Chapter 05

"Bakla, type ka yata nang isang lalaki doon sa grupong 'yon ah." Tinuro pa ni Gladys ang grupo ng anim na kalalakihan, kung saan naroon si Steve. "Gwapo ha, laki pa ng muscle oh!" giit niya pa. Ako naman ay nagkukunwaring walang pakialam sabay inom sa hawak kong beer.

Hindi ko rin tuloy maiwasang mapatingin sa gawi nila habang tumatagay. Wala namang itulak kabigin sa magkakaibigang iyon. May mukhang Espanyol, Pinoy, 'yong iba naman ay hindi ko matukoy. Pero si Steve, mukha siyang Black American na kinula ng dalawang araw, kaya pumusyaw ng kaunti.

"Maliit etits niyan day!" biglang singit ni Aiza na ikinasamid ko. Pakiramdam ko'y kinulang ako ng hangin sa katawan bigla ng dahil sa sinabi niya. "Sabi kasi nila, kapag malaki ang muscle... kikiam lang ang nasa ibaba." baliwalang saad niya pa.

Kung saan man nakuha o narinig ni Aiza ang kasabihang iyon, pwes scam 'yon! Ako ang makapag papatunay na kapag malaki ang muscle bulldog ang nasa ibaba. Walangya! Kung hindi lang ako nahihiya at pag-iisipan ng kung ano-ano, baka sa ospital ako dumiretso matapos ang gabing may nangyari sa amin! Aba daig ko pa ang inararo ng sampung kabayo kinaumagahan, matapos ang gabing iyon!

"May mga jowa na kaya ang mga yan? Type ko pa naman 'yong isa. Pucha! Makatuluyan ko lang ang isa sa kanila... kahit ihi na lang ang pahinga!" sambit ni Gladys. Akala mo naman talaga e' papatulan siya ng sino man sa mga lalaking 'yon.

"Ako, madiligan lang pitong beses sa isang linggo sapat na!" giit naman ni Aiza na ikinairap ko. "Ikaw ba Jewel, sinong type mo at anong gusto mo sa kanila?" tanong niya pa.

"Basta may pa-LBC... ako na mismo ang mag po-propose sa kaniya," sagot ko naman sabay tungga ulit sa beer na hawak ko.

"Mga binibini, pinapabigay sa inyo. Lakas n'yo ah! May pa beer na, may pa lechong manok pang kasama!" Nakangising bungad sa amin ni Natoy. Isa sa mga waiters dito sa Club-V.

Ibinaba niya lang ang isang case pa ulit ng beer at isang lechong manok na pulutan. Matapos iyon ay kumindat pa siya sa akin na ikinairap ko naman, bago siya umalis.

"Hanep! Pakiramdam ko talaga Jewel type ka no'n oh!" Siniko pa ako ni Aiza bago muling itinuro sa akin si Steve. Ayaw ko man siyang tignan ay napatingin pa rin ako. Ganoon na lang din ang tili ni Aiza at Gladys ng makita nilang kumindat sa akin si Steve, bago umaktong nakikipag cheers.

"Tigilan mo ako Aiza, baka makurot ko ang singit mo!" baliwalang sambit ko. Hindi naman sa nag papakipot ako o pa hard to get, e' sa na get niya na nga ang perlas ko! Kaya lang, ayaw kong isipin niya na porket nag tatrabaho ako sa club ay napakababa ko na. May pride at dignidad pa rin naman ako kahit papaano 'no!

"Lapitan mo bakla, mag thank you ka naman kahit plastik lang!" udyok naman sa akin ni Gladys. Minsan talaga hindi ko na maisip kung concern sila sa akin, o sadyang mga bugaw sila.

Sa aming tatlo kasi ako ang pinakabata. Si Aiza ay twenty three habang si Gladys naman ay twenty four. Noong pumasok ako sa club na ito'y narito na sila. Lagi nila akong pinapayuhan na 'wag mag papauto sa mga matatandang customers. Sinasabi rin nila sa akin kung sino ang dapat na lapitan, kaibiganin, pagkatiwalaan at dapat na iwasan.

Si Gladys ang laging sumasalo sa akin, sakali mang may customer na gusto akong ilabas. Habang si Aiza naman ang laging taga paalala sa akin, kung ano ang dapat na gawin at hindi. Kung wala siguro silang dalawa, malamang matagal na akong napariwara. Sabagay iyon pa rin naman ang tingin sa amin.

Kinalahati ko na muna ang beer na iniinom ko, bago tumayo at nag tungo sa pwesto nila Steve. Ang ibang kaibigan niya ay nakatulog na yata sa mesa, sa sobrang kalasingan. Habang ang dalawa'y may kahalikan na.

