KABANATA 50

ASHLEY

LUMIPAS ang mga araw at linggo bigo siyang makasagap ng balita tungkol kay Nathan. Napahinga siya nang malalim. Marahan siyang bumaba sa kama habang ang isang kamay niya ay nakaalalay sa malaking umbok ng tiyan niya. Mabilis ang naging paglaki ng tiyan niya, apat na buwan pa lang pero parang pitong buwan na sa laki. Nahihirapan na rin siya sa paghinga lalo na sa gabi at ang pangangatawan niya ang sobrang laki na nang pinagbago. Pumayat na siya nang husto hindi na nga niya makilala ang sarili pag humaharap siya sa salamin.

"Tulungan kitang bumaba, Asawa ko," malambing na sabi ni Eya sa kanya.

Inalalayan naman siya nito pababa sa hagdan kung minsan ay binubuhat na lang siya nito para hindi siya mahirapan. Nang makababa siya naabutan niya sa salas si Eda at Ebo. Napatingin ang mga ito sa kanya. May bahid na pag-aalala sa mga mata ni Eda nang pagmasdan siya nito. Mukha na kasi talaga siyang nakakaawa sa itsura niya.