Chapter 16- Ang unang halik

NGUMITI si Chrismith nang mapansin ang mga titig ni Nica sa kaniyang labi habang umiinum siya ng kape. Ito ang mukha ng dalaga na normal at walang inaalala tulad sa nakita niya sa kaniyang Bar and Resto noon. 

"You want to taste it?" Alok ni Chris sa dalaga ng hawak niyang tasa.

Napalabi si Nica dahil sa nanunuksong ngiti ng binata. Ayaw man niyang aminin sa sarili pero kinilig siya sa kakaibang titig at ngiti nito. Idagdag pa na gusto din nitong lumapat ang labi niya sa tasa.

"Ehhhhhh, gora na para malasahan mo ang labi niya!" susog ng malanding isipan ni Nica sa sarili.

"Ang sagwa naman ng iniisip mo!" kastigo niya sa sarili pero napalunok siya ng sariling laway nang muling humigop ng kape ang binata. Tila nanadya pa ito at tinatakam siya. Ang malala pa ang mga titig nitong hindi humihiwalay sa kaniya ay nakakatunaw ng nagyeyelo niyang puso.

Humakbang si Chris palapit sa dalaga at muli itong inalok. Kanina pa siya nagtitimping halikan a