Semua Bab GAGAYUMAHIN SI ULTIMATE CRUSH (The Palpak Version): Bab 81 - Bab 90

Naghilamos siya ng mukha saka napagpasyahang lumabas ng kwarto. Alam niyang magtataka ang lola niya kapag hindi na siya lumabas uli. Kinatok siya kanina ni Shirley at ipinasabi niyang ito na muna ang gumawa ng dahilan sa lola niya. Mabuti na lang at hindi na nangulit pa si Shirley at hinayaan na muna siya.Mga kalahating oras yata siyang nagkulong sa kwarto at walang ginawa kundi umiyak. Inayos niya ang salamin sa mata para mapagtakpan ang pamumugto ng mga mata. Paglabas niya ay ang mga magulang na lang ni Shirley at ilang kamag-anak nila ang naiwan." Bakit umalis agad ang boss mo?" Agad na tanong ng lola niya." B-babalik pa po kasi siya ng Maynila at gagabihin na siya masyado sa daan," iyon lang ang naisip niyang palusot at iniiwasang mapatingin sa mga mata ng matanda." Ganu'n ba?" Alam niyang hindi ito kumbinsido sa sagot niya pero hindi na rin nagtanong pa.Ibinuhos niya ang atensiyon sa pagliligpit nga mga kalat at paghuhugas ng mga pinggan.

Maaga pa rin siyang nagising kinabukasan kahit parang mabibiyak ang ulo niya sa sobrang sakit. Determinado kasi siyang ayusin ang sa kanila ni Kyle.  Gusto niyang mapansin siya ng lalaki kaya't imbes na magsuot ng mga normal niyang isinusuot ay namili siya ng damit na hindi aabot hanggang tuhod ang haba. May nakita naman siya sa cabinet niya. Isa iyon sa pinamili ni Kyle para sa kanya na itinabi niya dahil akala niya ay hindi niya talaga kayang isuot iyon. Kulay itim ang damit na hapit sa katawan niya. Pinaresan niya iyon ng sapatos na pula na may heels.  Iniulgay niya ang buhok saka nagsuot ng hikaw. Papatungan niya sana iyon ng blazer pero tinanggal din. Kung gusto niya talagang maging kasing-sexy ng Brianna na iyon, dapat ay magpakita siya ng balat. Sleeveless ang damit at maikli pero hindi naman siya mukhang babaeng nagbebenta ng aliw sa gabi.  Maganda pala ang legs ko, oh! Napatitig pa siya sa legs niyang naka-expose dahil hindi niya sinuo

Dumiretso siya ng uwi sa bahay ng mga del Espania. Kinandado muna niya ang puso para huwag munang makaramdam nang kung ano habang sinusulat ang resignation letter niya. Nag-impake na rin siya ng gamit para umuwi na sa kanila nang araw ding iyon. Alam niyang magugulat ang lola niya kapag nakitang bitbit na niya ang lahat ng mga gamit.Natigilan siya nang makita ang panggayuma na libro ng lola niya habang inaayos ang mga gamit. Biglang parang piniga uli ng malalaking mga kamay ang puso niya. Maya-maya ay nawala uli ang ekspresyon sa mukha niya at basta na lang itinapon sa basurahan ang libro na iyon. Itinapon niya pati na ang pink rubbber shoes at masquerade mask na isinuot niya sa party. Iniwan niya sa cabinet ang lahat ng mga damit na binili ni Klyde para sa kanya. Mabuti na lang at nasa studio pa rin ang gown na gawa ni Venus. Sasabihan niya na lang ang model na kaibigan tungkol doon.Nagpatawag siya ng taxi. Gusto niya sanang magpaalam nang personal kay Mrs. del Espa

Sa ikatlong araw ng balik niya sa bansa ay sinamahan siya ni Shirley na bumisita sa bayan nila. Ang bahay ng lola niya ay nabawi nila sa bangko pero walang nakatira doon sa loob ng ilang taon. Ang anak ni Aling Meding kasi ay pinag-aral nila sa Maynila at doon na nagtatrabaho. May pumupunta sa bahay nila para maglinis isang beses isang linggo. Wala naman kasi silang kamag-anak na pwede nilang patirahin muna sa bahay habang wala sila dahil may sariling bahay din ang mga ito. Ang iba naman ay nasa Maynila kagaya ng Ate Joy niya.Dumiretso sila ng bahay. Gusto niyang maiyak nang makita ang bahay na iyon. Andami niyang magagandang alaala du'n. Bigla pa siyang napatakbo nang makita ang lumang bike. Doon na talaga siya naiyak habang maingat na hinawakan iyon. Para bang kahapon lang nu'ng huli niyang sinakyan iyon. Bigla ay nakita niya ang eksena kung saan ay napasubsob ang mukha niya sa ebak ng kalabaw nang matumba ang bike. Napatawa siya nang maalala iyon. Nawala rin naman agad an

Agad na sumalubong sa kanya si Jethro nang bumalik na siya sa  bulwagan." I just saw Kyle," worried ang tinging ibinigay ng lalaki sa kanya.Tumango lang siya habang napahawak sa noo. Siya na ang kumapit sa braso ng lalaki nang parang mawalan siya ng lakas." Are you okay? Hindi ko alam na inimbitahan pala siya ng Mama mo."" It's okay, Jeth," napilitan na siyang ngumiti rito para bigyan ito ng assurance na okay nga lang siya.Alam ng pamilya niya ang tungkol sa namagitan sa kanila ni Kyle. Si Jethro ay itinuring na rin niyang kapatid. Kinupkop ito ng ina niya at pinag-aral. Si Jethro ay anak ng matalik na kaibigan ng ina na matagal nang pumanaw." By the way, kumusta na kayo ni Kath? Bakit hindi mo siya kasama?" Iniba na niya ang topic para makalimutan din saglit na nasa tabi-tabi lang si Kyle.Si Kath ay ang girlfriend nito na naging malapit na rin sa kanya. Hinihintay na lang talaga nilang ayain ito ng kasal ni Jethro. Mas ba