GANUNDIN ANG NARARAMDAMAN ni Warren sa tabi ni Daviana na halatang kanina pa napapanisan ng sariling laway. Dati-rati kasi ay sinusuyo at kinukulit ng lalaki ang matanda sa pamamagitan lang ng mga nakakatawang pananalita at saka nakikipag-usap din siya sa kanyang ama ngunit ngayon ay hindi na niya iyon ginagawa. Tikom ang bibig ni Warren na tila ba mayroon siyang kasalanan. Hindi naman iyon napansin ni Don Madeo na abala pa rin sa pakikipag-usap sa dalawang lalaki na padre de pamilya ng mga lalaki. Nakaramdam ng kaunting panlulumo si Daviana, ngunit kailangan niyang tapusin ang hapunan ng dalawang pamilya nang hindi gumagawa ng anumang kahihiyan. Nang malapit nang matapos ang hapunan, biglang tumahimik na si Welvin, ang ama ni Warren na para bang kanina pa may iniisip ito at nagtitimpi lang doon. Kinuha nito ang atensyon ng lahat na nasa hapag.
“May gusto nga pala akong pag-usapan ngayon. Huwag niyo sanang masamain. Magiging malalim itong problema kung hahayaan lamang natin.”
Napa-an
