Lahat ng Kabanata ng "Alipin Ng Bulag Na Pag-ibig": Kabanata 31 - Kabanata 32

Pagkapasok nila ni Sabrina sa maliit na apartment, tila nabawasan ang bigat sa dibdib ni Rheana. Tahimik lang siya habang pinagmamasdan ang paligid. Ang amoy ng bagong linis na kurtina at ang simpleng disenyo ng kwarto ay nagbibigay ng kakaibang kapanatagan — malayo sa marangyang bahay pero mas payapa. “Upo ka muna, Bes. Maghahanda ako ng kape,” wika ni Sabrina habang nilalapag ang mga dala sa mesa. Tahimik lang si Rheana, nakatitig sa lumang larawan nila ni Sabrina sa dingding — mga panahong magkasama pa silang nagtatrabaho sa VIP restaurant. Doon nagsimula ang lahat, doon din niya unang nakilala si Darvey — ang lalaking minahal niya nang buong puso. Pagbalik ni Sabrina, dala ang dalawang tasa ng kape. “O, eto. Alam kong hindi nito matatanggal ang sakit, pero kahit papaano, makakagaan ng pakiramdam.” Ngumiti si Rheana ng mahina. “Salamat, Bes. Alam mo, hindi ko alam kung saan ako pupulutin kung wala ka.” “Hay naku, tigilan mo nga ‘yan. Diyan tayo magaling — sa pagbangon kahit i