ELISE'S POVHindi ko alam kung kailan nagsimulang maging normal para sa akin ang makitang magkasama ang asawa ko at ang babaeng minsan niyang minahal. Siguro noong una kong makita silang magkasabay sa isang business dinner. O noong nagsimula siyang mag-cancel ng mga plano namin dahil kailangan daw niyang asikasuhin ang isang importanteng meeting. Pero ngayong gabi, habang nakatayo ako sa gitna ng ballroom ng Benavidez Grand Hotel, hindi ko na kayang magkunwaring walang problema sa pagitan naming dalawa.Nasa kabilang bahagi ng ballroom si Alessio Benavidez, suot ang black tuxedo na ako mismo ang pumili para sa kanya noong nakaraang linggo. Katabi niya si Camille Roxas, na nakasuot naman ng eleganteng champagne-colored gown. Magkatabi silang nakaharap sa ilang investors, at habang nakikinig ako sa usapan nila mula sa kinatatayuan ko, napansin kong hindi man lang inaalis ni Alessio ang kamay niya sa likod ni Camille. Simpleng gesture lang iyon para sa ibang tao, pero hindi para sa akin.
Huling Na-update : 2026-11-17 Magbasa pa