All Chapters of Mr. Wright Beside Me: Chapter 51 - Chapter 55

Ang tilaok ng mga manok at ang ingay ng mga traysikel sa labas ang gumising kay Gracie. Ipinikit niya nang mariin ang kanyang mga mata, hinihiling na sana ay panaginip lang ang lahat. Hinihiling na sa pagdilat niya, ang kulay abong kisame ng bahay .ni Oliver ang makikita niya, at ang mabigat na braso nito ay nakayakap sa kanyang baywang.Ngunit nang tuluyan niyang imulat ang kanyang mga mata, ang nakita niya ay ang pamilyar na dingding na gawa sa plywood at ang lumang electric fan na maingay na umiikot sa sulok. Ang hangin ay hindi amoy air freshener ng hotel, kundi amoy ng sinangag na bawang at tuyo mula sa kusina ni Aling Vicky.Nasa Lopez siya. Nasa probinsya. Wala siya sa tabi ni Oliver. At higit sa lahat, wala na silang dalawa.Bumangon siya nang mabigat ang pakiramdam. Ang bawat kalamnan ng kanyang katawan ay nananakit, tila ba binugbog siya ng matinding pagod mula sa biyahe at sa walang humpay na pag-iyak kagabi. Mugto ang kanyang mga mata nang sumilip siya sa maliit na salamin

Dalawang buwan. Dalawang buwan na ang nakalipas mula nang ma-discharge si Oliver sa ospital at iuwi siya nito sa penthouse upang doon magpagaling kasama si Gracie.Sa loob ng animnapung araw na iyon, naging paraiso at bilangguan ni Gracie ang penthouse. Naging tahimik at payapa ang pagsasama nila. Ipinagluluto niya ito araw-araw, sabay silang nanonood ng mga pelikula sa laptop (dahil nanatiling putol ang cable at internet), at sa gabi, natutulog siya sa mainit at pamilyar na yakap nito.Pisikal na ay tuluyan nang gumaling si Oliver. Tinanggal na ang benda sa ulo nito, naghilom na ang mga bali sa tadyang, at naibabalik na nito ang normal na lakas ng katawan. Ngunit habang bumabalik ang sigla ng binata, palakas nang palakas din ang kaba sa dibdib ni Gracie. Alam niyang malapit nang matunaw ang yelong kinatatayuan niya. Sa bawat araw na lumilipas na walang maalala si Oliver, mas bumibigat ang kasalanang dinadala niya.Isang hapon, umalis saglit si Jerome para asikasuhin ang ilang papeles