CHAPTER 106

“`ETO na ang kape mo, Danica. Sana ay magustuhan mo ang pagkakatimpla ko.” Inilapag ni Milagros ang isang tasa ng mainit na kape sa lamesa na nasa gitna ng sala. Umupo siya sa tabi ni Martin na nasa mahabang upuan.

“Maraming salamat!” Nakangiting wika ni Danica. Kinuha nito ang tasa at humigop ng kape. Ibinalik din nito iyon sa lamesa.

Sa sobrang paranoid ni Milagros dahil nagkausap sila ni Valentina kanina sa grocery store ay ito ang agad na naisip niya nang may kumatok sa pinto nila. Mabuti na lamang at si Danica lang pala. Ikinagulat niya ang pagdalaw nito sa bahay nila ngunit natutuwa siya na makitang ligtas ang babae.

“Pasensiya ka na nga pala kung ngayon lang ako nagpakita sa iyo tapos biglaan pa. Wala kasi akong contact number mo kaya hindi kita nasabihan. Naging abala rin kasi ako dahil sa mga nangyari,” ani Danica.

“Wala iyon. Kumusta ka na pala?”

Huminga ito nang