya dahil hindi niya sinasagot ang mga tanong ko, gusto kung malaman kung ano ang sinabi ng doctor dahil ba