Extra 1BITBIT ni Tanya ang dalang lunch boxes para sa asawang si Isidore noong tanghaling iyon. Sinadya niyang magtungo sa opisina nito upang sorpresahin ang asawa na walang ideya sa kaniyang plano na pagpunta roon.Pinlano niyang mabuti ang lahat, kinasabwat niya ang matapat na tauhan ng asawa na si Moises para maisakatuparan iyon. Siguro'y iniisip ni Sid na nakalimutan o wala siyang ideya na kaarawan nito ngayong araw. Wala rin kasi itong binanggit nang magpaalam kaninang umaga upang pumasok ng trabaho. Nagulat nga siya na mukhang nakalimutan din nito ang mahalagang okasyon ng buhay nito. Kaya todo ang preparasyong ginawa niya para maging memorable ang kaarawan nito. Isinuot na rin niya ang regalo nitong dress sa kaniya na kung dati-rati ay grabe niyang isumpa iyon lalo't batid niyang ni minsan ay hindi iyon babagay sa kaniya. Isinabay na rin niya ang kuwintas na pasikreto kuno nitong isinilid noon sa kaniyang mga gamit dahil tiyak daw kasi itong hindi niya iyon tatanggapin. Totoo
Terakhir Diperbarui : 2020-10-23
Masuk
