Kabanata 6

Lahat ng mga board of directors ay nagtatakang nakatingin kay Celeste nang pumasok ito. Kilala nila si Hannah pero mapapansin mo ang kaibahan ni Hannah sa babaeng kapapasok lang ng conference room. Napapairap naman si Hannah dahil hindi niya alam kung paano niya ba ipapaliwanag sa mga BOD ang tungkol kay Celeste.

“Can you explain Miss Marquez what is happening? We are asking about Mia Moda not your—is she your twin?” hindi mapigilang tanong ng isang matanda. Tumikhim naman si Hannah saka siya tumayo sa harapan.

“Let me introduce myself,” si Celeste ang sumagot. Napalunok naman si Hannah dahil kinakabahan siya. Paano kung magsalita si Celeste at sabihin ang lahat ng tungkol sa kaniya?

“She’s my twin sister, meet Celeste Marquez.” Mabilis na pagpapakilala ni Hannah kay Celeste. Bahagyang naikuyom ni Celeste ang kamao niya. Kinikilabutan siya sa mga sinasabi ni Hannah. Kailan pa sila naging twin sister? Kung sabagay, sino bang maniniwala sa kanila na half-sister lang sila kung iisa ang itsura nilang dalawa?

“Katulad niyo nagulat din ako na si Mia Moda at ang twin sister ko ay iisa. Pitong taon kaming walang balita kay Celeste kaya hindi namin alam kung anong nangyari sa kaniya. We didn’t know that she and the famous Mia Moda are the same person. She is my older sister, Celeste.” Dagdag na wika ni Hannah, pansin ni Celeste ang paglalaro ni Hannah sa mga daliri niya kaya nararamdaman ni Celeste ang takot na nararamdaman ni Hannah ngayon.

Napangisi na lang siya dahil mas nag-eenjoy siyang makitang natataranta si Hannah. Napapataas na lang ng kilay si Celeste.

‘Sige, hahayaan kita sa gusto mong gawin Hannah, sa ngayon. Ienjoy mo muna ang pagiging kambal nating dalawa dahil oras na nalaman ko kung anong tunay mong dahilan para gayahin ang mukha ko sisiguraduhin kong mawawala ang lahat ng meron ka.’ wika ni Celeste sa isipan niya.

Ngumiti naman si Celeste nang mabaling ang paningin sa kaniya ng mga board of directors.

“Hindi ko akalain na pinagpala sa mga anak si Mr. Marquez. Sinong mag-aakala na magiging isang sikat na designer ang panganay niyang anak habang ang pangalawa ay CEO ng kompanya? How lucky he is. Anyway, nice to meet you, Miss Celeste. Mabuti at napili mo pa ring magtrabaho sa family business niyo kahit na sikat na sikat ka na sa iba’t ibang bansa.” Natutuwang wika ng isang lalaki. Ngumiti naman si Celeste at tinanggap ang nakalahad na kamay ng matanda.

Napapairap naman si Hannah dahil sa nakikita niya mukhang mabilis na nakukuha ni Celeste ang loob ng mga BOD ng kompanya.

“Ikinagagalak ko rin na makilala kayong lahat. Shall we start?” aniya na mabilis namang sinagot ng mga board of directors. Nagsimula naman na sila sa meeting nila at natigil na lang yun nang pumasok si Maximus.

“Max,” mahinhin na tawag ni Hannah kay Maximus. Tumayo si Hannah saka niya sinalubong si Maximus pero blangko naman itong naupo sa upuan na katapat ni Celeste. Napangiti naman si Hannah dahil naupo si Maximus sa tabi niya.

“Mr. Lim,” anas ng mga BOD sa kaniya.

“Just continue with your meeting, don’t mind me here.” blangko niyang saad. Muli namang nagsalita si Celeste na para bang wala ang presensya ni Maximus sa buong kwarto. Bahagyang ngumisi ang labi ni Maximus dahil sa lahat ng taong nakilala niya si Celeste lang ang tila hindi tinatamaan ng charisma niya o ang nakakaintimidate niyang tingin.

Diretso lang ang pananalita ni Celeste at kahit na magsalubong ang mga tingin nila ni Maximus habang nagsasalita siya wala siyang pakialam. Patuloy ang pagpapaliwanag niya sa plano ng kompanya at sa lahat ng dinaluhan ni Maximus na meeting ng kompanya ng mga Marquez ay ngayon lang siya nakinig.

Bakit pakiramdam niya, mas tinatamaan siya ng charisma ni Celeste lalo na sa paraan ng pananalita nito. Masyado siyang maawtoridad magsalita at para bang kahit sino ay mapapasunod. Palihim namang tiningnan ni Hannah si Maximus at nagngitngitngit na ang mga ngipin niya ng makita niyang mariin na nakatitig si Maximus kay Celeste.

