Kabanata 7.1

“Ano bang alam mo sa kwintas?” tanong ni Marianna dahil hanggang ngayon ay naiinis pa rin siya sa iniregalo ni Caleb na pekeng kwintas. Kunot noo na ring tiningnan ni Caroline si Caleb saka niya kinalabit ito at sinenyasan na huwag na lang makialam.

“Yan yung necklace na dapat ay regalo ko sa inyo, Mrs. Thompson, pero pinalitan ng pekeng kwintas.” Pagpapatuloy ni Caleb na ikinalaki ng mga mata ni Aubrey pero tumawa lang naman si Marianna at ang ina ni Aubrey.

“Sinasabi mo bang kaya mong bilhin ang ganiyang uri ng kwintas para lang iregalo kay Mama? Nananaginip ka ba? Wala ka na ngang pakinabang sa pamilyang ‘to, pinagbibintangan mo pa ang anak ko na nagnakaw?” sabat na rin ni Emily. Inilabas ni Caleb ang receipt na hawak niya saka niya ibinigay kay Marianna. Napataas naman ang kilay ni Marianna.

“Pwede niyong ipakita yan sa shop kasama ng kwintas para malaman niyong totoo ang sinasabi ko.” Ani ni Caleb.

“Where did you get the money? Ninanakawan mo ba ang pamilya ko para lang sa regal