"HINDI ka na nga namin madalas nakakasama, ngayon naman ay nagmamadali ka pa.""Pasensiya na kayo. Alam niyong nasa ospital ang kapatid ko."Tinanggap ni Amira ang imbitasyon ng mga kaibigan na pumunta sa paborito nilang restaurant dahil nagtatampo na ang mga ito na akala ay iniiwasan niya."Nagbago ka na.""Ano ba kayo? May dahilan ba para magbago ako? Magkakaibigan pa rin tayo.""Hindi kaya dahil may inililihim ka sa amin?"Inisa-isa ng tingin ni Amira ang apat na kaibigan. Mukhang inimbitahan siya ng mga ito para usisain. "Ano naman 'yon?""Kaya nga kami nagtatanong.""Wala.""May boyfriend ka na, 'no?"Namula ang mukha ni Amira. Hindi pa niya binabanggit ang bagay na iyon sa mga kaibigan dahil hindi pa siya sigurado sa estado ng relasyon nila ni Hardhie. At gusto muna niyang gawin itong tunay na lalaki bago iharap sa mga tao. She's not embarrassed na nagmahal siya ng tulad nito, but because she is protecting him from bullies. Kung siya lang ay kaya niyang harapin ang panghuhusga.
Last Updated : 2025-05-29
LOGIN