Nang mapansin ni Steve na papalapit ako sa kaniya ay mariin niya akong tinitigan. Uri ng titig na manunoot talaga at tatagos sa iyong kalamnan. Parang gusto ko na tuloy tumalikod at bumalik na lang sa pwesto namin. Ngunit hindi, narito na lang din ako bakit 'di ko pa ituloy. Tutal hindi naman ako mamamatay sakali mang sabihin kong 'thank you sa pa chibog' diba?!

"Yes? Ang layo ng nilakad mo para lang lapitan ako ah!" nang aasar niyang sambit. As if naman talaga ay napakalayo, samantalang dalawang mesa lang ang agwat namin sa kanila.

"Napag-utusan lang ako, sabihin ko raw thank you." Ngumisi naman siya dahil sa sinabi ko. Nang wala siyang naging sagot at nakatitig lang sa boobs ko'y nag pasya na akong umalis.

Ngunit hindi pa ako nakakaisang hakbang ay hinawakan niya kaagad ang kamay ko, bago hinila palapit sa kaniya. Sa kabiglaan ay napakandong naman ako sa kaniya, ng hindi sinasadya.

"Hindi ako tumatanggap ng thank you. Sabi kasi ng mga kaibigan ko, wala ng libre sa panahon ngayon." Bulong niya sa tenga ko, bago marahang hinaplos ang hita ko.

"Eh ano bang gusto mo?" tanong ko sa kaniya bago baliwalang tinanggal ang palad niya sa hita ko. "Ang dami mong arte, edi sana hindi ka na lang nagbigay!" giit ko pa.

Gustuhin ko mang tumayo mula sa pagkakaupo sa kandungan niya'y hindi ko magawa. Bukod kasi sa nakapalupot ang isa niyang kamay sa baywang ko'y, ang sarap sa pakiramdam ng init na nagmumula sa katawan niya.

"Lets date," baliwalang sagot niya. Halos manglaki naman ang mata ko na lumingon kaagad sa kaniya.

"Ako ba ginagago mo? Date talaga? Eh pasado ala una na ng madaling araw ah!" Sa isang taong pag tatrabaho ko sa club na itoy alam ko na ang mga galawan ng mga lalaki. Kaya itong Steve na ito, hindi niya ako maloloko.

"Bakit, sinabi ko bang ngayon na?" balik tanong niya naman. Naramdaman ko pa ang bahagyang paglapat ng labi niya sa balikat ko, bago muling bumulong. "Bukas, agahan mong pumunta rito, babayaran ko ang isang buong gabi mo... Mag de-date tayo, sa ayaw at sa gusto mo."

Matapos niyang sabihin iyon ay ginawaran niya ako ng mabilis na h***k sa labi. "Youre welcome anyway," dagdag niya pa, saka ako marahang tinulak patayo. Kaagad naman akong naglakad palayo sa kaniya, at halos manginig ang tuhod na bumalik kila Gladys at Aiza.

"Ang harot! Sabi mag thank you lang, pero kumandong na ang bata namin, may kiss pang kasama! Anong pakiramdam?" agad na bungad sa akin ni Gladys pagka balik ko sa table namin.

"May tumayo ba? May naramdaman ka bang matigas na bumukol?" malisyosang tanong naman sa akin ni Aiza. Ewan ko ba naman sa dalawang ito. Iniingatan nga nila ako, pero gustong gusto nila akong pinalalapit sa mga lalaki. Ano kayang magiging reaksyon nila kung sakali mang sabihin ko sa kanila na nakuha na ang iniingat ingatan kong perlas ng puerto prinsesa?!

"Jewel nak, may nag bayad ng malaki para lang makadinner date ka. Gusto mo ba?" Kaagad akong napalingon ng lumapit sa amin si Mommy Vicky at sabihin 'yon.

Sino namang hibang ang makikipag dinner date sa akin ng ganitong oras? Jusme! Mag aalas dos na ng madaling araw. Alas singko ang labas ko kaya naman may tatlong oras pa akong natitira, pero kung may nag bayad para ilabas ako upang mag dinner, pwede akong mag out ng mas maaga sa alas singko. At kapag sinabing 'nag bayad ng malaki' hindi lang para sa club at sa manager ko iyon, kun'di sa akin din.

"Magkano Mi?" baliwalang tanong ko. Basta talaga usaping pera lumalaki ang tenga ko at nag niningning ang mga mata ko. Pero marunong din naman akong tumanggi minsan. Alam ko ang limitasyon ko at kung hanggang saan lang dapat. Maliban ng gabing iyon.

"Fifteen kyaw nak! Dinner date lang 'yon ha!" eksaheradang sagot niya naman.

Kahit akoy lumaki ang mata ng dahil doon. Fifteen thousand?! Putakte napakalaking halaga no'n para lang sa dinner date!

