Chapter 2

Kinabukasan, maagang inayos ni Eiress ang kanyang mga gamit. Humupa na ang masamang panahon kaya nagdesisyon siyang gawin ang plano ngayong araw. Kinuha niya ang isang piraso ng papel kung saan niya isinulat ang natandaang address sa Wilt's profile. Maliit niya iyong tinupi at inilagay sa secret pocket ng suot na jeans.

Paglabas niya sa kwarto sumalubong agad ang dalawang tauhan ng kanyang Ama. Binati siya nito pero tahimik lang siya. Alam niya kung bakit na sa harapan ng kanyang kwarto ang dalawa. Iyon ay para tingnan ang mga dala niyang gamit. Alam ng kanyang Ama na ngayon siya aalis upang gawin ang ibinigay nitong trabaho sa kanya. Gusto nitong siguraduhin na gamit sa gagawing trabaho ang dala niya at hindi kung ano-anong bagay. Ganoon kahigpit ang kanyang Ama kapag aalis siya. 

"We need to check your things, Miss." Sambit ng Isa.

Inihagis niya ang sukbit na pack bag sa lalaki. "Check my things in my father's office." Seryoso niyang sabi.

Sumunod ang dalawa sa kanya patungo sa opisina ng Ama. Hindi na niya kailangan pumunta rito dahil nakapag-usap na sila kahapon pero gusto niya itong makita bago umalis.

Kakatok pa lang siya ng biglang bumukas ang pintuan. Iniluwa n'on ang kanyang Ama habang may kausap sa telepono.

"Then, it's settled. We don't need to worry anymore. Finally, mangyayari na ang matagal nating inaasam!" Masaya nitong sabi bago pa siya napansin. "I'll call you back," paalam nito sa kabilang linya. "What do you want, Eiress?" Tanong nito na tila isa lang siya sa mga tauhan nito.

"I'm leaving," paalam niya.

"Good. Don't make a mess," balewala nitong sagot bago siya lampasan.

Nasaktan si Eiress sa malamig na pakikitungo ng Ama pero wala siyang magagawa sa bagay na iyon. Simula pa lang noong bata siya ganoon na ang turing nito sa kanya.

"Bilisan nyo, aalis na ako." Utos niya sa dalawang lalaki.

"Yes, Miss!" Agad sumunod ang mga ito. Kinapkapan siya ng isa habang ang kasama nito ay masusing tiningnan ang laman ng kanyang bag. "It's done, Miss."

Kinuha niya ang bag at tinalikuran ang dalawa. Walang magdududa sa gagawin niya ngayon dahil sinigurado niya ang bagay na iyon. Dumiretso siya sa garahe at kinuha ang sasakyang pinapagamit ng kanyang Ama.

Huminga ng malalim si Eiress pagpasok sa loob ng kotse. This is a personalized car. Mayroon itong surveillance camera sa loob at labas, tracking device para malaman kung nasaan siya at isang micro audio chip na konektado sa kanyang mga gadgets. Lahat ng personalized na gamit sa paligid niya ay hindi para sa kanyang kaligtasan, kundi para malaman ang kanyang mga galaw. As if, she'll do something against their will. 

Nang makalabas ang sasakyan sa garahe, sandali niya iyong itinigil sa labas at muling pinagmasdan ang bahay na nagsilbi niyang kanlungan sa nakalipas na taon. Wala siyang naalala na masayang bagay na nangyari roon. Malungkot siyang ngumiti bago muling paandarin ang sasakyan.

...

Sa isang hotel tumigil si Eiress. Malapit iyon sa gagawin niyang trabaho. Iniwan niya ang sasakyan at mga gadgets sa loob n'on. Pumasok siya sa loob ng hotel pero hindi siya nagcheck-in. Ginawa lang niya ang bagay na iyon upang hindi maghinala ang Ama sa gagawin niya. Alam niyang simula pag-alis sa kanilang bahay, nakamonitor na ito kung nasaan siya. Lumabas siya sa fire exit at mabilis pumara ng taxi upang puntahan ang address na isinulat niya sa papel.

Pagkarating doon, hindi naman siya nahirapan para umakyat sa sadyang unit. Kung kanina lumabas siya sa fire exit pero ngayon, ginamit niya ang fire exit para makapasok sa building. Sa laki ng building na ito alam niyang mahigpit ang siguridad dito. Kung dadaan siya sa entrance, mahihirapan siyang makausap ang taong sadya niya. Hindi niya alam ang pangalan ng lalaki kaya't siguradong maghihinala ang security sa intensyon niya sa loob. 

