Kabanata 94

“Prinsesa Atasha, tama ka, she is out to get him back. Hindi ka nagkamali sa mga hinala mo at iyon nga ang tahasan niya na ipinakita sa amin kanina.” Kuwento ni Vincent pagkapasok na pagkapasok niya ng opisina ni Atasha sa RD.

Nag-angat ng tingin si Atasha at nagsalubong agad ang kan’yang kilay nang marinig niya ang report na iyon ni Vincent. Hindi niya nagustuhan ang balita na iyon pero at least ay sigurado na siya sa totoo na hangarin ng babae at mas madali na sa kan’ya ngayon para planuhin ang mga susunod na hakbang niya.

Tama, alam ni Atasha ang lahat-lahat. Nabanggit na sa kan’ya ni Vincent ang tungkol sa proyekto na iyon at naikuwento na rin sa kan’ya na ang gusto ng kliyente ay DU ang mamahala ro’n. Nagtaka na siya kaya agad niya na hiningi kay Vincent ang buong detalye at hindi nga siya nagkamali. Si Tifanny Monreal ang sangkot.

“I knew it, Vincent. Sabi ko na nga ba at hindi kailanman magkakamali ang intuition ko. I know she'll be a problem when I first saw her. Hindi ko la