Chapter 12

"Ismael."

Nakangiti pa rin siya habang nakatingin sa akin. Parang nag po-propose siya sa akin sa harap ng madaming tao. Hindi ako makapaniwala na mararanasan ko ang ganito.

I smiled and hugged him for I don't know how long. The crowd started to cheer again. Naramdaman ko ang pagkabigla ni Ismael sa ginawa ko

"Ka--"

Hindi ko na pinatapos ang sasabihin niya. Hinigpitan ko lalo ang pagkakayakap sa kanya.

"Thank you Ismael, Happy Valentine's Day," bulong ko sa kanya.

After the surprise thingy, naging laman ng balita sa buong campus ang nangyari. Halos hindi ako makalakad ng tuwid dahil kapag napapadaan ako ay napapalingon ang mga nakakakita sa akin.

Hindi naman 'yon tingin na nanghuhusga kundi tingin na kinikilig at naiinggit pero ang awkward lang dahil hindi talaga ako sanay sa ganito.

Well, kilala naman talaga ako ng karamihan dahil miyembro ako ng dance club at madalas akong sumasayaw tuwing may program. I'm also one of the top students. May atensiyon akong natatanggap noon pero mas dumagdag ata ngayon.

Isipin mo nga, si Kristier Arabella nakatanggap ng bonggang surprise galing sa manliligaw. Siguradong gano'n ang laman ng balita. Sa sobrang dami ng nanood sa amin that time, 'di ko man lang namalayan na nandoon din pala sina Llianne at Kuya, nakamasid lang.

Kung hindi pa ako tinukso ni Llianne ay hindi ko malalaman. Kuya didn't say a word. Hindi naman niya sinabing ayaw niya pero hindi rin niya sinabing nagustuhan niya.

Napabuntong hininga ako habang naglalakad papuntang building namin. Hindi ko na magagawang iwasan ang mga estudyanteng nakatingin sa akin, mostly kasi ay nagmula sa Junior High School. Ipinagyabang pa talaga ng magaling na si Llianne na ate niya ako.

Pagkapasok ko pa lang ng room ay sabay-sabay na silang nag 'yieeeee'. Namula ako sa ginawa nila. Saksi at naging parte pa sila ng surprise ni Ismael. Hindi pa ako nakapagtatanong kay Alise kung anong nangyari kaya wala pa akong kaalam-alam.

"Ikaw na bruhilda ka! Halika rito. Ang kapal ng mukha mong maglihim sa amin!"

Sinugod ako ni Jay kaya napatakbo ako ulit sa labas. Pabalik-balik lang naman kami pero 'di niya ako mahabol. Tawa nang tawa ang mga kaklase namin dahil sa nangyayari. Alam kong magiging ganito ang reaksiyon niya kaya nag ready ako ng mga palusot.

"Hep, pagod na ko Jay. Mag e-explain na lang ako," pagsuko ko.

Hinila niya ako papalapit kina Ely at Alise at pinaupo sa gitna ng dalawa. Hotseat ang peg.

"Oh, sino itong Ismael na boylet mo ha?" pagtataray pa niya.

Inirapan ko pa siya dahil sobra pa siya sa kuya ko.

"Kuya ni Andrei," simpleng sagot ko.

Halos lahat ng babae sa room ay napaharap sa banda namin. Oo nga pala, nakalimutan ko'ng famous si Andrei dito.

"Omg, kuya ni Andrei my loves si Ismael?"

Tila naghugis puso ang mga mata ni Justice kaya napailing na lang kaming lahat. 'Yong iba ay kinuha ang kani-kanilang mga cellphone at nagtipa ng kung ano-ano. Malamang ay mang ii-stalk silang lahat.

"Mygosh! Hindi man lang namin alam na may gwapong umaaligid sa'yo. Bonus pa na kapatid niya si Andrei."

Kung kanina ay naiirita siya, ngayon naman ay nagniningning na ang mga mata niya. Umaliwalas pa talaga ang buong mukha niya.

Si Ely naman ay nakangiting nakatingin lang sa akin. Nahalata kong these past few days, 'di na siya masyadong maingay. Kung walang importanteng sasabihin ay hindi rin magsasalita. There's something wrong.

"Ely, may problema ba?" nag-aalalang tanong ko sa kanya.

Napalitan ng konting lungkot ang ekspresiyon niya, pero agad din itong bumalik sa maliwanag niyang mukha. Parang ayaw niya pag-usapan kaya pinili niyang magpanggap.

"Oo naman, Kara. Ano ka ba."

Umakto pa siyang masaya talaga. Hindi ko na muna siya pinilit na magshare dahil baka biglang mag breakdown. Kilala ko ang mga kaibigan ko kaya kapag nagiging ganito sila, maghihinala na akong may mali.

Natapos ang klase ng maaga. 3 PM pa lang pero dismissed na kami. Siguro pagod pa sa event kahapon ang ibang teachers kaya mas piniling magpahinga na lang muna dahil siguradong next week, tambak na naman ang dapat nilang gawin at ipasa.