Nang makapasok sa isang pasilyo, simple lang siyang naglakad patungo sa elevator. Normal ang kanyang kilos at walang sinuman ang mag-aakala na illegal ang pagpasok niya sa building. Nahanap niya agad ang numero ng unit kaya sunod-sunod ang ginawa niyang pag-door bell. Hindi naman nagtagal ng bumukas ang pintuan.

Bahagyang kumunot ang noo ni Eiress dahil sa itsura ng lalaking nagbukas sa pintuan. Basa ang buhok nito at nakasuot ng itim na roba. Matipuno ang dibdib ng lalaki na bahagyang nakikita sa roba nito.

Nawala ang palihim na pagmamasid ni Eiress sa itsura ng lalaki ng malawak itong ngumiti. Magaan ang aura nito at tipong masayahin. Kitang-kita iyon sa singkit nitong mga mata at lawak ng pagkakangiti. 

"Do you need something, Milady?" Tanong nito gamit ang mapaglarong boses.

Sa pananalita at itsura nito, nahuhulaan na niya kung anong klase ng pagkatao meron ang kaharap na lalaki.

"Mr. Wilt," kumpirma niya sa identity nito. Kailangan niyang siguraduhin ang bagay na iyon bago sabihin ang kanyang sadya.

"Yes?"

Nakahinga siya ng maluwag dahil ito ang lalaking sadya niya.

"Base on your voice and physical appearance, you are popular with girls." Panimula niya.

Mas lumawak naman ang ngiti nito na tila nagustuhan ang kanyang sinabi.

"You are from a wealthy family and you can get anyone you want," dugtong niya.

"If you're going to praise me, you can come inside. I want to hear that while I'm inside you," kumindat pa ito sa kanya pero hindi siya nadadala sa ganoong kilos at pananalita. Sa totoo lang kinikilabutan siya ng humagod ang tingin nito sa buo niyang katawan. 

"Even you got everything, I won't marry you." Sa pagkakataong iyon, nawala ang ngiti nito at napalitan ng pagtataka. "There's no marriage will happen between us, Mr. Wilt. That's the reason why I am here. I personally declined with that agreement. Nobody will force me to marry and I hope it goes the same with you. Goodbye Mr. Wilt, I never wish to see you again." Matigas niyang sabi at iniwan itong nakatulala sa harap ng pintuan. It's better that way para alam nito ang pagtutol niya. 

Nakita pa ni Eiress na lumabas ang lalaki sa silid bago sumara ang sinasakyan niyang elevator. Nakahinga siya ng maluwag. Kailangan na lang niyang gawin ang susunod na plano. 

Habang naghihintay sa pagtigil ng elevator sa ground floor ng building, biglang naramdaman ni Eiress ang pagkirot ng kanyang ngipin. 

"Aww! What was that?" Nagtataka niyang tanong habang hawak ang pisngi, parang may nag-vibrate mula roon. 

Tumingin si Eiress sa kanyang reflection sa salamin ng elevator. Sinubukan niyang tingnan kung anong meron sa kanyang ngipin pero biglang bumukas ang pintuan at may pumasok doon. Hindi niya itinuloy ang plano ng unti-unting dumami ang tao sa loob. 

Mabilis siyang lumabas ng tumigil ang elevator sa ground floor. 

"Oh my God!" Malakas na tili ng nakasalubong niyang babae. Nabitawan nito ang hawak na inumin. Mabilis naman siyang nakaiwas upang hindi mabuhusan, ngunit aksidente niyang naapakan ang basang sahig. 

"Shit!" Bulalas niya ng mawalan siya ng balanse.

Naramdaman ni Eiress na may nabangga siya sa likuran pero hindi niya inaasahan ang ginawa nito. Maagap itong umalalay sa kanya pero nagulat siya kung saan lumanding ang kamay nito. 

"Nice catch. It's soft." sambit ng lalaki sa likuran niya. 

Mabilis niyang inalis ang kamay nitong nakahawak sa kanyang dibdib. Bumaling siya rito at malakas itong sinampal. Bumaling ang mukha nito kaya hindi niya namukhaan ang lalaki pero, kitang-kita niya ang umigting nitong panga. 

"I don't allow anyone to touch my private property for free. Slap is your payment." Walang emosyon niyang sabi bago talikuran ang lalaki. 

Hindi niya pinansin ang mga gulat na ekspresyon ng mga tao sa paligid. Narinig pa niya ang reaksyon ng isa bago siya tuluyang nakalayo. 

"S-sir Scion, are you okay?"