KABANATA 9 (Living with the Hermuenez)

Kanina pa hinahanap ni Haniel si Glayscent ngunit hindi nya ito makita sa mansyon.

“Nasaan na ba ang babaitang iyon? Sinabi ko nang maghintay lang sa akin, napakatigas ng ulo. Humanda ka talaga ‘pag nakita kita,” inis na sabi nya sa isip habang naglilibot sa mansyon.

Nagtanong-tanong na rin sya kung may nakapansin sa kanya o nakakita ngunit wala ni isa ang nagbigay ng impormasyon, hanggang sa nakita nya si mang Artemio na palabas ng mansyon galing sa kusina.

“Mang Artemio, nakita nyo ho ba si Glayscent? ‘Yung kasama kong babae? Kanina ko pa po kasi hinahanap eh.”

“Ah, si Ms. Glayscent po? Akala ko ho ay kasama nyo sa cellar? Nakita ko kasi s’yang pumasok doon kaya akala ko ay nauna kang pumasok doon,” sagot ng matanda.

Nagtaka si Haniel, paano naman mapapadpad ang babaeng iyon doon?

“May ilang oras na po ang nakalipas nu’ng makita nyo sya?”

“Mga dalawang oras na po sir. Kanina pa po iyon eh,” sagot