"Bakla kung ayaw mo ako na lang! Sayang five kyaw na mapapasakamay mo kung tatanggi ka." baliwalang sambit naman ni Aiza.

Sayang nga naman talaga. Kapag tumanggi ako, ang perang parte ko ay ilalagay sa tinatawag nilang tip. Kung saan maghahati hati ang lahat ng waiters, waitress pati na rin ang mga dancer dito sa club. Ngunit hindi iyon ang nasa isip ko ngayon, kun'di sino ang nag bayad ng ganoon kalaki para lang i-date ako?

"Kilala n'yo po ba kung sino ang nag bayad Mi?" kuryosong tanong ko kay Mami Vicky. Mahirap na at baka mamaya ay may stalker na akong matandang kalbo, na tinubuan ng pangatlong wisdom tooth sa ngalangala!

"Isa rin sa mga customers dito sa v.i.p kanina. Kaya lang hindi raw nagpakilala sabi ng head nitong club." sagot naman niya naman.

Wala sa loob na napalingon ako sa pwesto nila Steve, ngunit wala ng tao roon ngayon. Malamang ay nagsi-uwian na sila, dahil lugmok na ang iba niyang kasama kanina. Hindi naman siguro si Steve ang nag bayad para i-date ako? Hindi naman siguro siya mag aaksaya ng ganoong kalaking halaga para lang sa akin? Ano ba 'to! Bakit ko ba iniisip ang lalaking 'yon?! Hindi naman importante ang isang gabing nangyari sa amin para pagtuunan ko siya ng pansin. At malamang ay ganoon din siya! Isa pa, sa itsura, pangangatawan at estado niya, malamang may jowa na 'yon.

"Paano ko naman po makikita at malalaman kung sino ang ka-date ko Mi, e' wala man lang pangalan?" maang kong tanong. Inilabas niya naman ang maliit na card kung saan may dalawang numerong nakasulat doon.

"Ito calling card, tumawag ka raw kapag labas mo. Susunduin ka raw niya. At nangako naman daw na walang gagawing masama. Nag iwan din daw ng i.d ang lalaking iyon, kaya lang mahigpit na ipinagbawal ipakita sa kahit na sino, maliban sa head ng club."

"Bakla big time! Grab mo na! Kapag ganyan na may pa private kemerot, isa lang ibig sabihin niyan." Nag tininginan pa sina Gladys at Aiza bago nakangiting tumingin sa akin. Saka sabay na nag salita.

"GMYP!"

Kumunot naman ang noo ko sa kung ano man ang ibig nilang sabihin. Anong GMYP ang pinagsasabi ng dalawang lokaret na ito?!

"Ano 'yon?" kuryosong tanong ko. Sa sobrang dami kasi nilang alam, kahit akoy nalilito at hindi na rin makasabay.

"Guwapong Mayaman Yummy Pa! O diba bongga? Kaya grab mo na yan bago ka pa namin unahan!" sagot naman ni Gladys.

Kinuha ko naman ang card na inaabot sa akin ni Mommy Vicky. GMYP pala huh! Hala sige tignan nga natin! Kapag ito ay matandang hukluban na amoy lupa, humanda sa akin sina Gladys at Aiza.

Dali-dali kong inubos ang isa pang beer na hawak ko bago walang pakialam na tumayo na. Nag paalam na rin ako sa kanila, bago pumunta sa silid namin. Doon ay kaagad akong nag toothbrush, nag hilamos at nag palit na rin ng damit. Matapos kong ayusin ang sarili ko at pakiramdam ko'y okay at normal naman ako, ay kaagad na rin akong lumabas.

Habang nag lalakad palabas ng Club-V, dinayal ko na ang numero sa binigay ni Mommy Vicky na calling card. Kaagad namang sumagot ang nasa kabilang linya na labis kong ikinabigla.

"Baby I'm coming!"

Hindi pa nga ako nakakapag salita baby na kaagad? Coming? Ibig sabihin papunta na ba siya? Pero bakit iba ang tunog ng boses niya sa kabilang linya? Bakit mukhang naghahabol ng hininga na hindi ko mawari? Ganoon pa man ay nagsalita pa rin ako upang ipaalam sa kaniya na pumapayag akong makipag dinner date.

"Out na ako Sir! Where na you? Dito na me, sa labas ng club. Otw ka na ba?" sunod sunod at walang pakialam kong tanong. Bahala na siyang mag adjust total malapit naman na raw siya.

"Oh fuck! Yeah, ahh... W-wait, give me five sec. I'm on my way." Matapos iyon ay bigla niya na lang pinutol ang tawag, habang ako naman ay matiyagang nag hintay na lang.

Ang gwapo ng boses ni Sir huh! Mukhang tama sina Aiza at Gladys sa sinabi nilang gwapong mayaman yummy pa! Jockpot nga yata kung ganon!

***