Todos los capítulos de Arranged Marriage with the Ruthless CEO: Capítulo 531 - Capítulo 540

Sa pagkakataong ito, hindi na naglakas-loob si Alex na huwag sagutin ang tawag. Kung hindi ilalabas ng mag-asawa si Natalie, mas mabuti na si Mateo mismo ang humarap sa kanila. Kung magkakaroon man siya ng problema sa trabaho niya, masasabi niya pa rin na hindi siya nagpabaya.“Sir!”[Anong nangyayari? Kanina pa ako tumatawag! Mamaya na kita kakausapin—nasaan si Natalie?] Singhal ni Mateo sa kabilang linya. Ang pinaka-ayaw pa naman niyang katangian ng mga tauhan niya ay ang mga hindi sumasagot sa tawag niya. [Alex, nasaan ang asawa ko?]“Sir… Sa tingin ko may nangyari sa kanya! Bilisan ninyo—pumunta kayo sa General Surgery wing!”“General Surgery? Bakit naman nandoon si Natalie? Hindi niya department ‘yon.” Agad na tumalim ang mga mata ni Mateo. Binaba niya ang tawag. Hindi na siya nag-aksaya ng oras at dali-daling tumakbo papalayo.Tahimik na sumunod sa kanya si Isaac at Tomas, nagpalitan sila ng tingin at hindi na nagtatanong. Malakas ang kutob nila na may hindi na naman magandang

Nakita na niya mismo sa sariling mga mata—lahat-lahat—pero sa kaloob-looban niya, umaasa pa rin siyang nagkakamali siya. Na baka, kahit papaano, ito'y isang malaking...hindi pagkakaintindihan lang.“Mateo, nasaan na ang prinsipyo mo? Nasaan na ang pride mo? Nakuha mo pang maging optimistic sa pagkakataong ito, bakit?”Kumukulo na siya sa loob—sa pinaghalong galit, inis, at pagkalito. Pero kahit ganoon…hindi pa rin pumasok si Natalie sa loob. “Ha. Baka humahanap pa siya ng bwelo.”Biglang may nahagip ang mata niya. Sa pag-iikot niya sa study at sa kawalan ng magawa, napansin niya ang halos lahat ng maliit na detalye sa loob ng study. Naging shared room nila ito ni Natalie at madaling malaman kung alin sa mga gamit doon ang hindi kanya.Gaya na lang ng isang maliit na notebook na iyon—na nasa maliit na mesa sa tabi ng bintana. Mesa iyon ni Natalie. Karaniwan, nandoon ang mga medikal na libro at case files niya. Pero ang notebook na ito… kakaiba. Ngayon lang niya nakita ito doon.Pinulot

“Nat?” Habang nag-iimpake siya, dumating si Tess—kasama si Ben.Kamakailan, mas madalas na nasa ospital si Ben. Siya ang nag-aasikaso kay Antonio sa ospital at sa iba pang mga pinapaasikaso nito. Lagi siyang abala at bihira na lang makauwi ng mansyon kaya hindi niya inasahan na ganito na pala kabigat ang alitan ng mag-asawa. Saktong nakauwi siya sa mansyon para kunin ang ilang mga dokumento na pinapakuha ng matanda mula sa opisina nito. Narinig niya ang sigawan mula sa study at nagtanong kay Tess ngunit wala din namang maisagot si Tess maliban sa alam niyang may alitan nga sila.“Anong nangyari?” Tinapunan niya ng tingin ang maleta. “May tampuhan na naman ba kayo ni Mateo? Huwag kang matakot… kung may sama ka ng loob, sabihin mo kay Sir Antonio. Mahal na mahal ka ng matanda—at panig siya sayo, sigurado ako dyan! Mag-aaway at mag-aaway talaga ang mag-asawa, pero ang pag-alis sa bahay, hindi ‘yan ang solusyon.”“Manong Ben, hindi po ganoon.” Napangiti ng mapait si Natalie at umiling. “H

Kalmadong isinampay ni Mateo ang isang braso sa balikat ni Leo. Naamoy ni Leo ang alak mula sa kaibigan. “Alam mo ba na pumusta ako na 'yang dancer na ‘yan ang mananalo ngayong gabi bilang ‘Queen of the Stage.’ Anong tingin mo? Magaling, ‘di ba? Pumusta ka na din, libangan lang. Barya lang naman ang ipinusta ko.”“Oo nga.” Um-oo na lang siya. Mukhang tuluyan ng nasiraan ng bait ang kaibigan niya. “Haha… oo nga. Magaling siya.”“Sandali, tawagin natin ang server para makapusta ka din. 20k lang naman ang ipinusta ko. Hindi na masama. May cash ka ba o gusto mo, card na lang?”“Mateo—”“Ang galing!” Hindi pa man siya tapos magsalita, biglang sumigaw si Mateo sabay palakpak ng malakas, tuwang-tuwa habang nakatingin sa entablado. “Ang galing ng performance! Whoa! Ang galing! Panalo ka na, Miss!”Natapos na ang sayaw ng babae pero pumapalakpak pa rin si Mateo. Hanggang sa iba na ang sumalang sa stage ay halos hindi pa ito matapos sa paghanga sa dancer na pinustahan niya. Isang pambihirang pa

“Hayaan mo na siya, Stephen. Lasing na siya at hindi siya nasa ayos ngayon. Alam mo naman ang pinagdadaanan niya ngayon.” Sabi ni Leo ng tuluyan ng makaalis sina Mateo at Isaac. “Mas makakabuti kung umalis na lang siya dahil baka makasakit pa siya dito. Nakita mo naman, buti nga nakapagtimpi pa ang tao.”Nagkibit-balikat si Stephen. “Oo nga, eh. Pero dahil nandito na tayo at bayad na ang drinks. Tayo na lang ang uminom para sa heartache niya!”**Sa loob ng sasakyan, maingat na nagtanong si Isaac. Kapag ganitong mainit ang ulo ng boss nila, kailangan nilang maging maingat at dahan-dahan. “Sir, saan tayo pupunta?”Nakasandal sa bintana ng sasakyan si Mateo, nakapikit ito at halatang pagod. “Saan pa? Sa bahay sa Antipolo.”“Noted.” Tahimik na napabuntong-hininga si Isaac.Tama ang hinala niya—kahit ano pa ang nangyari sa kanila ng asawa, kahit gaano pa kasalimuot at kahit gaano pa katindi ang naging pagtatalo nila kanina, hindi pa rin kayang bitawan ng boss niya si Natalie. Kahit pa ini