Todos los capítulos de Loveless Deal with the Cold-Hearted CEO: Capítulo 1141 - Capítulo 1150

“Sinabi ko na sa ’yo.” Pilit na ngumiti si Felicity. “I love your company. Iyon lang.”Hindi natinag si Damon. Nakatayo pa rin ito sa pagitan niya at ng main door, diretso sa kanya ang tingin.“Hindi iyon ang nakita ko sa mukha mo kagabi.”Nawala ang ngiti niya.Parang may humigpit sa lalamunan ni Felicity. Akala niya ay nakatalikod na ito noon at hindi napansin ang pagpigil niya sa pag-iyak. Mas nakakatakot palang isipin na napansin ni Damon ang kanyang pagsisinungaling, ngunit hinayaan lamang siya nitong gawin iyon.“At bakit mahalaga sa ’yo kung totoo?” tanong niya. “May maipapangako ka ba sa akin?”Hindi ito nakasagot. Lumayo ang tingin nito sa kanya.Iyon ang sagot na kinatatakutan niya.“Exactly.” Inabot niya ang doorknob sa likuran nito. “Kaya huwag mo akong tanungin.”Hinawakan ni Damon ang gilid ng p***o, ngunit hindi siya nito pinigilang buksan iyon.“Hindi ko alam kung ano ang kaya kong ipangako,” sabi nito. “Pero alam kong mahal— mahalaga ka sa akin.”Napatigil si Felicity.

Nanatiling nakatingin si Felicity sa cellphone ni Damon.Hindi na nito itinuloy ang pag-alis sa kusina. Nawala ang kulay sa mukha nito nang mabasa ang pangalang lumitaw sa notification.“Nakita na si Divine,” mahinang sabi nito.Kinuha ni Damon ang cellphone sa counter. Hindi niya agad binuksan ang mensahe. Mas nakatawag sa pansin niya ang paraan ng pagkakahawak ni Felicity sa baso, na tila anumang sandali ay mabibitawan nito iyon.“Bakit patuloy mo pa rin siyang hinahanap?” tanong nito. “Dati mo siyang nobya, hindi ba?”“May kailangan akong malaman mula sa kanya.”“Bakit kailangan mo pang magsinungaling?” Humarap ito sa kanya. “Kanina, tinanong kita kung may nararamdaman ka pa kay Divine. Hindi ka sumagot.”“Mahalaga si Divine sa buhay ko,” sagot niya.Namutla si Felicity. Ibinaba nito ang baso sa counter at napaatras ng isang hakbang.“Kung mahalaga siya sa buhay mo…” Napalunok ito. “Eh ano ako sa ’yo? Hanggang anim na buwan pa din ba ang itatagal ko sa buhay mo? O mas mapapabilis k

Pagdating sa IronGate, dumiretso si Damon sa monitoring room. Naghihintay na roon si Julian sa harap ng mga monitor habang sinusuri ang CCTV footage na ipinadala ng impormante nilang may access sa security system ng mall.“May nakita ako sa footage noong araw na nakasalubong natin si Prince at Felicity pero huwag kang magugulat,” sabi ni Julian.Kumunot ang noo ni Damon at lumapit. Sa gitnang monitor, makikita ang malawak na mall. Kita sa ground floor ang paglalakad nila ni Julian habang sinusuri ang mga tindahan at mga taong dumaraan. Sa second floor naman, nakatayo sina Stefie, Clarence, Divine, at Felicity.Napatitig siya sa asawa.Nang tumingala siya mula sa ground floor, mabilis na umatras si Felicity at pumuwesto sa harap ni Divine. Hindi iyon basta paggalaw. Ginamit nito ang sariling katawan upang harangan ang babae sa paningin niya.“May isa pang angle,” sabi ni Julian.Lumipat ang footage sa camera na nakatutok sa escalator at hilera ng mga tindahan sa second floor. Nang makit

Pagkasara ng p***o, napahawak si Felicity sa dibdib at tuluyang napahikbi.Akala niya ay umalis na si Damon, ngunit wala siyang narinig na mga yabag sa hallway. Maya-maya, gumalaw ang doorknob.Napatingin siya sa p***o.Nasa labas pa rin ito.Pinigil niya ang paghinga, umaasang bubuksan ni Damon ang p***o at babawiin ang sinabi nitong hindi siya mahal. Lumipas ang ilang segundo, ngunit nanatiling nakasara ang p***o. Muling gumalaw ang doorknob, saka niya narinig ang mga yabag na unti-unting lumayo.Hindi ito bumalik.Pinunasan ni Felicity ang mga pisngi at kinuha ang cellphone sa ibabaw ng dresser. Patuloy pa ring nagre-record ang camera.Pinanood niya ang video mula sa simula. Nakita niya ang pag-asa sa sarili niyang mukha habang hinihintay ang sagot ni Damon.“Kahit kaunti… may pagtingin ka ba sa akin?”Pagkatapos ay narinig niyang muli ang mga salitang dumurog sa puso niya.“May hinihintay ako.”Pinahinto niya ang video. Nakatapat na sa delete button ang daliri niya, ngunit hindi ni

“Si Prince ba ang tinutukoy mong Prince Charming?”Hindi inalis ni Damon ang tingin kay Felicity.“Bakit? May problema ba kung siya nga?”“Hindi mo sinagot ang tanong ko.”“Hindi ko kailangang sagutin.” Isinukbit nito ang handbag sa balikat. “Malapit na tayong maghiwalay. Wala ka nang karapatang pakialaman kung sino ang ka-date ko.”“Kasal pa rin tayo hangga’t hindi naaaprubahan ang annulment.”Napatawa ito. “Noong si Divine ang pinag-usapan, contract wife lang ako at pinaalalahanan mo akong walang pakialamanan ang kasunduan natin. Ngayong ako ang lalabas, biglang asawa mo ako?”“Magkaiba iyon.”“Of course. Special case lagi kapag tungkol sa babaeng mahal mo.”Lumapit si Felicity sa pinto. Tumabi si Damon upang bigyan ito ng daan, ngunit hindi naalis ang bigat sa dibdib niya habang pinapanood itong bumaba sa hagdan.Mula sa bintana, nakita niyang sumakay ito sa kotse na naghihintay sa tapat ng bahay. Umalis ang sasakyan bago pa siya makapagdesisyong pigilan ito.Kinuha niya ang cellph