BINOMBA NI WARREN si Daviana ng mga message at tawag gamit ang social media account. Hindi pa siya nakuntento doon at walang patid din niyang tinawagan ang kanyang numero. Ganunpaman ang gawin niya, patuloy siyang dineadma ng dalaga. Isang araw pa ang lumipas at hindi na nakatiis si Warren sa ginagawa ng dalaga na kahit i-seen ay hindi nito ginagawa. Naisip niya na baka nga ni-restrict na siya nito. Nagtungo na siya ng bahay nina Daviana, nagkatong naroon ang ama ng dalaga at siya mismo ang nagbukas ng pintuan. Lumapad ang ngisi nito nang makitang siya iyon.
“Oh? Warren, napadalaw ka?”
“Tito Danilo, hinahanap ko po si Viana. Nariyan po ba siya sa loob?”
“Si Daviana? Oo yata. Nasa silid niya. Hindi mo ba siya makontak?”
“Hindi niya po sinasagota ang tawag ko.”
“Sandali at sasabihan ko siyang bumaba para harapin ka. Maupo ka muna sa sofa. Dito mo na siya hintayin.”anang ama ni Daviana na mabilis ng umakyat ng hagdanan nila.
Sinundan lang siya ng tingin ni Warren. Pagdating ng lalaki