Iisa nga ang mukha nila pero malaki ang pagkakaiba nilang dalawa. Ipinanganak talaga si Celeste para sa negosyo samantalang siya ay kailangan pa niyang pag-aralan ang lahat para lang makuha ang atensyon ng mga tao sa paligid niya lalo na ang atensyon ni Maximus pero walang kahirap-hirap na ginagawa ni Celeste ang gusto niya.

“Gusto mong makabili ng mga mamahaling fabric pero alam mo na ba ang kalagayan ng kompanya ngayon? I wants your plan, Miss Marquez but I don’t think na kakayanin yan ng funds na meron pa ang kompanya.” Saad ng isang babae. Napatigil naman sa pagsasalita si Celeste.

“Bakit naman hindi kakayanin? Malaki ang funds ng kompanya at kahit anong fabric ay kaya pa niyang bilhin.” Anas niya naman.

“Ngayon ka pa lang magtatrabaho sa kompanya Celeste kaya paano mo malalaman na malaki ang funds ng kompanya? Pitong taon mong pinabayaan ang kompanya, umalis ka na parang walang pakialam tapos babalik ka na para bang alam mo ang lahat ng nangyayari sa kompanya?” sinusubukan ni Hannah na ipahiya si Celeste ng hindi nagmumukhang ipinapahiya nga niya ito.

“Umalis ako na maunlad pa ang kompanya Hannah, kahit na hindi pa ako nagtrabaho rito alam ko na ang nangyayari at alam ko kung ilan ang kinikita ng kompanya dahil alam ko naman na alam mong matagal akong nanatili sa kompanya kahit na hindi ako naging empleyado rito. Sasabihin ko pa ba sayo ang dahilan at kung bakit marami akong nalalaman sa kompanya?” nagbabanta ang tinig ni Celeste kaya napalunok si Hannah.

Gustong ipahiya ni Hannah si Celeste pero masyadong matalino si Celeste dahil marami siyang pwedeng ibatong salita kay Hannah.

“Hindi na gaya ng iniisip mo ang kompanya Celeste. Marami na ang nagbago simula ng mawala ka.” tanging wika ni Hannah kaya napakunot ng noo si Celeste.

“What do you mean?” tanong ni Celeste pero hindi si Hannah ang sumagot.

“Sa nakalipas na taon sinusubukan ng kompanya na umangat pa. Naniniwala kami kay Hannah na magagawan pa niya ng paraan ang kinakaharap ng kompanya dahil kung patuloy na paliit nang paliit ang kita ng kompanya possible ring magpull out na ang lahat ng mga shares nila.” Sagot ng isang babae. Matalim na tiningnan ni Celeste si Hannah, ang akala ni Celeste ay mapapangalagaan niya ang kompanya pero nagkamali pala siya.

Inagaw nila ang kompanya mula sa kaniya tapos ganito lang ang gagawin nila sa kompanyang itinayo ng kaniyang ina?

“Okay then, I will use my own money to buy all the fabric I said earlier.” Walang pagdadalawang isip na saad ni Celeste. Naningkit naman ang mga mata ni Maximus dahil nakikita niya kung gaano kadesidido si Celeste para sa plano niya.

“Kung ilang taon ng nahihirapan ang kompanya, let me do my job.” Dagdag pa ni Celeste habang nakatingin siya kay Hannah. Natuwa naman ang mga board of directors dahil mukhang dumating na ang pag-asa ng kompanya.

“Let me give you a capital just tell me exactly how much capital you need.” Seryosong saad ni Maximus na ikinalingon ng lahat sa kaniya. Mas lalong nagkaroon ng pag-asa ang mga BOD ng kompanya dahil ngayon lang nagsalita at sumang-ayon si Maximus sa mga plano ng kompanya.

Magaling si Maximus pagdating sa larangan ng negosyo kaya kung pinagkakatiwalaan ni Maximus si Celeste mas magtitiwala ang mga BOD.

Gulat din na lumingon si Hannah kay Maximus dahil ni minsan hindi siya sinuportahan ni Maximus pagdating sa mga projects niya. Binibigyan naman siya ni Maximus ng pera para sa kompanya pero never siyang sinuportahan ni Maximus sa mga projects niya.

Hindi na maiwasan ni Hannah na magselos kaya napapahalukipkip na lang siya sa kinauupuan niya. Seryosong sinalubong ni Celeste ang mga mata ni Maximus na tila ba sinusubukan niyang basahin ang iniisip ni Maximus dahil hindi siya nakikipagbiruan pagdating sa negosyo.

Sa kauna-unahang pagkakataon si Maximus ang unang umiwas ng tingin kay Celeste dahil para bang dinadala ka niya sa ibang dimension.

“Thank you for supporting me, Mr. Lim. I really appreciate it and I hope you keep your promise, and you have your one word. That’s all, meeting adjourned.” Saad ni Celeste saka niya kinuha ang bag niya at nauna nang lumabas ng conference roon.

