All Chapters of The Billionaire Doctor’s Hidden Marriage (RATED 18+): Chapter 171 - Chapter 180

Bahagyang kumunot ang noo ni Cedrick habang malamig na pinagmamasdan si Cassie. Para sa kanya, hindi niya maintindihan kung paano mag-isip ang babaeng nasa harapan niya. Sa kanyang paningin, si Cassie ay isa lamang babaeng nasilaw sa kapangyarihan at yaman ng Rosales.“Sa tingin mo ba,” malamig niyang tanong, “magiging masaya ang isang kasal kung wala ang basbas ng mga nakatatanda?”Tahimik na nakinig si Cassie, ngunit hindi siya nagpatalo. “Hindi ko alam kung magiging masaya ba ang kasal na walang pahintulot ng mga magulang,” mahinahon niyang sagot. “Pero may isang bagay akong sigurado.” Bahagya siyang tumingin sa malayong gusali ng kumpanya na nakatayo sa likod niya, “Kung ang kaligayahang abot-kamay ko na ay basta ko na lang bibitawan,” patuloy niya, “habambuhay ko iyong pagsisisihan.”Pagkatapos ay ibinalik niya ang tingin kay Cedrick.“Sa tingin ko, Mr. Rosales,” dagdag pa niya nang kalmado, “kung may oras kayong makipagdiskusyon sa akin dito tungkol sa mga bagay na ito… mas mabu

Nakatayo si Aries sa tabi ng malaking bintana ng kanyang opisina. Tahimik ang paligid, ngunit ang kanyang tingin ay nakatuon sa ikalawang palapag ng villa sa katabing lote. Sa isang silid doon, may isang magandang pigura na paminsan-minsang gumagalaw sa loob ng kurtina, isang tanawing matagal na niyang pinagmamasdan.Matapos ang ilang sandali, dahan-dahan niyang binawi ang kanyang tingin mula sa bintana at bumalik sa kanyang mesa. Umupo siya sa swivel chair at kinuha ang isang kraft paper bag na nakapatong doon. Marahan niya itong binuksan.Habang tinitingnan ang laman, napangiti siya nang bahagya at bumulong sa sarili, halos parang kinakausap ang isang taong wala roon.“Anong dahilan pa ba ang kailangan para makalapit?” mahina niyang sabi. “Hindi ba mas mabuti kung direkta na lang akong lalapit sa’yo?”Sandaling natahimik ang silid. Parang may naisip siyang bigla.Napatigil siya ng ilang segundo, pagkatapos ay biglang napatawa, isang mababang halakhak na puno ng kakaibang kasiyahan.

Namumutla ang mga labi ni Melanie, halos kulay lila na sa sobrang tensyon. Bahagya pang nanginginig ang buo niyang katawan habang nakatitig sa papalayong likod ni Aaron. Hindi niya namalayang matagal na pala siyang nakatayo roon, parang isang estatwang hindi makagalaw.Ang mga alaala ng nakaraan ay unti-unting bumalik sa kanyang isipan, mga sugat na akala niya ay matagal nang naghilom, ngunit sa isang iglap ay muling nabuksan.Hindi niya namalayan ang paglipas ng oras hanggang sa paulit-ulit na tumunog ang cellphone sa loob ng kanyang bag. Doon lamang siya tila nagising mula sa kanyang pagkalugmok.Dahan-dahan niyang kinuha ang telepono at sinagot ang tawag. Maikli lamang ang naging usapan. Pagkatapos ay ibinalik niya ang cellphone sa bag at pilit na igalaw ang matigas niyang katawan. Parang mabigat ang bawat hakban

“President, sa tingin n’yo ba may matinding nangyari kay Mrs. Marcos noon kaya naapektuhan ang isip niya? Kaya ba ganoon na lang kasama ang trato niya kay Miss Cassie?” nag-aalangan ngunit seryosong tanong ni Arnel sa kabilang linya. Hindi niya talaga maunawaan. Pareho namang anak sa dugo, ngunit kitang-kita ang malaking pagkakaiba ng pakikitungo nito kay Cassie kumpara sa iba.Nanatiling malamig ang boses ni Calix. Sa halip na sagutin ang hinala ni Arnel, mas pinili niyang ituon ang usapan sa mas mahalagang detalye. “Imbestigahan mo ang petsa kung kailan nagpakasal si Mrs. Marcos sa Peralta. Pagkatapos, i-check mo rin ang eksaktong petsa ng kapanganakan ni Cassie.”Natigilan si Arnel sa kabilang linya. Ilang segundo siyang natahimik bago marahang huminga. “Ang ibig n’yong sabihin…” Nabitin ang tanong niya, ngunit halatang may mabigat nang posibilidad na sumagi sa isip niya. “Pero sir, kahit ganoon… biological mother pa rin naman siya. Hindi pa rin sapat na dahilan iyon para tratuhin

“Ako ang nanlibre sa lunch, hindi naman galing sa sweldo mo,” natural na sabi ni Calix habang tinitingnan si Cassie. May bahagyang pilyong ngiti sa labi nito nang idagdag, “Kaya kumain ka nang maayos. Kapag nalaman kong tinitiis mong magutom dahil nanghihinayang ka, ipaparanas ko sa’yo kung ano ang totoong gutom.”Sa simpleng linyang iyon, biglang nagkalat sa isip ni Cassie ang samu’t saring kakaibang imahinasyon.Hindi man niya tuluyang ma-figure out, kilala na niya si Calix. Kapag ganitong tono ang gamit nito, malaki ang posibilidad na may ibang kulay ang ibig sabihin. Kaya sa halip na patulan pa, ibinaon na lamang niya ang mukha sa pagkain at nagpanggap na walang narinig.Buti na lang at private room ang kinaroroonan nila.Pagkatapos ng lunch, lalo pang naging delikado ang sitwasyon.Sa loob ng tahimik na private dining room, hinila siya ni Calix palapit, saka marahang ibinulong ang kung anu-anong salitang halos magpainit sa buong katawan niya. Hindi pa roon natapos, unti-unti nito