SA KANYANG NARINIG ay hindi na napigilan ni Daviana na mapuno. Kung makapagsalita itong si Warren akala niya alam na niya ang lahat ng bagay. Kung apakan niya si Rohi ay ganun-ganun na lang. Hindi na niya matiis pa iyon.
“Hindi kasalanan ni Rohi kung ipinanganak siya sa pamilya niyo. Oo, anak siya sa labas ng Daddy mo pero hindi ibig sabihin noon ay anak siya ng third party. Kung hindi pinakasalan ng Daddy mo ang Mommy mo, nasaan ka kaya ngayon? Inosente si Rohi. Biktima siya ng pang-bu-bully mo mula mga bata pa tayo. Lumaki siyang walang kaibigan at pakiramdam na walang nagmamahal sa kanya nang dahil sa kagagawan mo! Ikaw ang totoong villain dito, ikaw!”
Hindi mapigilang mapanganga ni Warren sa narinig na pagsagot sa kanya ni Daviana.
“Magaling siya. Matalino. Madiskarte sa buhay. Hindi mo siya kagaya na spoiled brat. Kung ikukumpara ka sa kakayahan niya,” umiling-iling pa si Daviana upang mas lalong buwisitin si Warren. “Walang-wala ka sa kalingkingan niya. Tingnan mo nga? Ang gal
