Becoming my Ex's Stepmother

Leah

Pag-akyat ko sa ikalawang palapag ng aming bahay ay nakarinig ako ng tila may nalaglag sa loob ng silid ng aking ina. Sa pagkakaalam ko ay walang tao doon dahil nagbabantay ng hardware namin si Mommy kaya naman nagpunta ako don para i-check.

Ngunit nanlaki ang aking mga mata ng makita ang aking ina na nasa hindi kaaya-ayang posisyon kasama ang aking nobyo at parehong walang damit!

*********

“Hi, Hon! Nasaan ka?” tanong ko ng sagutin ni James ang aking tawag.

“Mmm… dito lang sa condo, why?” Medyo nagtaka ako dahil parang ang tahimik ng background niya. Normally ay rinig lagi ang tunog ng mga sasakyan sa labas dahil nasa ika-limang palapag lang ng building ang unit niya at nakatapat sa kalsada ang balcony nito.

“May kasama ka ba?” tanong ko pa. “Parang ang tahimik naman sa condo mo. Baka naman may sakit ka at saradong-sarado ang mga bintana mo.”

“Ha? Wala, mag-isa lang ako. Nagbukas kasi ako ng aircon dahil medyo maalinsangan.”

“Kaya pala,” tugon ko. Bihira kasi siyang gumamit ng AC at mas gusto niya na nakabukas ang pintuan ng balcony. Pero naiintindihan ko naman siya dahil talagang sobrang init ng panahon ngayon. “Anyway, napatawag ako dahil–”

“I know, it’s our anniversary,” putol niya sa sasabihin ko. Napangiti ako dahil naalala niya. Sabagay, lagi naman talaga niyang naalala ang aming anniversary. I mean, monthsary dahil ngayon pa lang ang unang taon ng pagiging magkasintahan namin.

“Yes. And I have a surprise for you. Kaya lang after na ng OT ko dahil alam mo na, magkakaroon ng transition ang kumpanya namin at may party dito mamaya.”

“No problem, Hon. Kita na lang tayo mamayang gabi or gusto mong sunduin kita?” tanong pa niya.

“Sunduin mo na lang ako,” sagot ko na may halong lambing ang tinig. Hindi talaga ako showy dahil nahihiya ako, pero iba si James. Lagi niyang pinapakita sa akin na mahalaga ako, kaya hindi lang sa salita ko pinapakita ang pagmamahal ko sa kanya kung hindi pati na sa gawa. 

At nitong nakalipas na taon, ilang beses din niyang hiniling na mag-step up ang aming relationship sa unang dalawang buwan ng pagiging kami. Ngunit 3 months matapos ko siyang sagutin din ay pinakilala ko siya sa aking ina at sinabihan siya nito na maghinay-hinay muna kami.

At ayun nga, hindi na siya humiling pa sa akin.

Pero ngayon, dahil desidido na ako sa kanya at napatunayan ko na totoo ang pag-ibig niya sa akin dahil sa respetong binibigay niya ay nagdesisyon akong ipagkaloob na ang aking sarili ng buong buo kahit na hindi pa man kami kasal.

Natapos ang aming usapan habang ako naman ay bumalik na sa trabaho. Sumalisi lang ako ng tawag ng magrestroom ako at hindi rin ako pwedeng mawala sa paningin ng mga kasamahan ko dahil nga crucial ang mga oras na ito.

May transition na magaganap sa kumpanya at iyon ang pinaghahandaan namin.

Ang boss namin na si Ms. Sadie ay lalong nagpapaka-istrikta ngayon dahil sa pagdating ng bagong may-ari ng kumpanya na mula sa Solano Group. Dahil dyan ay may party kami. Bilang office assistant, isa akong utusan.

Sa aking table ay nagsimula na akong tignan ang checklist ng mga dapat kong gawin for today. At base na nga sa listahan ko ay maayos na ang lahat.

“Leah, is everything okay? Lahat ng kailangan ay handa na?” tanong ni Ms. Sadie dahilan upang mapalingon ako sa kanya.

