Kabanata 30

Kabanata 30

“Magre-resign ka?” gulat na gulat na tanong sa akin ni Jane nang pumasok ako kalaunan.

Nakayuko lang ako habang pinagmamasdan ako ng mga katrabaho ko. Ngayon lang ulit ako pumasok at tinatanong nila ako kung ano ang problema ko.

Nang nag-angat ako ng tingin sa kanila ay tanging pagkunot ng noo lang ang nakuha ko sa kanila. Lahat sila ay takang-taka.

“P-Pasensya na po, pero kailangan ko na pong umalis sa trabaho…”

“Sinagot mo na ba si Sir kaya ka titigil?” usisa ni Jane.

Kinagat ko ang labi ko at saka umiling. Humugot ako ng malalim na hininga bago ko sila tingnan isa-isa. Pinagtagpo ko ang kamay ko at bumuntonghininga.

“M-May anak na ako,” pag-amin ko at iba’t ibang reaksyon ang natanggap ko.

“Talaga?”

“May asawa ka na, hija?”

Napakurap-kurap si Jane at hinawakan ang braso ko. “Totoo b