جميع فصول : الفصل -الفصل 20

ربتت الأم على فخذها بحنان وهزت رأسها بالإيجاب لتكمل، فتابعت ياسمين ونبرتها تشتعل بالتحدي: "كل ما بروح الجامعة وبسمعهم ورا ضهري وفي وشي بيقولوا لي 'يا عرجة' أو 'يا أم رجل ونص'.. ببقى من جوايا عاوزه أصرخ وأعيط من القهر والظلم، بس برجع أسكت فوراً وأحبس دموعي، وبحلف لنفسي إني هكون حاجة كبيرة جداً في البلد دي وهثبت نفسي، عشان يعرفوا كلهم إن 'أم رجل ونص' دي مش فاشلة ولا ناقصة، وإن النقص والتشوه الحقيقي والعرج موجود جوه عقولهم وقلوبهم المريضة!". دمعت عينا الأم من شجاعة ابنتها وكبريائها، وقالت بلهفة وخوف عليها: "يا ياسمين يا حبيبتي، لو أنتِ مش مرتاحة في الكلية دي والضغط النفسي عليكي كبير، نحول ورقنا لكلية تانية فوراً ومتروحيش هناك تاني، وقدمي شكوى رسمية في العمادة ضد الولاد والبنات دول وأنا هروح معاكي.. وكمان أنا هكلم باباكي النهاردة عشان نتحرك بسرعة ونجيب رجل تانية اصطناعية ومطورة من برا عشان تسندك وتريحك في المشي". ضحكت ياسمين فجأة ضحكة خفيفة طريفة لتقلب الطاولة على الحزن وقالت: "قصدك رجل تالتة يا ماما!.. الناس كلها الطبيعي عندها رجلين اتنين بس، وأنا ما شاء الله هيكون عندي تلاتة؛ رجلي الط

في اليوم التالي، كان هو الموعد المنتظر لفك الجبيرة الطبية. اصطحبها إسلام إلى العيادة، لكنها هلت عليه بوجه شاحب كأوراق الخريف، وعيون منتفخة وحمراء بشكل ملحوظ من أثر البكاء الطويل والسهر طوال الليل؛ زادها حزنها هماً فوق همه، وشعر بألم في قلبه يعادل ألمهابعد أن انتهى الطبيب من فك الجبس، تنفست ياسمين بعمق، ونظرت إلى إسلام بنظرة ممتنة وقالت بنبرة خجولة: "أنا متشكرة ليك أوي يا دكتور إسلام.. بجد مش عارفة أقولك إيه، كنت معايا طول الفترة اللي فاتت وبتوصلني وتعطل نفسك عن مستشفاك وتعبتك معايا جداً.. بس خلاص، الحمد لله الجبس اتفك، ودلوقتي تقدر ترجع لحياتك الطبيعية ومواعيدك وشغلك من غير تعطيل".ابتسم إسلام بمرح يحاول به تخفيف الأجواء المشحونة وقال: "أولاً مفيش تعب ولا حاجة يا ستي، دا كان أسعد وقت في يومي.. ثانياً، لسه في جلسات علاج طبيعي وتمارين تأهيلية وقصة تانية، يعني الموضوع لسه مخلصش ووراكي وراكي.. إلا إذا كنتِ أنتِ زهقتِ مني بقى وعاوزة تتخلصي مني؟!".ابتسمت بخفة وخجل وقالت: "لا طبعاً مقصدش خالص.. بس قصدي يعني...".قاطعها إسلام بمرونة وإصرار: "لا قصدي ولا مقصديش! أنا عازمك على الغداء النهاردة

