Все главы INSTANT DADDY : Глава 41 - Глава 50

HINAYAAN ni Aedam na mag-usap ang dalawang babae. Sandali siyang pumasok sa banyo at sa paglabas niya'y umiiyak na si Daphne habang nakayakap sa ginang. Hindi niya maintindihan ang sarili. Sa tuwing makikita itong umiiyak ay para bang may kumukurot sa puso niya. Gusto niyang pahirin ang luhang dumadalusdos sa pisngi, pawiin ang paghihirap ng kalooban nito. Gusto niyang ikulong na lang ito sa kaniyang bisig. Iilang araw pa lang niyang nakakasalamuha pero malaki ang epekto nito sa kaniya. Dati, nahuhumaling lang siya sa babaing nagpapakita ng motibo sa kaniya, pero ngayo'y iba ang nararamdaman niya. Alam niyang mali ang umuusbong na damdamin, pero hindi niya masisisi ang sarili. Hawig na hawig ito ni Meadow... ang babaing nang mawala ay saka pa lang niya nagkaroon ng pitak sa puso niya. "Meadow..." Mariin siyang pumikit. Wala na si Meadow. Hindi ito ang babaing ina ng anak niya. Pero, bakit iba ang sinisigaw ng puso niya? Sa pagmulat ng kaniyang mata'y ang maamong mukha ni Daphne

MALIMIT ang pagsulyap ni Aedam sa rear view mirror, tinitingnan niya si Daphne na ngayo'y nakatulog na. Kung siya lang ang masusunod, gusto niyang turuan ng leksiyon ang asawa nito. Pero, wala siya sa posisyon. Mabuti na lamang at napapayag ito ni Jelly na sumama sa kaniya. Hindi pa rin niya alam kung ano ang gagawin dito. Isasama ba niya ito sa tahanan o itatago? Pero kung sa kanila ito tutuloy, tiyak na magtataka ang kaniyang anak. Sa huli ay napagpasyahan niyang ikuha na lang ito ng matutuluyan. Nasa San Pablo City na sila nang makaramdam ng gutom. Agad siyang humanap ng makakainan. Isang 'di pamilyar na restaurant ang nahintuan niya. Pagkahimpil ay agad niyang binalingan si Daphne, na himbing pa rin sa pagtulog. Nakatitiyak siyang hindi ito natulog nang iwan niya sa sasakyan. Pinakatitigan niya ang mukha nito. Para talagang pinagbiyak na bunga si Meadow at ang babaing pinagmamasdan niya. Ang pagkakaiba nga lang ay may maliit na pelat ito sa kanang panga. Umungot ito kaya napa

SA clinic ng kakilalang doktor ang unang pinuntahan ni Aedam nang marating ang siyudad. Kailangang makuhanan si Daphne ng medical examination para sa pambubugbog ng asawa. Lahat ng test ay sumailalim ito. Hindi na niya pinag-aksayahang buhayin ang kaniyang cellphone, para hindi sila makontak ni Rodolfo. Habang hinihintay ang result ay isinama niya ito sa isang boutique para ibili ng mga damit. Sa una ay nahihiya ang dalaga, pero napilitan ding kumuha matapos niyang sabihing wala itong ipapalit na damit. Hinayaan niya itong pumili, ngunit agad ding lumapit sa kaniya "Ang mahal ng damit dito, Sir," bulong nito sa kaniya matapos suriin ang isang naka-hanger na t-shirt. "Don't think about the price, just choose what you want." Kita niyang nag-aalinlangan pa rin ito, kaya siya na ang humila sa t-shirt na tiningnan kanina. Hindi lang isa kundi halos mapuno ang dala niyang cart. "Sir, masyado na hong marami iyan." "Huwag mo nga akong pigilan," medyo pasuplado ngunit nakangiting t

KUYOM ang kamao ni Drake habang nakamasid sa batang wala pa ring malay. Hindi na siya nakapagtanong sa guard kung ano ang nangyari kay Avi dahil nataranta na siya. Naabutan niyang nakaupo ito sa labas ng school. Inaapoy ng lagnat, nanginginig ang katawan, at para bang may kinakatakutan. Sa sobrang taranta ay isinugod niya ito sa hospital. Bago makatulog ang bata ay may sinasabi ito, pero hindi niya maintindihan. Tinatawagan niya si Aedam, pero out of coverage ang phone nito. Si Tyron ang na-contact niya. Ipinaalam niya rito ang nangyari sa bata. Humakbang siya palapit at huminto sa gilid ng hospital. Inapuhap ang palad, at masuyong hinaplos 'yon. Ang isa nitong kamay ay may nakakabit na dextrose. Huwag naman sanang may malubhang karamdaman ang bata. Napamahal na ito sa kaniya. Itinuring na tunay na anak. Si Avi ang batang nagmulat sa mata nilang magkakaibigan, lalo na kay Aedam. Noon, sinasabi niyang palalakihin ito't pakakasalan, but that's only joke. Hindi niya magagawa ang bagay

HINDI mapakali si Tyron sa silid. Mag-isa na siya ngayon sa room, unconscious pa rin si Avi, at ang dam*hong nitong ama ay hindi pa rin niya ma-contact. Gusto na niyang ibato ang cellphone sa sobrang inis sa kaibigan. "Aedam, bakit ngayon pa? Bakit ang may asawa pa ang pinatos mo? Ano bang nangyayari sa 'yo?" gigil niyang sabi na para bang nasa harapan ang kaibigan. Patuloy niyang tinatawag-tawagan ang number ni Aedam, nahinto lang nang bumukas ang pintuan. Pumasok si Damian. Nasa mukha nito ang sobrang pag-aalala. Agad nitong nilapitan si Avi. Sinabi na niya ang result ng tests dito, at nakausap na rin naman niya ang doktor na tumingin sa bata. Pangkaraniwang lagnat lang ang nangyari rito. Hindi na lang niya ipinaalam ang sinabi ni Drake na nasa labas ito ng school, dahil tiyak na mag-aalala ito nang husto."Thanks God, okay naman pala ang aking apo." Umupo ito sa bangkong nasa gilid ng higaan ni Avi. "May isa lang ho tayong problema, tito." Humarap ito sa kaniya at sinalubong