“Yes po. Handa naman na ang lahat at mamayang hapon ay aabangan ko na lang ang sound system at catering.”

Ngumiti siya pero kahit na ganon ay mukha pa rin siyang masungit. “Good. Make sure na ready ka mamaya ha. Kung anuman ang gagawin mo personally ay gawin mo basta ang buong atensyon mo ay nasa party na later,” sabi pa niya bago ako tinalikuran. Ni hindi ako binigyan ng pagkakataon para makasagot.

Nakakainis pero dahil maganda ang mood ko at ayaw kong sirain ang magandang araw na ito nginitian ko na lang iyon at nagpatuloy na sa pagtatrabaho.

Bandang ala-una ng malaman kong hindi ko pala dala ang aking ATM. Hindi pwedeng wala yon mamaya kapag sinundo ako ni James. Naisip ko ng sa hotel kami didiretso pagkasundo niya sa akin para sa plano ko.

Dahil okay naman na ang lahat ay nagdesisyon akong balikan iyon sa bahay. Mag-a-Angkas na lang ako para mabilis.

At hindi nga nagtagal, nagpaalam na ako kay Ms. Sadie. 

“Siguraduhin mo na babalik ka agad ha. Ayaw ko ng problema,” sabi niya. 

“Yes po. May kailangan lang talagang may kunin.”

“O sige na.” Pinagpag pa niya ang kanyang kamay na akala mo ay nambubugaw ng langaw.

Binalewala ko na lang, hindi ko naman ikamamatay.

Agad na akong umalis at mabuti na lang ay mabilis lang na may nag-accept ng booking ko.

Kaya naman paglabas ko ng building ay naroon na rin ang rider.

“Leah San Jose po?”

“Opo,” tugon ko sa rider ng siguruhin nito na ako nga ang iaangkas niya. Binigyan niya na ako ng haircap na sinuot ko agad tapos yung helmet. Nakahinga ako ng maluwag dahil hindi pamatay ang amoy.

Minsan kahit may suot na haircap ay tumatagos pa rin ang mabahong amoy ng helmet ng ibang rider.

May mga pagkakataon na hindi ko talaga natiis kaya sinasabi ko na. May mga rider na nagpapaliwanag at meron din naman nagagalit at naaartehan sa akin. 

Pero kibit balikat na lang ako sa mga hindi marunong tumanggap ng maayos na pagpuna. Hindi ko kailangan makipagtalo to prove my point.

Kalahating oras ang lumipas at nasa bahay na ako.

Pagpasok ko ay tahimik ang buong kabahayan. Dati ay may kasambahay kami ngunit ilang buwan pa lang ang nakakalipas ay nagdesisyon si Mommy na alisin ito dahil nga wala naman tao maghapon sa bahay.

Para sa akin ay okay lang. Hindi naman ganon kalaki ang aming bahay at si Mommy pa rin ang nagluluto at naglilinis na syempre tinutulungan ko rin. Ang paglalaba ay dinadala na lang namin sa laundry station na malapit lang din sa bahay.

Nasa second floor na ako ng aming bahay at papunta na sa aking silid ng makarinig ako ng tila may bumagsak sa loob ng silid ng aking ina na katabi lang ng sa aki.

Nagtaka ako dahil wala ang aking ina. Siguro akong nasa hardware store namin siya at nagbabantay.

Dahan-dahan akong lumapit sa may pintuan at tsaka dinikit ang aking tenga doon. Kumunot ang aking noo ng makarinig ako ng tila pag-ungol. Mahina lang iyon pero kahit papaano malinaw kong nauulinigan.

Walang sabi-sabi, marahas kong binuksan ang pintuan para kung sakali ay magulat ko ang sinumang nakapasok sa bahay namin. Hindi na ako nakapag-isip ng matino at nakalimutan na maaari akong mapahamak dahil sa ginawa ko.

Ngunit ganon na lamang ang gulat ko ng sabay na mapatingin sa akin ang dalawang taong nadatnan ko sa hindi kaaya-ayang posisyon na parehong walang kahit na anong damit sa katawan.