ARIYA   Hindi naman kami nagtagal ni Ashton sa 'honeymoon' kuno namin dahil bumalik din ito kaagad sa opisina sa sumunod na araw dahil sa sobrang busy nito sa kanyang trabaho.   Pareho naman kaming abala sa aming trabaho kaya wala rin naman iyong problema sa akin. "Ariya, pinapatawag ka ni Sir CJ," pukaw ni Tintin sa akin. Kaagad naman akong nagpasalamat sa kanya, nag-ayos ng damit bago tinungo ang opisina ni Sir CJ na nasa kabilang kwarto.     Tatlong beses kong kinatok ang pinto bago ko ito narinig na nagsalita sa loob.     "Sir, pinapatawag niyo raw po ako? May kailangan po ba kayo sa akin?" tanong ko sa kanya nang makapasok na ako ng tuluyan.     "Ariya, umupo ka na muna. Sasagutin ko lang muna itong tawag." Tumango ako at umupo nga sa upuan na nasa harapan ng kanyang mesa.   Kalmado akong nakaupo sa may upua