Kabanata 18

Ganoon na lang ang pagkatigil ni Celeste sa narinig na sinabi ni Semion.

Matagal niya iyong pinroseso sa kanyang isipan habang inuusisa kung seryoso ba talaga ang lalaki na ito sa alok na pagpapakasal sa kanya.

Napasinghot siya, natigil nang tuluyan ang kaninang pagpigil sa mga hagulgol.

“Kasal?” tanong niyang usal sa lalaki. “A-Alam mo ba na ang pagpapakasal sa ‘kin ay magiging mabigat para sa'yo?”

Sa katunayan, wala nang pakialam si Celeste kung anumang hilingin sa kanya ni Semion matapos siyang matulungan. Kung katawan niya, wala na siyang pakialam sa dignidad ng isang babae, at hahayaan na lamang ito na angkinin siya, basta't makuha lang din niya ang inaasam na paghihiganti. Dahil wala rin naman siyang maibibigay talaga kundi ang sarili.

Subalit hindi sumagi sa isipan niya ang pagpapaksal dito. Unang-una, sino namang matinong lalaki ang papatol sa may nauna nang asawa? Pangalawa, sino namang matinong ‘heir’ ng isang maimpluwensyang pamilya ang papatol sa may lubog ng pamilya na tu