Dali-dali kong inayos ang mga gamit ko para na rin mauna ako kay Ismael. Itinext ko na lang siya na tapos na ang klase ko ngayong araw kaya 'di na niya ako kailangang sunduin dito sa SEU. 5 PM pa matatapos ang klase niya kaya kaya talagang mauuna na ako. Friday ngayon at sa Monday na ang performance ni Jandrice kaya todo practice na siya. Last practice na niya ngayon at konting arrangement na lang naman ang kailangan.

Excited akong lumabas ng SEU. Papalapit na ako sa waiting shed na palagi naming tinatambayan habang naghihintay ng masasakyan. Namataan ko sina Jay na may kausap na dalawang babae. Akala ko ba nauna na sila? Pati nga si Alise sumabay sa kanila dahil may pupuntahan din daw siya.

Laking gulat ko nang mamataan ko ang tatlo pa naming kaibigan. Sila 'yong kinakausap ni Jay. Hindi ko sila nakilala agad dahil nakatalikod sila sa akin.

"Oh my!" tili ko at mabilis na tumakbo papalapit sa kanila. I hugged them very tight dahil sobrang na-miss ko sila.

"Ackk. Kara, I can't.. Bre.. Breath."

Agad ko silang binitawan at ngumiti. Nakahawak pa si Veronica sa leeg niya na para bang sinakal ko talaga siya. Si Chescha naman ay nakapameywang pa habang nakatingin sa akin at nakahawak sa kanya si Niña. Ilang buwan din kaming 'di nagkita.

"Kara, I miss you!"

Yumakap sa bewang ko si Niña. Sa aming lahat, siya ang pinaka-clingy. Mahilig manghalik sa pisngi at mangyakap. Ngumiti lang ako ginulo ang buhok niya. Bumalik ang tingin ko kay Veronica na nakauniform nga pero hindi naman sa tamang paraan. Naka tuck-in ang polo uniform niya sa palda niya kahit na hindi naman dapat.

May suot pa siyang knee socks kahit wala naman 'yon sa dress code nila. Wala pa ring pinagbago, she's still the same Veronica that I know. Pasaway at basagulera pero pagdating sa amin ay nag-iiba ang ugali. Pareho lang ang personality nila ni Chescha pero 'yong isa, minsan mapagsasabihan pa. Sa kabilang University sila nag-aaral kaya 'di kami masyadong nagkikita. Reyes de Ocampo University (RdOU) is quite far from SEU kaya ganito ako kasaya dahil nagka-time silang pumunta dito.

"Namiss ko kayong lahat," naiiyak kong sabi.

Ngumiti silang lahat at nagyakapan pa ulit kami. Sina Jay naman nakasimangot lang sa gilid kaya hinayaan na lang namin.

Nag decide kami na pumunta sa isang malapit na coffee shop. Halos lahat kami ay mahilig sa kape kaya wala ng angal pa. We talked about some things na 'di na namin napag-usapan ng matagal.

Nalaman na rin nila ang tungkol kay Ismael and ang sabi nila, they will support me as long as I'm happy. Isa 'to sa mga bagay na nagustuhan ko sa kanila. No matter how protective they are, basta alam nilang sasaya ka, they will support you.

Gusto ko mang magtagal ay 'di ko magawa. Napatingin ako sa wristwatch ko at halos mapamura ako nang makitang 5PM na. 'Di ko man lang namalayan ang oras. Mabilis akong nagpaalam sa kanila dahil kailangan ko ng pumunta sa CCAM. Habang mabilis na naglalakad pabalik sa pwedeng mapagbantayan ng sasakyan ay kinuha ko ang phone ko sa bag.

Nakita kong may ilang mensahe na si Ismael kaya mabilis ko iyong binuksan.

Ismael Karl: akala ko ba kanina pa tapos na ang klase mo? Bakit wala ka pa dito? Ang sabi mo pupunta ka na kaya 'di kita sinundo

Ismael Karl: Kara.

Ismael Karl: Nag-aalala na ko. Nasaan ka?

Halos ilang minuto lang ang agwat ng bawat chat niya. His last chat was 3 minutes ago. Baka ano na naman ang gawin ng lalaking 'to. Praning pa naman minsan.

Me: I'm sorry, napatagal ang pag-uusap namin ng mga kaibigan ko. Papunta na rin ako.

Wala pang isang minuto ay tumunog na ang phone ko, hudyat na nagreply na siya. Binuksan ko agad iyon.

Ismael Karl: I'll wait for you sa gate. Ingat ka :)

Halos 'di mapakali ang puso ko nang makita ang huling mensahe niya. What's with the smiley?

Mabilis akong bumaba sa taxi pagkarating sa CCAM. Nakita ko agad si Ismael na nakasandal gate banda. Shit, bakit ang gwapo ng manliligaw ko? Napatingin siya sa gawi ko kaya kumaway ako. Napatayo naman siya ng tuwid at nginitian ako.

Sabay kaming naglakad papuntang auditorium at nag-usap lang ng kung ano-ano.

