Chapter 48

Naglalakad ako ngayon papunta sa Seth Corporation. Hindi na ako makapaghihintay pa na masagot ang mga tanong ko. Sasagutin ni Michael ang mga katanungan ko, o ititigil ko na ang kahibangan naming ito? Kailangan lang niyang mamili sa dalawa.

Tuloy-tuloy akong naglakad papasok sa loob ng kompanya habang bahagyang nginingitian ang mga taong maaari kong makasalubong.

Hindi ko alam kung sino sa kanila ang nakakaalam na asawa ako kunwari ni Michael, at sino sa kanila ang walang alam. Hindi pa kasi ako formal na naipapakilala ni Michael sa board members at kung kanino pa. Pero ang bagay na 'yan ay wala na ngayon sa akin. Dahil mas pinagtutuunang pansin ko na ay malaman ang katotohanan.

Tuloy-tuloy lang ako sa paglalakad hanggang sa marating ko na ang elevator na isa sa kahinaan ko sa lugar na ito.

Huminga muna ako ng malalim bago ko pinindot ang elevator. Malalalim ang mga hiningang binitawan ko.

"Renice?" mabilis akong napatingin sa kanang bahagi ko nang may marinig akong tumawag sa aki