Lahat ng Kabanata ng My Flawless Diamond: Kabanata 31 - Kabanata 33

Pumasok si Ellie sa mall, nagsisimula nang kumapal ang tao. Dito na siya dumiretso matapos makipagkita kay Mariz. Duty niya ngayong araw. Habang naglalakad bumubulong sa kanyang isipan ang pakikipag-usap kay Mariz, ngunit desidido siyang iwaksi ito. Pagkatapos ng lahat, mayroon siyang trabaho na dapat gawin, at hindi niya nais na makagambala ito. Habang palapit siya sa kanilang booth sinalubong siya ni Maan, nakita niya ang pananabik sa mga mata nito. "Miss Ellie!" Kaway ni Maan sa kanya. "Buti naman dumating ka na. Mayroon kang inquiry sa leaflet mo. Sinabi nila na tawagan mo sila kaagad. Heto ang cellphone number na iniwan nila kanina. Nandito lang sila sa restaurant kumakain." Bumilis ang tibok ng puso ni Ellie. Kahit negative vibes ang pinabaon sa kanya ni Mariz, mayroon naman Maan na may positibong pasalubong sa kanya. "Whoa! Magandang balita 'yan," sagot niya, ang boses niya ay napuno ng kumpiyansa. "Kapag positive buyer Ms. Ellie magpa-snack ka naman." Parang mainit

Isinara ni Ellery ang binabasang libro ng Legal and Judicial Ethics. Tumayo siya at nag-unat. Pinilig ang ulo, matagal siyang nakaupo sa study table hindi na niya namalayan ang oras. Ilang araw na niyang pinagpupuyatan ang libro dahil sa nalalapit ng exam. Sumulyap siya sa orasang nakabitin sa dingding, pasado alas onse na ng gabi. Nilikom niya ang libro sa mesa pati ang librong nakakalat sa kanyang kama. Ilang sandali lumabas siya ng kanyang silid. Mula sa pinto nakita niya sa sala si Ellie, nasa harap nito ng umuusok na kape habang nanonood ng telebisyon. Kilala niya ang kapatid, alam niyang may bumabagabag sa isip nito. Lumapit siya sa sala. "Ate, Naglalamay ka ba? Mag-aalas dose na nagkakape ka parin. Makakatulog ka ba niyan? "Sa hindi ako makatulog," walang buhay na sagot ni Ellie, hindi man lang gumalaw. Tutok ang mata sa screen ng tv ngunit wala naman doon ang kanyang isip. Lumakad si Ellery sa kusina at kumuha ng baso. Nagsalin ng tubig. Tinungga ito hanggang maubos