“KUNG ako sa’yo, Devroux, magtitino na ako ngayon pa lang,” ani Shola, ang asawa ng kanyang kaibigan na si Kurt. Ihinehele nito ang bunso nilang anak na halos katatapos lang dumede. “Pahalagahan mo ang asawa mo kahit na sa papel lang naman kayo kasal. Lagot ka kapag kinarma ka dahil sa mga kalokohan niyong magkakaibigan.”“Bakit nadamay na naman ako d’yan?” angil naman ng asawa nitong kakagaling lang sa kusina at may dalang isang baso ng tubig.“Bakit? Aangal ka? Totoo namang tarantado kayong magkakaibigan ah!”Ibinaba ni Kurt ang baso sa center table bago itinaas ang dalawang kamay na para bang sumusuko. Natawa na lang si Devroux dahil sa ginawa ng kaibigan. Sino nga ba naman ang mag-aakala na ang isang Kurt Delovo ay titiklop dahil sa isang babae? Ang nagagawa nga naman ng pagmamahal.“Kausapin mo ‘yan,” inginuso siya ni Shola. “Narinig ko ang usapan nila ni Ford kanina na may ka-date siya mamaya. May asawa na nga, kakalantari pa ng iba. Pare-pareho lang talaga kayong mga lalaki. Hi
続きを読む
