Hindi alam ni Chedeng kung siya ba ay magtatakip ng mukha o tatalikod. Tarantang-taranta ito na lalong naging dahilan para mapansin siya ng pumasok na si Charlene. Nag-alal si Charlene sa matandang nasa harap niya dahil sa parang nanginginig ito.“Excuse me po,” sabi ni Charlene habang marahan nitong hinawakan sa balikat and matandang nasa harap niya. “Okay lang ba kayo?” dugtong na tanong nito.“Okay lang ako,” sabi niya. Iniba ni Chedeng ang boses niya para hindi siya makilala ni Charlene. Alam niyang makikilala siya nito dahil madalas ito sa bahay nila noon. Minsan pa ay tumira ito sa kanina nang minsang nagkaroon ito ng problema sa asawa. Panay ang payo niya dito dahil sa gusto na nitong makipaghiwalay sa asawa, pinipigilan lang niya dahil sayang ang pinagsamahan nila. Mga bata kasi nagsipag-asawa, at ang napangasawa pa ay abogado. Kapag abogado pa naman ay walang ginawa kung hindi mag-aral. Ito nga ang dahilan nito kung bakit gusto nitong makipaghiwalay. Dahil wala na ito