All Chapters of قضية طرد : Chapter 41 - Chapter 50

تنزل سهير السوق التجاري تشتري منه بدلة سوداء أخر شياكة وشوز وشوية اكسسوار صيني وتشتري لأمها عباية سوداء أخر موضة وتطلب من أمها تلبسها أثناء السفر لاسكندرية وتقولها الأم ليه المصاريف دي كلها مهي عبايتي حلوة وتصرخ فيها سهير قائلة من النهاردة لا من اللحظة دي سلميني نفسك وملكش دعوة نهائي أصرف كام أبعزق كام خلاص عصر الحسابات انتهي سامعة ياحضرة المليونيرة ويذهب الاثنين للاسكندرية ويقيمان في فندق فخم وسط البلد وتطلب سهير من الريسبشن اسم مكتب عقارات يكون أمين لأنها حابة تشتري شقة في اسكندرية ويدلها أحدهم على مكتب عقارات وتشتري شقتين في مكان راقي بجوار بعض وتسجل واحدة باسم بنتها فاطمة والثانية باسمها وتسألها الأم ليه شقتين فتقول لها عشان نتجوز أنا وأنت ونعيش الحياة وتتكسف الأم وتخفض وجهها للأرض وتقول جواز ثاني اتجوزي أنت لكن أنا خلاص عجزت ترد سهير فشر كلك شباب بكرة تشوفي الفلوس هتعملك أيه ياقمري وتسألها الأم كتبتي الشقة باسمي ولا الاثنين باسمك ترد سهير لا أنت شقة وأنا شقة كله بالنص حتى بعد عمر طويل أختي وأخويا يورثوا فيكترد الأم قطيعة تقطعهم افتكري حاجة عدلة وترجع سهير أمها الفندق وتذهب مع

في قسم الشرطة الأمين محمود هو أحنا مورناش غيرك ولا أيه بقيتي رد سجون كل شوية مشرفانا في القسم (أخت سهير) أنا معملتش حاجة هي اللي ضربتني يبص الأمين لها ويضحك عمتك ضربتك دي عمتك من قلة الأكل وزنها حوالي خمسين كيلو وممكن أقل وأنت وزنك فوق المئة وخمسين كيلو مين بقى ضرب مين بالعقل كده!(أخت سهير) ياحضرة الأمين قولي أعمل أيه العيال جعانة روحت أطلب منها أي أكل شغلتني عندها خدامة وفي الأخر مردتش تديني أي حاجة الأمين محمود ينادي على العسكري خد يا بني هات كام ساندوتش فول للعيال الغلابة دول ويبص لأخت سهير وإبراهيم ويقولهم خسارة العيال دول فيكم الناس مش لاقية ضفر عيل وأنتم مبهدلينهم معاكم منكم للهثم يوجه الكلام للعمة ياحاجة دول لحمك لمي الدور وخديهم عندك يعيشوا خدامين تحت رجليكي (العمة) الجاحدة ضربتني (أخت سهير) حقك عليا ياعمتي العيال هتموت من الجوع وأنت مش راضية تأكلينا(العمة) وأكلكم ليه هو أنا خلفتكوا ونسيتكم روحي لأمك وسهير كلي عندهم(الأمين محمود) يا حاجة الصلح خير بنت أخوك هتعتذر لك وخلاص بلاش محاضر وسبيهم يعيشوا في البيت الأيل للسقوط أياك يقع على دماغهم والمجتمع ينضف من أشكالهم تبص

