Kabanata 20

Pinaubaya ni Celeste kay Semion ang lahat ng mga pag-aasikaso para sa legal nilang pagkasal. Ito ang siyang nangunguna sa pag-aayos ng mga papeles nilang dalawa.

Lahat din ng mga gamit ni Celeste na naiwan sa mansyon ng mga Allegra ay maayos na naibalik sa kanya noong gabi rin ng pagsugod nito sa mansyon ng mga Allegra.

Napakalaki ng pasasalamat ni Celeste kay Semion dahil doon. Kahit pa wala talagang binalik ni piso ang mga Allega sa kanya bukod sa mga gamit niya.

“Senyora~ Kami na po ni Lyn ang mag-aayos ng mga gamit niyo para ilipat sa bago niyong bedroom ni Primo Semion!” magiliw na saad ni Melissa, ang bagong personal maid na pinili mismo ni Celeste.

“Naku, Senyora, ‘wag na po kayo tumulong, dahil trabaho namin yaan ni Lisa.” maingat na sambit naman ni Kaitlyn, ang napili namang personal maid ni Semion para kay Celeste, kung kaya't dalawa ang taong sunod-sunuran sa kanya ngayon.

“Ano pa nga bang magagwa ko?” may ngiti sa labing aniya. “Sige, ipagkakatiwala ko sa inyo ang gamit ko