“Parang awa nyo na palabasin ninyo ako dito!” Malakas kong sigaw habang patuloy na hinahampas ang dahon ng pintuan, halos mamaos na ako dahil sa ilang oras na pagsigaw ngunit wala pa ring nagbukas ng pintuan. Pagkatapos akong tangayin ng di nakikilalang lalaki ay ikinulong niya ako dito sa loob ng silid. Nang mga oras na ito ay nababalot ng matinding takot ang puso ko dahil hindi ko alam kung ano ang sasapitin ko sa kamay ng lalaking dumukot sa akin. Nakaramdam ako ng pagod ay nanghihina na lumapit ako sa kama at tahimik na umupo sa gilid nito.Labis akong naguguluhan sa mga nangyayari, ano ba ang kailangan ng lalaking iyon sa akin at bakit niya ako dinukot. Dahil ito ang unang pagkakataon na nakadaupang palad ko ang lalaking tumangay sa akin. Ilang sandali pa ay bigla akong nag-angat ng aking mukha ng bumukas ang pintuan at pumasok ang isang matangkad at gwapong lalaki na may seryosong mukha. Marahil kung wala lang ako sa ganitong sitwasyon ay hahangaan ko ang magandang katangian ng

“You are so stunning, Iha, napaka elegante ng dating mo.” Humahangang bati ni Matilda kay Ashley, hindi maikakaila ang hiya ng dalaga dahil bahagyang namumula ang mga pisngi nito. “Salamat, M-Mama, dahil sa magandang pagtanggap mo sa akin kahit na hindi mo pa ako lubos na kilala.” Taos pusong pasasalamat nito sa Ginang habang nakapaskil ang isang kaaya-ayang ngiti sa kanyang mapupulang mga labi. Ilang oras pa lang silang magkasama ay naging magkasundo na silang dalawa. Kasalukuyan silang nasa salon at naghahanda para sa nalalapit na family dinner ng pamilyang Welsh na gaganapin sa Mansion ni Sr. George Welsh.“I’m sure na mai-inlove sayo ang aking anak sa oras na makita ka niya.” Nakangiting pahayag ni Matilda, makikita ang matinding kasiyahan sa mukha nito. Hindi maitatanggi na gusto niya ang dalaga kahit na ang lahat ng ito ay para lang sa kanilang plano na makuha ang kumpanya.Isang tipid na ngiti ang naging tugon ni Ashley sa ina ni Marco.Ilang sandali pa ay lulan na sila ng is

“PAK!” Pagpasok sa loob ng kwarto ay isang malakas na sampal ang natanggap ko mula sa aking asawa. Pakiramdam ko ay nag-iinit at nangangapal na ang mukha ko dahil sa lakas ng sampal. Nanginginig ang aking kamay na hinawakan ko ang nasaktang pisngi habang patuloy sa pagpatak ang masaganang luha mula sa ‘aking mga mata. “Sabihin mo sa akin! May relasyon ba kayo ng lalaking ‘yun?” Nanggigigil niyang tanong, ramdam ko ang matinding galit nito sa akin na para bang may nagawa ako na isang mabigat na kasalanan. Nasasaktan ako dahil sa pang-aakusa niya sa akin na wala namang matibay na batayan. “A-Ano bang sinasabi mo? Wala akong alam sa mga binibintang mo sa akin.” Kahit nakakaramdam na ako ng galit para dito ay sinikap ko pa ring maging mahinahon. Sa kabila ng pananakit niya sa akin ay mas inaalala ko pa rin ang kalagayan nito.“Dahil ba sa isa akong inutil kaya hinayaan mong halikan ka ng g*g*ng ‘yun? I know that you choose him over me, dahil maibibigay niya sayo ang hindi ko kayang ibig

“Kampante akong pumasok sa loob ng kabahayan ng may ngiti sa labi ngunit nagulat ako sa biglaang pagsulpot ng aking asawa mula sa puno ng hagdan. Inaasahan ko na bukas pa siya darating ngunit mukhang napaaga yata ang kanyang uwi. Hindi kaya naudlot ang business trip nito kaya maaga siyang bumalik?Lihim akong napalunok dahil isang nagdududang tingin ang ibinigay niya sa akin, nang mga sandaling ito ay ramdam ko ang matinding tensyon na namamagitan sa amin dalawa.Pasimple akong nagpakawala ng isang malalim na buntong hininga upang humupa ang kaba na nararamdaman ko. Sinikap ko na kumilos ng normal sa harap nito kaya pinanatili ko ang magandang ngiti sa aking mga labi.“Kailan ka pa dumating?” Tanong ko sa kanya sa pinalambing na tinig habang pumapanhik ng hagdan hanggang sa huminto ako sa mismong tapat niya na may isang dangkal ang aming pagitan. Yumukod ako upang halikan siya sa pisngi.Akmang lalapat na sana ang labi ko sa kanyang balat ng bigla siyang humarap sa akin kaya naglapat

Kasalukuyan akong naglilinis sa loob ng kwarto namin ni Alistair dahil wala akong magawa ay naisipan kong ayusin ang aming mga gamit. Halos natapos ko ng linisin ang lahat at isang cabinet na lang ang natitira. Lumapit ako dito habang bitbit ang isang basahan. Binuksan ko ito upang simulan na sanang linisan ngunit natigilan ako sa mga bagay na tumambad sa aking paningin. Para akong natuklaw ng ahas dahil pamilyar sa akin ang mga gamit na nasa aking harapan at kahit pa yata nakapikit ako ay makikilala ko pa rin ang mga gamit na ito.Kunot noo na kinuha ko ang lumang makinilya maging ang mga ilang pirasong papel. Ilang sandali pa ay kusang pumikit ang aking mga mata at bigla ang pagdaloy ng mga alaala mula sa aking isipan. Ang bawat parte ng mga alaala sa amin ni Ali maging ng lalaking pinakasalan ko ay ngayon ko lang napagtugma-tugma.Habang nakapikit ay narinig ko na bumukas ang pintuan ng kwarto. Nagsimulang bumangon ang matinding kilabot sa buong pagkatao ko dulot ng matinding ten