All Chapters of قضية طرد : Chapter 31 - Chapter 40

(أبو إبراهيم) دخل المستشفى وقطع تذكرة زيارة بعشرة جنيه وراح يدور على مرات ابنه إبراهيم وسأل التمريض عنها فدلوه على مكانها ومشي عشان يدخل لها لقى إبراهيم ابنه عندها وقاعدين يهزروا ويضحكوا كلم نفسه أومال محضر أيه وأنا جاي ليه العيال دي بتلعب بينا الكورة والله لأعلمهم درس عمرهم ما ينسوه استنوا عليا ياولاد الهرمةراح نزل جري سأل عن أمين الشرطة اللي بيعمل المحاضر بالمستشفى وطلب منه خدمة وسأله أمين الشرطة عن نوع الخدمة فقاله فيه واحدة عاملة محضر في ابني عشان تحبسه وجيت أزورها عشان أراضيها وتتنازل وأنا على الباب سمعت صوت ابني وهو بيضحك معاها ويهزر والأمور بينهم تمام يبقى ينفع تعمله محضر وهو قاعد معها وأخر جمال كده (الأمين) لا طبعا أكيد سمعت غلط(أبو إبراهيم) وإذا صح يبقى أيه الحل؟ (الأمين) يبقى بلاغ كاذب ولازم تتنازل وإلا تتحبس(أبو إبراهيم) ممكن تيجي معايا عشان ميهربش وتثبت حالة (أمين الشرطة) أجي وماله (أبو إبراهيم) بس بحلفك ياشيخ بعيالك تثبت الحالة ولا تخليه يهرب عشان يتأدبوا وخد الفاكهة دي جايبها للمريضة بس هي لا تستاهل خدهم وزعهم على أي حد غلبان(أمين الشرطة) تعالى معاياودخل أمين

وتمر الأيام سريعا في بيت أم محمد (أم محمد) تعالى يا محمد عاوزة اتكلم معاك شوية دلوقت أنت صممت متعملش عزاء لأبوك الله يرحمه وأنا قدرت الموقف ساعتها وكنت كمان تعبانة الوقتي بعد كام يوم ذكرى الأربعين ممكن بقى تعمل سهرة لأبوك ونجيب شيخ يقرأ مش عاوزة بهرجة لا صوان ولا نجف ولا حاجة ملهاش لازمة مقرئ وبس وكام كرسي وهنوزع رز بلبن على الناس وأهل الشارع وحبايب أبوك وهتأخد مبلغ مني تروح تحطه في الجمعية اللي أبوك كان عضو فيها وتقول لرئيس الجمعية المبلغ اللي أبويا كان بيساهم بيه كل سنة في تزويج الأيتام أنا هوصله لك في ميعاده ماشي يامحمد(محمد) حبيبي ياحاج كان بيساهم بحاجات حلوة قوي حاضر يا حاجة بس أنا هدفع مكان أبويا ازاي ما أنت عارفة البير وغطاه(أم محمد) تصرخ فيه من غير بير ولا غطا هو أنت يامحمد بتقدر تساهم في أي حاجة ياوله أنا اللي هدفع نيابة عن أبوك من معاشه وكمان فاطمة هتجوز ونصيبها في المعاش هيرجع ليا هنساهم بيه فهمت يا حيلة أمك وأذكى أخواتك(محمد) ماشي ياحاجة والله العظيم أنا لو سرجت لك صوابعي العشرة شمع بردة هتقولي كده مش عارف ليه حطاني في دماغك بس(أم محمد) قوم أمشي من وشي روح نفذ اللي ق