"Saan mo balak mag college? " tanong niya.

"Dito," diretsong sagot ko

Nagulat pa siya nang marinig ang sagot ko.

"Di ko naisip 'to ah?" pahabol na tanong niya.

"Gusto kong kumuha ng RadTech kaya dito ako mag-aaral."

Sa aming lahat, ako lang ang may interes sa ganitong field. 'Yong kuya ko, into business and Llianne, is planning to take Legal Management. It's for our business. Dalawa silang may interes doon. Hindi naman kami pinipilit ni Daddy kung ano ang dapat naming kunin. Kung ano daw ang gusto namin, 'yon ang sundin. After all, kuya will follow their lead.

"Hindi ko akalaing pati sa future work, pwede tayong magkasama," he said and chuckled.

"Ano nga pala ang kinukuha mo ngayon?" takang tanong ko.

Sa tagal naming magkakilala, ngayon ko lang naisipan itanong.

"BS in Psychology for now. Gusto kong maging Psychiatrist someday," ngiting sagot niya sa akin.

I can see admiration in his eyes. Para bang noon pa lang, gusto na talaga niya ang course na to. Matalino naman siya kaya alam kong 'di siya mahihirapan dito. Napangiti na lang ako dahil iba talaga kapag may plano na sa buhay and Ismael is one those people. Sobrang swerte ng mga taong mahalaga sa kanya.

Nakarating na kami sa auditorium at naabutan namin si Jandrice na nagpapractice ng mga itinuro ko sa kanya. Napangiti ako dahil magaling talaga siya.

Lumingon siya sa banda namin nang maramdaman niyang may nakatingin sa kanya. Tumakbo siya papalapit sa amin at niyakap niya kami pareho.

Napalapit na ko sa batang to dahil sobrang sweet niya. Niyakap ko naman siya pabalik habang si Ismael ay ginulo ang buhok niya.

"Kuya naman eh! Mahilig ka manggulo ng buhok," nakasimangot na sabi ni Jandrice sa kanya.

Tumawa na lang kami pareho ni Ismael dahil sa inakto ni Jandrice. Nag-umpisa na rin kaming mag practice ulit. Inayos ko na lang ang ibang part ma medyo magulo. 'Di na rin kami nagtagal dahil memorize na niya lahat. This is the thing na nagustuhan ko sa pagsayaw ni Jandrice, madali siyang nakakasabay kaya 'di siya mahirap turuan.

"Ngayon ko lang naisip na magkaka girlfriend ako ng matalino na, dancer pa," natatawang bulong ni Ismael habang nakatingin lang sa akin pero rinig ko pa rin.

"Ang confident mo naman. Baka 'di mga kita sagutin," nakangising parinig ko sa kanya.

Nagbago ang ekspresyon niya na parang kinabahan. Napatawa tuloy ako.

Tinapos ko na ang practice ni Jandrice. Okay na rin naman ang lahat kaya sinabihan ko siyang magpahinga na. Sinundo siya ni Andrei dahil wala pala si tita ngayon.

Ngumiti lang si Andrei sa amin bago sila magpaalam. Hindi kami masyadong nag-uusap pero kapag nagkakasalubong kami sa campus ay ngumingiti naman siya.

Tanging ilaw na lang ng mga lights sa bawat puno ang nagsisilbing liwanag sa paligid. Naglalakad na kami palabas ni Ismael nang naramdaman kong tumigil siya sa harap ng isang building malapit lang sa audi.

Hinila niya ko bigla papunta roon. Nagtaka ako dahil gabi na pero may kung ano pa siyang nalalaman.

"Saan tayo pupunta?" tanong ko sa kanya habang hila-hila pa rin niya ako.

"Basta," sagot naman niya.

Sumunod na lang rin ako sa kanya dahil tulad ng sabi ko noon, whenever I'm with him, sa palagay ko, I'm always safe.

Nakarating kami sa mismong rooftop ng building. Napa wow ako sa nakita ko. Nilibot ko ang tingin sa ilalim at ang ganda tingnan ng mga puno na napapalibutan ng iba't-ibang ilaw.

"Sa taas ka naman tumingin," nakangiting sabi ni Ismael.

Tumingin ako sa taas tulad ng sabi niya. I can see numerous stars. Sobrang ganda. Nakangiti ako habang nakatingin lang sa langit. Ngayon lang ulit ako nakakita ng ganoon ka daming bituin. Parang pinagplanuhan talaga na dapat ngayong gabi ay madaming lilitaw.

"Ang ganda," wala sa sariling sabi ko habang nakatingala pa rin.

"Oo nga, ang ganda."

Napalingon ako sa kanya matapos niyang sabihin iyon. Nagulat ako nang maabutan ko siyang nakatitig lamang sa akin. Nakangiti lang siya sa akin. 'Yong mga mata niya ay parang nagsasalita na sobrang saya niya ngayon.

Bumilis muli ang tibok ng puso ko at na realize ang isang bagay na 'di ko na maiiwasan.

Hulog na.

Hulog na hulog na ko kay Ismael.