عاد محمد للبيت سريعا على غير العادة واستغربت فاطمة وسألته ليه مشوفتش الماتش على القهوة فبكى وقال لها مش عارف أركز وأمي غايبة حاسس كأن روحي حد سحبها مني وتبكي فاطمة معه وتقوله مكنش قصدي والله أضايق أمي والله ما كان قصدي وتنخرط في بكاء مرير (محمد) تعالي نفكر سوا أمك ممكن تكون راحت فين الا عند خالتك سامية أمك لو هتموت مش هتشمت خالتك فيها(فاطمة) هي أمك لها أصحاب دي تقريبا مش بتخرج من البيت نهائيا الا يوم الخميس بتروح تزور أبوك وتسكت فجأة وتقول معقولة وتصرخ محمد أمك عند أبوك(محمد) مذهولا أنت هبلة ازاي عند أبوك والبت الصغيرة في الجبابين ازاي لو لوحدها ماشي لكن مع بنت صغيرة بترضع استحالة أمك أعقل من كده(فاطمة) هقوم ألبس وأروح أشوف أمي (محمد) أعقلي واركزي كده الناس هتشوفنا داخلين المقابر في الوقت ده هيقولوا أما مجانين أو حرامية رايحين يسرقوا جثة أو مدمنين رايحين يتعاطوا حاجة أو واحد وواحدة رايحين يعملوا قلة أدب(فاطمة) كل ده وتسكت لكن ميهمش هيقولوا أيه المهم أمي إذا هناك ترجع البيت (محمد) يبقى متعرفيش أمك لحد النهاردة مع إنك أقرب واحدة ليها في الدنيا(فاطمة) وأنت اللي تعرفها يا فالح(م

ظلت سهير في شقة القاهرة عدة أيام ثم توجهت للإسكندرية وكأن لم يحدث شيء وطلبت المحامي ليحدد موعد لها مع المقاول صاحب الشركة التي ستبني لها البرج وأخبرها المحامي أن الحاج صاحب الشركة مريض ومحجوز بالمستشفى وإذا حبت توقع مع ابنه من قابلته قبل سفرها للعمرة رفضت وطلبت أن يصحبها المحامي لزيارة الحاج في المستشفى وارتدت سهير بدلة سوداء فخمة وتزينت بطقم فخم من الماس وذهبت مع المحامي لزيارة الحاج وفي الطريق طلبت من المتر المرور على محل ورد فمن الواجب أخد هدية قيمة للمريض وبعد شراء أفخم بوكيه ورد طلبت التوجه لأشهر حلواني بالمنطقة واشترت أغلى نوع من الشيكولاتة للزيارة ثم طلبت من الحلواني مجموعة فخمة من الحلويات ثم قالت للمتر خد دول لأهل بيتك ثم توجهت للسيارة ومعها المحامي للقيام بواجب الزيارة للمريض واستقبلها الحاج بالترحاب وشكرها على الورد والشوكولاته وقام بتعزيتها في الوالدة وعندما هم بالكلام عن بناء البرج فوجئ بها تتقدم نحوه وتقول بدلال لا ياحاج مفيش كلام في الشغل المهم صحتك ولو تسمح لي يكون لي الشرف بالزيارة لكم مرة ثانية فيرحب بها الحاج شاكرا لها فهي بنت الأصول فرغم ظروف والدتها لكنها لم تن

تفتح الشاويش سونيا بوابة العنبر بسجن النساء وهي تمسك فتاة صغيرة سنا وتجرها جرا داخل العنبر ثم تلقيها بكل قسوة وجبروت تحت أرجل المعلمة أخت سهير والفتاة تعيط بشدة وتصرخ والله ما عملت حاجة هي اللي ست ظالمة هي وابنها والله ما عملت حاجة وتصرخ يارب أنت بس اللي شاهد وشايف عمايلهم فيا يارب اتدخل وانقذني منهم يارب أنا حامل ومش حمل السجن والبهدلة يارب ارحمني منهم يارب وكلت أمري لك ترفس الشويش سونيا الفتاة بقوة وتصرخ البنت وتقوم أخت سهير من مكانها وتزق سونيا بعيدا وتقولها البت بتقولك حامل تقومي ترفسيها برجلك اللي محتاجة قطعها يخرب بيتك ده قلبي اتقطع عليها أنت أيه مفيش في قلبك رحمةتنظر الشاويش سونيا لها بغل وحقد منقطع النظير وتقولها من أمتى يا معلمة حد بيصعب عليكىترد أخت سهير من زمان بس أنتم اللي علمتونا عدم الرحمة أشكالكم الوسخة لخبطت حياتي وحولتني للإنسانة اللي أنت شيفاها قدامك دي ابعدي عن البنت هي في حمايتي من اللحظة دي وتعلي صوتها اللي هيقرب لها هدفنه في مكانه مفهوم ياشوية نسوان عرر ولا مش مفهوم وينظر الكل في الأرض ويذهبن لأداء المهام المكلفين بها وتنظر لها الشويش سونيا بغل وتذهب هي الأخرى