يرجع الحاج سالم لبيته مسرعا ويصعد السلم سريعا ولا ينتظر حتى الأسانسير رغم سكنه بالدور الخامس ويصعد على أخر نفس ويرن الجرس وتفتح الخادمة وتستغرب شكل الحاج وتدخل فورا للحاجة أم عصام لتخبرها الحاج وصل وشكله تعبان يا حاجةأم عصام تخرج مسرعة للصالة وتجري على الحاج مالك يا حاج بتنهج كده ليه أطلب الدكتور عصام يجيلك وتنادي للخادمة تجيب لها الفون من الغرفة لكن الحاج سالم يطلب منها عدم طلب عصام ويقولها وهو بينهج أقعدي ياحاجة عاوزك في موضوعوتجلس الحاجة أم عصام وتقول خير يا حاج سالم فيه أيه وشك متغير كده ليه (الحاج سالم) بعد أن هدأ يقول هي كلمة واحدة وبعدها تنفذي كلامي وإلا هتلمي هدومك وتروحي بيت أبوك ومشفش وشك هنا ثاني (الحاجة أم الدكتور عصام) خير حصل أيه لكل ده؟(الحاج سالم) طلبتي سامية أخت أم محمد قلتي لها أيهالحاجة تمصمص شفايفها هي المحروسة لحقت كلمتك وحكيتلك مهو اللي على رأسها بطحة لازم يحسس عليها(الحاج سالم) بطحة أيه يا حاجة دأنت خارجة من بيت العروسة مطرودة أنت وابنك الدكتور عصام والبت ماشاء الله عليها ولا غلطة بس ابنك اللي معقد وشكله عمره ما هيخطب بشرطه العجيب ده(الحاجة أم عصام) تف م

(محمد) يصرخ في أمه هو أنا بقيت ملطشة وحيطة مايلة لكي كل شوية ضرب واهانة أنا ماشي هسيب لك البيت ولا أقولك هسيب لك الدنيا بحالها (أم محمد) اقعد ياغبي وأفهم دي سمعة أختك وأنت الوقت رجلها بعد أبوك(محمد) يعني أعمل أيه أروح اقتلك الدكتور عصام وادخل السجن عشان ترتاحي(فاطمة) يامحمد مش ده قصد ماما انا سمعتها بتحذرك قبل ما تنزل تعامل الحاج سالم عاديوده محصلش(محمد) أنا إنسان دم ولحم عوزاني أعمل أيه لما أشوفه أخده بالحضن وأبوسه مثلا(فاطمة) لا متغيرش معاملتك ليه خليك عادي ريلاكس وتقعد معه عادي وتشرب قهوتك وتمشي لكن تصرفك النهاردة يخلي الرجالة على القهوة تسأل فيه أيه ولما يرجعوا بيوتهم يحكوا لستاتهم والستات بالطبع فضولية يتصلوا بخالتك سامية ودي فرصة ليها تصول وتجول في عرضي فهمت ولا أعيد ثاني(أم محمد) عشان كده حذرتك دي سمعة أختك (محمد) والله العظيم اللي يجيب في سمعة أختي حتى لو كانت خالتي سامية أقتله(أم محمد) أنا اللي هسيب لك البيت لا الدنيا هقوم انتحر واخلص منك(فاطمة) طولي بالك ماما محمد غيران عليا وعلى سمعتي(محمد) قوليلها يا فاطمة والنبي(أم محمد) يبقى بالعقل ولا تشمت الناس فينا(مح

يسقط أبو سهير أرضا وتحاول أم سهير تفوقه وتبخ ميه في وشه وتجيب كولونيا وتحطها على أنفه والرجل لا يتحرك وتنظر بغل لبنتها وزوجها إبراهيم وتطلب منها اطلبي الإسعاف فترد بنتها سبيه يموت أهو العدد يقل في الشقة فتهجم عليها أم سهير تحاول ضربها لكن بنتها جثة ضخمة فلا تتمكن منها بل العكس تضربها بنتها وتسقط أرضا بجوار زوجها ابو سهير وتزحف أم سهير وتحاول مع زوجها حتى يفوق وتفشل في ذلك وإبراهيم ينظر لها بشماتة ويضحك ويقولها اطلبي الحانوتي يخلصنا من الرمة ده وتعيط أم سهير وتحاول النهوض حتى تدخل أوضتها وتطلب أم محمد وعندما يرن فون أم محمد وتجد اسم أم سهير تستغرب الأمر لكن ترد من باب الفضول (أم محمد) ألو خير يا أم سهير بطريقة الشخط فترد أم سهير الحقينا يا حاجة إبراهيم ضرب أبو سهير والرجل وقع محطش منطق وجيت أدافع عنه مرات إبراهيم بنتي ضربتني أنا كمان وحق العيش والملح ياحاجة تطلبي الإسعاف وتبعثيه على عنوانا أنا مش عارفة اتصرف معهم وسهير في الشغل الله يكرمك انجدينا من بنتي وابن أختك الرجل بيموت برة الحقينا (أم محمد) حاضر ياختي عشان حق الجيرة بس لكن النسب يغور في داهية يا عيلة واطية وتنادي يا محمد يا