KABANTA 26

THIRD PERSON

“So that explains the reason kung bakit ka nakipag-away doon sa bar kagabi,” naiiling na sambit ni Azalea pagkatapos i-kwento ni Izon ang nangyari. “Pero hindi pa din valid ang rason mo para manggulo sa bar. Buti nga hindi ka pinapulis ng mga nakaaway mo dahil kapag nagkataon, sa kulungan ka sana nagpalipas ng gabi.” Dagdag pa nito saka ininom ang tubig na isinalin niya sa baso.

Sa kadahilanang wala siyang pasok ngayon, napagpasyahan niyang ipaghanda ng agahan si Izon at sabay na ding kumain. Habang nasa hapag, hindi naman nito maiwasan ang magtanong sa totoong nangyari.

“So, anong plano mo?” tanong niya ngunit nanatiling tikom ang bibig ni Izon na tila ba’y ayaw magpa-istorbo sa kinakain. “Wala naman sigurong masama sa plano ng tatay mo,” walang pakundangang sabi pa niya dahilan para saglit na mapatigil si Izon. “If it’s for business, then be it. Besides hindi ka naman magpapakasal sa kung kani-kanino lang.”

May punto nga naman siya. Kasintahan ni Izon si Samantha at sa