صمت إسلام قليلاً يطرد غصة الذكريات ثم تابع: "بعد ما خلصت سنين دراسة الطب كلها والامتياز، في راجل طيب وصاحب بابا الله يرحمه، كان شغال في إدارة المستشفى الكبيرة اللي أنا فيها دي، ساعدني وشغلني بمرتب كويس جداً مكنتش أحلم بيه ولا كنت أحلم أصلاً إني أعدي من جنب سور المستشفى دي! بس الحمد لله، دايماً بقول إن الرزق ده والشغل ده هو حظ ملك ونصيبها عشان أقدر أعلمها كويس في أحسن المدارس، وأكبرها وأجوزها جوازة تشرف".نظرت إليه ياسمين بإعجاب شديد لشهامته وتحمله المسؤولية منذ صغره، وسألته برقة: "طيب وأنت يا إسلام؟ معملتش حسابك تتجوز أنت كمان وتعيش حياتك؟".ضحك إسلام بصوت مسموع وقال: "فكرتيني بعمي وخالتي! عل طول بيزنوا عليا في الموضوع ده وعاوزيني أتجوز من بدري، عمي دايماً يقولي أنت كبرت خلاص لإن عديت التلاتين من كام سنة.. وكل ما يجيبوا لي عروسة صالونات ترفض وتقولي 'أختك ملك هتعيش معانا؟'.. فبطلت الصراحة وقفت الموضوع، مهو أنا مش هتحوز صالونات تظلمني وتظلم أختي، وأنا بصراحة.. عاوز أحب وأتحب، عاوز واحدة تختارني بقلبها".شردت ياسمين بغموض ونطقت دون وعي منها، وكأنها تتحدث عن نفسها: "جايز.. لو واحدة منهم ك

شعرت ياسمين بحرج بالغ وضيق يعتصر صدرها من كلمات الفتاة الفجة، ونظرت سريعاً في ساعة يدها، لتتفاجأ بصدمة من قفزات العقارب، فقالت بتوتر وارتباك: "يا خبر!.. دا الوقت اتأخر فعلاً وداهمني ومحستش بيه". تخطت الفتاة—التي تبين أنها "سمر" ابنة عم إسلام—العتبة ودخلت الشقة بصلف، ودلفت ياسمين خلفها والضيق يملأ قلبها. توجهت ياسمين فوراً نحو الطاولة وبدأت تلم حاجتها وكتبها وأوراقها بسرعة، وأخرجت هاتفها لتكتشف بأسف أنه كان على الوضع "الصامت" طوال فترة المذاكرة، وأن والدتها رنت عليها مراراً وتكراراً. أسرعت بالاتصال بأمها لتهدئ من روعها. في هذه الأثناء، كانت ملك تتحدث مع إسلام على الهاتف في الناحية الأخرى: "أيوة يا أبيه.. الحمد لله أنا بخير ومطمنة.. سمر؟ لا سمر مجتـ...". قطعت ملك جملتها عندما رأت سمر تقف في الصالة، فعدلت كلامها: "لا أنا... استنى يا أبيه في جرس تاني بيرن أو حاجة هشوف مين وهكلمك تاني، سلام دلوقتي". أغلقت ملك الخط، فاقتربت منها سمر بسرعة وأمسكت بذراعها بشدة، وشدتها إلى جنب بعيداً عن مسمع ياسمين، وقالت بنبرة خفيضة مشحونة بالغيرة والتحقيق: "مين البنت دي يا ملك؟! ومن امتى أصلاً وأنتِ

دلفت سمر إلى الغرفة، لكنها لم تمر ثوانٍ حتى خرجت مجدداً وعلى وجهها علامات الضيق، وقالت بتأفف: "ملك! الأوضة مكركبة أوي كدا ليه؟ أنا هنام إزاي وسط اللخبطة دي؟! والسراير مش مفروشة ولا متظبطة!". ردت ملك بخجل وأسف: "معلش يا سمر.. أنا جيت متأخر من الدرس وعندي مراجعة صعبة بكرة، فملحقتش أروق الأوضة ولا أظبط حاجة". هزت سمر رأسها بزهق وقالت بحسم: "بصي.. أنا هلم الحاجات اللي على السرير ده وأحطها على السرير الثاني وهنام.. وأنتِ بقى لو عوزة تنامي، ابقي روحي نامي في أوضة أخوكِ إسلام، أصلي الصراحة مش بحب حد ينام جنبي خالص.. ولا أقولك؟ ما أروح أنا أنام في أوضة إسلام أكيد متروقة ونظيفة؟ أنا مش بحب أنام في اللخبطة دي أبداً". شعرت ملك بالضيق لكنها كتمته وقالت: "روحي نامي يا سمر وانقلي الحاجات ومتشغليش بالك بيا خالص.. والصبح إن شاء الله هقوم بدري أروق الأوضة، معلش استحمليني ليلة". تصنعت سمر الابتسامة وقالت ببرود: "طبعاً يا ملوكة.. أنا معنديش مانع أساعدك في أي حاجة بس تعبانة والله ومش قادرة أشيل صباعي.. يلا، تصبحي على خير". ردت ملك بنبرة حملت الكثير من التهكم المكتوم: "فيكي الخير والله يا سمر..