Naging maingay naman na ang mga board of directors dahil pinag-uusapan na nila ang magandang plano ni Celeste. Ngayon lang naging maingay ang meeting nila lalo na ang mga BOD pagkatapos ng meeting. Lahat sila ay may ngiti sa mga labi nila at para bang naiisip na nilang magiging matagumpay ulit ang kompanya dahil kay Celeste.

Inis na sinundan ni Hannah si Celeste. Nagmamadali naman si Celeste dahil may kailangan pa siyang puntahan nang bigla siyang hilain ni Hannah.

“What the hell is your problem?!” inis na saad ni Celeste nang hilain siya ni Hannah.

“Alam mo, kahit kailan pabida ka talaga eh. Nagpapasikat ka na naman sa kanilang lahat. Bakit kailangan mo pang magsinungaling sa kanila? Alam mo naman na imposible ang plano mo dahil hindi ganun kadali mabawi ang lahat! Nagpapasikat ka ba dahil nandun si Maximus?” hilaw na tinawanan ni Celeste si Hannah.

“Anong tingin mo sa’kin, cheap? Hindi ako magpapasikat para lang kay Maximus. Sayong sayo na ang boyfriend mo at hindi ako nagpunta rito para agawin sayo ang boyfriend mo dahil alam mo ang totoong dahilan ko kung bakit ako nandito ngayon sa kompanya. Imposible sayo ang lahat dahil aminin na natin na wala ka naman talagang alam sa pagpapatakbo ng negosyo at wala kang alam sa pagdedesinyo, wala kang alam sa fashion, Hannah. Hintayin mo na lang ang muling pagbulaklak ng Celestial Elagance dahil ang totoong ugat ng kompanyang ito ay dumating na. Sa halaman, hindi ito mabubuhay kung wala ang mga ugat lalo na kung pekeng ugat ang nakalagay dahil kahit anong dilig mo, kahit anong pag-aalaga ang gawin mo hindi yun mamumulaklak at mabubuhat. Ikaw ang tinutukoy kong peke sa isang halaman.” Nakangising saad ni Celeste.

Sa sobrang inis ni Hannah ay sinampal niya si Celeste. Nagngitngit naman ang mga ngipin ni Celeste kaya sinampal niya rin pabalik si Hannah na siyang nakita ni Maximus.

“Miss Marquez, what do you think you’re doing?!” anas ni Maximus. Nagtiim ang bagang niya ng makita niyang sinampal ni Celeste si Hannah. Nagpaawa effect naman si Hannah na para bang siya ang biktima at si Celeste na naman ang masama.

“Ganiyan ka ba magmahal sa kakambal mo? Bakit Kailangan mo pa siyang sampalin kung pwede naman kayong mag-usap ng mahinahon?” wika nito, nagtago naman na si Hannah sa likod ni Maximus na para bang kinatatakutan niya na si Celeste.

Napapangisi naman si Celeste na mas ikinakainis naman ni Maximus dahil para bang walang pakialam si Celeste kahit sino pa ang kaharap niya. Matapang na tiningala ni Celeste si Maximus para salubungin ang mga tingin nito.

“Kilala mo ba talaga ang girlfriend mo Mr. Lim? Huwag mo akong tataasan ng boses mo kung hindi mo alam kung anong totoong nangyari. At oo, ganito ako magmahal sa kakambal ko.” diniinan pa ni Celeste ang salitang kakambal saka niya tiningnan si Hannah.

Ngumisi lang naman si Hannah kay Celeste dahil hindi naman siya nakikita ni Maximus.

“Anyway, wala akong panahon para makipag-usap sa inyong dalawa. Kung gusto mong malaman ang totoong nangyari at wala rin naman akong panahon na ikwento pa. Go to the cctv room and check it for yourself.” Matapang niyang wika.

“I don’t need to, I trust Hannah than you dahil pitong taon ko na siyang kasama.” Nagkibit balikat lang naman si Celeste dahil hindi niya naman pinipilit si Maximus na paniwalaan siya.

“Okay, whatever.” Tanging wika ni Celeste saka siya umalis. Tiningnan naman ni Maximus ang pisngi ni Hannah at dahil maputi ito makikita mo ang bakas ng mga daliri ni Celeste.

“Go to the clinic, now.” Maawtoridad na saad ni Maximus.

“Saan ka pupunta?” kuryosong tanong ni Hannah.

“I just need to talk your twin.”

“What?” nanlaki ang mga mata ni Hannah dahil bakit kailangang kausapin ni Maximus si Celeste? Anong gusto niyang sabihin dito? “Pero anong sasabihin mo sa kaniya?”

“Just go to the clinic at lagyan mo ng ice ang pisngi mo.” utos ni Maximus at umalis na para sundan si Celeste samantalang si Hannah naman ay napapadabog na lang na sumunod.

Gusto niyang sundan si Maximus pero alam niyang magagalit sa kaniya si Maximus kapag nakita siya na sumusunod.

“Bakit ba kasi nandito pa yang babae na yan!” naiinis na namang wika ni Hannah, wala siyang nagawa kundi ang sundin ang utos ni Maximus.