Lahat ng Kabanata ng Love and Coffee Spills (SYJUCO SIBLINGS Series #1: XANDER): Kabanata 71 - Kabanata 80

Napabuga ng hangin si Tori. Bakit ba hindi siya nilalayuan ni Ruther. Bakit ba hindi pa siya makalayo sa lalaki? Kasalanan niya rin ito. Sana hindi siya pumayag noon. Sana, ipinaglaban niya ang karapatan niya. Dapat, hindi siya nagpagamit. Kung bakit kasi nakiayon na lang siya sa agos noon. Palibhasa, wala siyang pamilyang matatawag noon. Walang gumagabay sa kanya, walang nagmamahal. Eh di sana, hindi nangyari ang lahat. Eh di sana, wala siyang itinatago kay Xander ngayon. Paano sila liligaya nang tuluyan ni Xander kung ganitong may multo ng nakaraan na nasa pagitan nila?Mariing pumikit si Tori. At sa pagpikit niyang iyon, muling nagbalik ang mga alaala. Pakiramdam ni Tori ay may biglang sumakit sa mga braso niya. Mahapdi iyon. Tila nanunuot ang sakit. Nakagat niya nang hindi sinasadya ang ibabang labi niya. Katulad ng ginagawa niya noon kapag gusto niyang pigiling madama ang sakit na nararamdaman niya.

Soft opening ng AMour Cafè. A para sa Araullo, at M para sa Madrigal, ang dalawang pamilya na nagsanib at utak ng car dealership na ang tawag ngayon ay Madraullo Motors. At AMour, dahil dito sa kumpanya nabuo ang isang pag-ibig. Katulad ng inaasahan, kumpletong dumalo ang apat na pamilya. Hindi mo talaga sila pwedeng matibag kung ang pag-uusapan ay ang suporta nila sa isa’t isa. Tunay namang higit pa sa magkakadugo ang turingan nila, at iyon ang lubos na hinahangaan sa kanila ni Tori. Sila-sila lang ang nandito, pati na ang mga higher management ng kumpanya. “So, one down? One to go?” sabi ni Xia nang lumapit kay Tori. 

“Congrats, anak. Kung nakikita natin ang Mama mo ngayon, paniguradong all smiles sa iyo ngayon iyon ‘yun at proud na proud. Hindi ka lang nakatapos, magna cum laude ka pa.” Malapad na ngumiti si Tori. Bigla niya tuloy na-miss ang Mama niya. Hindi pa niya nakasama ang mama niya sa alinmang graduation ceremony sa buong buhay niya dahil sampung taon lang siya ng bawian ito ng buhay. Nung araw ng graduation niya sa grade six, si Yaya Caring lang ang dumalo sa araw na iyon dahil busy ang Papa niya sa kaarawan ng kapatid niya sa ama na si Laurice. Nung High School graduation naman niya ay araw naman ng kumpil ni Laurice, kaya ang yaya pa rin niya ang dumalo sa pagtatapos niya. Siguro ay nasanay na lang din si Tori sa ganung malamig na pagtrato sa kanya ng kanyang Papa, kaya balewala na lang sa kanya kung hindi man ito nakapunta. Sa awa sa alaga, pilit namang pinunan ni Yaya Caring ang pagkukulang ng amo kaya ipinasyal niya si Tori sa isang sikat na mall at nanood sila ng sine na hindi lag

Bahagyang napaigtad si Tori nang tumunog ang telepono niya na nasa ibabaw ng dashboard ng sasakyan niya. Kanina pa siya hindi mapakali habang nagda-drive pauwi ng condominium unit niya. Hindi na niya kasi alam kung paano ipapaliwanag kay Xander ang biglaan niyang pag-alis sa soft opening ng AMour Cafè. Siguradong-sigurado si Tori na si Xander ang tumatawag ngayon sa kanya.  Wala naman siyang magagawa kung hindi ang sagutin ang tawag ng boyfriend. Boyfriend. Parang hanggang ngayon ay hindi mapaniwalaan ni Tori na boyfriend na niya ang lalaki. Nakakatuwa, at the same time, nakakatakot ang desisyon niyang iyon. Isang suntok sa buwan na desisyon. Napilitang damputin ni Tori ang telepono niya at saka siya nagbuga ng hangin

Punong-puno ng mga katanungan ang isip ni Tori kaya nabigla na lang siya na dumikit ang mga labi ni Xander sa mga labi niya. Namilog ang mga mata ni Tori. Iyan ang inisyal na reaksyon niya. Pero nang nadama niya ang malambot na labi nito na nilalaro-laro ang mga labi niya ay sumabay na rin siya sa galaw ng mga labi ni Xander. Iniangat pa ni Tori ang mga kamay at ipinatong sa mga dibdib ng binata. Ngayon lang nahawakan ni Tori ang dibdib ni Xander. Ang tigas ng mga iyon. Bahagya pang idiniin ni Tori ang mga palad niya sa bahagi na iyon ng katawan ng binata. Hindi man nakikita pa ng kanyang mga mata ay humanga na siya sa katawan ng binata sa pagkakasalat niya sa mga iyon. Pihadong maganda ang katawan nito kung pagbabasehan niya ang tigas ng mga dibdib niya. Hinawakan naman ni Xander ang bewang ni Tori at saka hinapit ang katawan nito nang bahagya pala