"Matatagalan pa bago makalabas ang papa mo, anak. Bagama't naging matagumpay ang una niyang operasyon subalit sinabi ng doktor na kailangan pa ng malalim na pagsusuri sa kalagayan niya..." Napahinto saglit si mama at huminga ng malalim sa kabilang linya."Maaring magkaroon siya ng pangalawang operasyon, iyan ang sinabi ng doktor, anak. H-Hindi ko na alam kung saan pa tayo makakahanap ulit ng malaking pera." Ramdam ko ang panginginig sa boses ni Mama.Sumikip ang dibdib ko sa narinig kaya nagpakawala muna ako nang malalim na hininga bago nagsalita. "Huwag po kayong mag-aalala sa pera, ma. Mahahanapan po natin iyan ng solusyon. Gagaling po si papa."Nang matapos ang tawagan namin ni mama doon ko na naramdaman ang mga luhang gustong kumawala kanina pa."Mia? Matagal ka pa diyan?"Agad kong pinahiran ang magkabilang pisngi ko nang marinig ang boses ni tita mula sa labas ng aking kuwarto."Lalabas na po!" Kinuha ko ang aking maliit na back pack na nakasabit sa ding-ding at sabay isinakbit

Alas-otso ng gabi nang magsimulang kumain ang magpamilya. Mahaba ang kanilang hapagkainan at maraming mga pagkain ang nakahanda kahit tatlo lang naman silang kumakain ngayon.Napaayos ako ng tindig sa pagtayo sa gilid nila nang biglang bumaling ang ina ni Chadrick sa akin matapos kumain.“Mario, mas mabuti kung sa kuwarto ng anak ko kana rin matutulog. Aalis kami ni Ricardo ngayong gabi dahil may importante kaming a-asikasuhin. Mapapanatag ang loob ko kung sasamahan mo ang aking anak sa kuwarto niya.”Laglag panga akong napatingin kay Mrs. Aldovar. Dahil sa gulat, nailipat ang tingin ko kay Chadrick na bigla naman nag-iwas ng tingin sa akin.“May problema ba tayo sa sinabi ko?” si Mrs. Aldovar nang mapansing hindi ako makasagot sa kaniya.“Wala, ma’am. Tama po kayo para nababantayan ko ng maayos ang anak niyo.”Hindi ako puwedeng magreklamo. Pinasok ko itong trabaho kaya dapat kong panindigan at sundin ang ipappagawa sa akin. Sadyang nagulat lang ako sa naging request ng kanyang ina.